Ruuka 10:16 - Imuuma Eehya

¹⁶ Ho Yëësu yaamarrë akatëëbhya abheegha abhaaye igha, “Ömöntö wowonswe ono araabhaitegherre, noraanyoore nö-öni aitëghërrëëyë. Na ono araange okobhaitegherra, nkunyoora arë nö-öni angirë ukwitegherra. Na ömöntö ono akwanga ukunyitegherra, uyö nkunyoora arë yangirë Waryobha ono yaantoma.”

Ruuka 10:16 ပူးပေါင်းရင်းမြစ်များ

Mataayo 10:40

Yëësu akaghëndërrya okobhatëëbhya igha, “Ömöntö wowonswe ono akobhasërëënia, nö-öni ukunyoora asërëënëri. Ömöntö wowonswe ono akönsërëënia, n-Waryobha ono yaantoma we ukunyoora asërëënëri.

Mataayo 18:5

Ghwiki ni-igha, ömöntö wowonswe ono akösërëënia omoona umutuuya kya ono ku iriina iryane, uyö nö-öni ukunyoora asërëënëri.

Maariko 9:37

“Ömöntö wowonswe igho ono akösërëënia omoona kya ono ku iriina iryane, uyö nö-öni ukunyoora aikërëëyi. Ghwiki ömöntö ono akunyikërrya, tö-öni umwene igho ukunyoora aikërëëyi hë, kasi obhoheene nkunyoora örë aikërëëyi Waryobha ono yaantoma.”

Ruuka 9:48

Akabhatëëbhya igha, “Ömöntö ono araasërëëni ömöntö omoke kya omoona ono, ko okoghera iya öni, noraanyoore nö-öni asërëënëri. Na ömöntö ono araansërëëni, nkunyoora arë asërëënëri Waryobha ono yaantoma, ko bhoora ömöntö omoke bhököngʼu, mö-bhëënyu muyö bhonswe igho, uyö we omonene okokera bhonswe igho.”

Yohana 12:44

Mbe, Yëësu akakonga araghamba igha, “Ömöntö ono akunkumya, tö-öni akukumya hë, kasi nkukumya arë ono yaantoma.

Yohana 12:48

Ömöntö ono akuunyanga, ono atakwikërrya amangʼana aghaane, aana ono arebhotorrwa ikiina. Amangʼana ghayö ngambirë, ngo gharemobhotorra ikiina ku-rusikö urwa umuhiko.

Yohana 13:20

No-bhoheene nkobhatëëbhya igha, ömöntö ono akwikërrya ono ntömirë, uyö nö-öni ukunyoora aikërëëyi. Na ono akunyikërrya, nkunyoora örë aikërëëyi Taata ono yaantoma.”

Amangʼana agha Abhatomwa 5:4

Hano waanyöörrë otaraaghörya ömöghöndö ghuyö, nu-ghwaho ghwaarë. Na hano waaghöghörri, seehera ni-syaho syaarë, nokaasëkörëëyë emeremo bhono ukutuna. Bhoono n-kwakë ökörrë engʼana eno? Te-bhantö ötëëbhëri obhorongo hë, kasi Waryobha umwene we ötëëbhëri obhorongo!”

Abhagharatia 4:14

Nokaanyoora ni-igho naarë, temwansërrë handë ukunyanga hë. Kasi keno mwaakörrë nukunyikërrya kya bhono mokaaikërëëyi maraika uwa Waryobha handë Kiristo Yëësu umwene.

1 Abhatësarönikë 4:8

Ömöntö wowonswe ono akwanga amëëghyö ghano, tigha nu-mwëghya uyö akwanga, kasi nkwanga arë Waryobha ono yaabhahaana Umwika Ömöhörëëru.