Mataayo 9:8 - Imuuma Eehya

⁸ Hano rikomo irya abhantö ryaarööshë ghayö, rekaroghoora bhököngʼu kora rekoobhoha. Rekatöönia Waryobha ono yaahaayë abhantö ubhwera kya bhuyö.

Mataayo 9:8 ပူးပေါင်းရင်းမြစ်များ

Mataayo 12:23

Rikomo irya abhantö bhayö, rekaroghoora, rekabhöörania igha, “Kasi ömöntö ono, tu umwebhorwa Daudi?”

Mataayo 15:31

Abhantö bhayö, bhakaroghoora bhököngʼu, hano bhaarööshë amamuumu gharashumaasha, amatengʼo gharaghenda, na abhabhëëru bhahwënirë, na abhahukuru bharamaaha. Ku bhuyö bhakatöönia Waryobha uwa Abhaisiraëri.

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Mataayo 9:7

Ömöntö uyö akahwena, akeemoka, akaghya ka.

Maariko 2:12

Enkaagha eno abhantö bhonswe igho bhamomaaherranga, hayö na hayö igho, ömörööyë uyö akemerra, akaghegha rishambi iryaye, akarishoka kebhara. Abhantö bhonswe igho bhakaroghoora, bhakatöönia Waryobha, bharaghamba igha, “Tetwakarööshë engʼana kya eno hë!”

Maariko 7:37

Abhantö bhonswe igho bhakaroghoora bhököngʼu. Bhakaghamba igha, “Ghonswe igho ghano akörrë, m-maiya. Nkuhwënia arë abhakirö, bhaighwa. Amamuumu ghatora okoghamba!”

Ruuka 13:13

Yëësu akamosambekera amabhoko, ömörööyë uyö akaimerra kamwë igho. Akasimya ökötöönia Waryobha.

Ruuka 17:15

Omoghenge ömwë hano yaarööshë igha ahwënirë, akakyora ku-Yëësu, na eno aratöönia Waryobha bhököngʼu.

Ruuka 17:18

Bho tebhakyörrë ökötöönia Waryobha hë! Nö-möghëni ono umwene igho we akyörrë?”

Ruuka 18:43

Umuhukuru akamaaha ko-nkaagha iyöiyö. Akasoorana Yëësu na eno aratöönia Waryobha. Abhantö bhonswe igho hano bhaarööshë ghayö, bhonswe bhakakumya Waryobha.

Ruuka 2:20

Ho bhoono abharëësya bhayö bhaakyörrë, bharatöönia Waryobha na ukumukumya ko-ghonswe igho, ghano bhaaighuurë, na ghano bhaarööshë. Ko bhoora, bhuyö bhaatëëbhiibhwi, mbo ghaarë.

Ruuka 23:47

Hano omonene uwa abhasirikare bhayö yaarööshë ghayö, akatöönia Waryobha na eno araghamba igha, “Okoghamba obhoheene, ömöntö ono n-wa heene yaarë ku-Waryobha.”

Ruuka 7:16

Abhantö bhayö bhonswe igho bhakabha na entarëki bhököngʼu. Bhakasimya ökötöönia Waryobha bharaghamba igha, “Ömörööti omonene yaibhökëëyë mö-bhëëtö mono!” Bhakaghamba igha, “Waryobha atotaarëëyë na ökökötöörrya abhantö abhaaye!”

Yohana 15:8

Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 21:20

Hano bhaaighuurë ghayö, bhakatöönia Waryobha, bhakatëëbhya Pauro igha, “Uwe umukumya murikyëtö, nomanyirë kya igho ëbhëkwë na ëbhëkwë ibhya Abhayahudi bhakumiri Yëësu. Bhonswe igho bhayö, mbaana omotono bhököngʼu, ughwa okosooka amaraghërryö agha Mosa.

Amangʼana agha Abhatomwa 4:21

Hano Peetero na Yohana bhaamarrë okoghamba amangʼana ghayö, abhanene bhayö tebhaarööshë engʼana iya okobhashibhya hë, ko bhoora abhantö bhonswe igho, mbaatöönianga Waryobha bhököngʼu ku ukughira iya ekemanyërryö ikya rikono keera bhaakörrë. Mbaamanyirë igha, ömöntö uyö yaahwëniibhwi, ni-tengʼo yaarë ukurwa ukwebhorwa ukwaye. Ömöntö uyö yaahwëniibhwi, yaarë na imyoka okoheteera merongo ene. Ku bhuyö abhanene bhakabhöbhöhërrya ghwiki bhököngʼu kwa öbhörrö, bhakabhahaatera bhaghende.

2 Abhakörintö 9:13

Ndabhatëëbhya igha, mbaraatööni Waryobha, ko bhoora emeremo ighyënyu nkwörökya ghërë igha, bhëënyu m-baköri abha emeremo abhaiya mörë. Ghwiki mbaraatööni Waryobha, ko okoghera iya ukwighwera ukwënyu ukwa ukwikërrya Amangʼana Amaiya agha Yëësu Kiristo, na ökösërëënia ukwënyu kono mokobhasërëënia, kora na ko-bhantö bhonswe igho.

Abhagharatia 1:24

Mbe, bhakatöönia Waryobha ko okoghera iya ghano yaankorra.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.