Mataayo 9:34 - Imuuma Eehya

³⁴ Kasi Abhafarisaayo bhakaghamba igha, “Oghosambwa, oghonene ughwa amasambwa ghoora, ngwo ghokomohaana obhotoro ubhwa ukwata amasambwa ukurwa ko-bhantö.”

Mataayo 9:34 ပူးပေါင်းရင်းမြစ်များ

Mataayo 10:25

Bhëënyu abheegha abhaane ni-igha mobhe kya öni. Mwitengʼere igha abhantö mbarebhakorra obhoghogho kya bhono bhakonkorra obhoghogho. Öni m-motangati uwëënyu ndë, hano okomaaha bharamberekera igha n-Gosambwa ndë, na bhëënyu bhonswe mbarebharoka amariina amaghogho bhököngʼu.”

Mataayo 11:18

Nembatuubhaini igho, ko bhoora hano Yohana Omobhatiisya yaaishirë, tiyaaryanga emekaate handë ukunywa idivai hë. Kasi bhëënyu mokaghamba igha, ‘Aana risambwa.’

Mataayo 12:22

Mbe, abhantö nyabhorebhe bhakareetera Yëësu ömöntö ono yaarenga na risambwa. Ömöntö uyö, m-muhukuru yaarë kora ni-muumu ryaarë, tiyaatoranga okoghamba hë. Yëësu akamuhwënia, ku bhuyö ömöntö uyö akatora okoghamba na okomaaha.

Mataayo 12:27

Kasi nyoore öni nkwata ndë risambwa ko obhotoro ubhwa Bhërizëbhuri, abheegha abhëënyu bhonswe nkwata bharë amasambwa ko obhotoro ubhwa Bhërizëbhuri? Ku bhuyö abheegha abhëënyu nkwörökya bharë igha, ghayö mokoghamba te-maheene hë.

Maariko 3:22

Kora abhëëghya abha amaraghërryö agha Mosa bhano bhaaruurë Yërusarëëmu, bhakaghamba igha, “Ono yairomberwa na Bhërizëbhuri, oghonene ughwa amasambwa! Ghuyö ngwo ghokomohaana obhotoro ubhwa ukwata amasambwa ukurwa ko-bhantö.”

Ruuka 11:15

Kasi abhandë bhakaghamba igha, “Ono nkwata arë risambwa, ko obhotoro ubhwa Bhërizëbhuri, oghonene ughwa amasambwa!”

Yohana 3:20

Abhantö bhonswe igho bhano bhakokora amangʼana amaghogho, nkoregha bharë obhorabhu. Tebhakutuna ukuusha ko-bhorabhu, okore amangʼana aghaabho amaghogho ghatakaamanywa.

Yohana 7:20

Rikomo irya abhantö rekamohonshora igha, “Uwe n-disambwa onaryo! N-nawë akutuna ukukwita?”