Mataayo 9:13 - Imuuma Eehya

¹³ Mbe, moghende mutune ensonga iya amangʼana agha Waryobha hano yaaghambirë igha, ‘Engʼana eno nkutuna, na-bhantö ukwabherana, ko bhoora ukwabherana nkökërrë ikimwenso keno abhantö bhakummwensera.’” Yëësu akabhatëëbhya igha, “Öni tenaasha okobherekera bhano bhakwimaaha igha, m-ba heene ku-Waryobha, a a! Kasi naasha igha, mberekere abha ëbhëbhë.”

Mataayo 9:13 ပူးပေါင်းရင်းမြစ်များ

Mataayo 12:3

Yëësu akabhahonshora igha, “Temwakasömirë mo-Maandeko Amahörëëru, kya bhono Daudi yaakörrë hano umwene na bharikyaye bhaarenga bhasëngëëyë?

Mataayo 12:5

Ghwiki temwakasömirë mo-maraghërryö agha Mosa, ko-keera abhasëngëri bhakokora mu-risengerro irya Waryobha urusikö urwa Obhotooro? Nkunyankuhya bharë urusikö urwa Obhotooro, ku ukumwensa kono bhakumwensa urusikö ruyö, kasi tebhakobha na isoro hë.

Mataayo 12:7

Obhoheene temomanyirë ensonga iya amangʼana ghano Waryobha yaaghambirë igha, ‘Engʼana eno nkutuna, na-bhantö ukwabherana, ko bhoora ukwabherana nkökërrë ikimwenso keno abhantö bhakummwensera.’ Singa momanyirë ensonga iya amangʼana ghayö, singa temoghambirë igha abheegha abhaane bhasarri.

Mataayo 19:4

Yëësu akabhahonshora igha, “Kana, temwakasömirë kya bhono Amaandeko Amahörëëru ghakoghamba igha, ukurwa kare ‘Waryobha yaabhömbirë omokari na umushaasha’?

Mataayo 21:42

Ho Yëësu yaamarrë akabhatëëbhya igha, “Temwakasömirë kya bhono Amaandeko Amahörëëru ghandëkirwë hë? Ghandëkirwë igha, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba. Omonene Waryobha we akörrë engʼana iyö, engʼana iyö, nkötöröghöörya ërë.’”

Mataayo 3:2

“Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Mataayo 3:8

Nyoore m-maheene igha nkutuna mörë mbabhatiisi, ëkëntö ekenene ni-igha, mokorenga amangʼana ghano ghakwörökya igha, möhöngööyë ëbhëbhë ibhyënyu.

Mataayo 4:17

Ko-nkaagha iyö, Yëësu akasimya okoraarekera abhantö arabhatëëbhya igha, “Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Maariko 12:26

M-maheene igha abhaku nkuryoka bharë, kasi temwakasömirë mo-ketabho ikya Mosa, kya bhono Waryobha yaaghambirë hano ekesaka kyookanga omorro? Waryobha yaatëëbhëri Mosa igha, ‘Nö-öni Waryobha uwa Ibhurahimu, Isaaka na Yaakobho.’

Maariko 12:33

Ghwiki, nemanyirë igha, ni-igha ömöntö ahanshe Waryobha kwa enkoro iyaaye yonswe igho, ko sehakëri isyaye syonswe igho na singuru isyaye syonswe igho, na ahanshe murikyaye kya bhono aihanshirë umwene. Iyö yo engʼana indito bhököngʼu, okokera ibhimwenso ibhisikibhwa bheena ibhimwenso ibhyëndë bhyonswe igho.”

Maariko 2:17

Hano Yëësu yaaighuurë amangʼana ghayö, akabhatëëbhya igha, “Ömöhöru tatöniibhwi na ömörëri hë, kasi ömörööyë, we akutuna ömörëri. Öni tenaasha okobherekera bhano bhakwimaaha igha, m-ba heene ku-Waryobha, a a! Kasi naasha igha, mberekere abha ëbhëbhë.”

Ruuka 10:26

Yëësu akamohonshora igha, “Amaraghërryö gho ni-yakë ghakoraghërrya ko engʼana iyö? N-kë uwe okosoma mo-maraghërryö muyö?”

Ruuka 19:10

Omoona uwa Ömöntö nnaasha ukutuna, na ökötöörya abhantö bhano bhaasira.”

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Ruuka 5:31

Yëësu akabhahonshora igha, “Abharööyë mbo bhakutuna ömörëri abharere, ta-bhahöru hë.

Ruuka 5:32

Ku bhuyö öni tenaasha okobherekera abhantö bhano bhakwimaaha igha m-bantö abha heene hë. Kasi keno kyandeeta, no-kobherekera abha ëbhëbhë, okore bhahongore ëbhëbhë ibhyaho.”

Yohana 10:34

Yëësu akabhahonshora igha, “Kasi, netaandekwa mo-bhetabho ibhyënyu igha Waryobha yaaghambirë igha, ‘Bhëënyu m-bawaryobha mörë?’

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 2:38

Peetero akabhatëëbhya igha, “Kera ömöntö mö-bhëënyu muyö, ahongore ëbhëbhë ibhyaye, abhatiisibhwi ku iriina irya Yëësu Kiristo, okore aabherwe, ahaanwe ituho eno ërëngë igha, nu-Mwika Ömöhörëëru.

Amangʼana agha Abhatomwa 20:21

Naatëëbhyanga Abhayahudi hamwë na Abhayunaani igha, bhahongore ëbhëbhë ibhyaho, bhaashe ku-Waryobha, bhakumi Yëësu Kiristo, Omonene uwëëtö.

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

Amangʼana agha Abhatomwa 5:31

Akamuriinia, akamohaana obhonene ko okomotoora orobhareka urwaye urwa bhoryo, ahasë aha okosookwa, abhe Ömötöngi na Ömöhönia uwa abhantö. Waryobha yaakörrë igho, okore Abhaisiraëri, bhahongore ëbhëbhë ibhyaho, bhaabherwe.

2 Peetero 3:9

Abhantö abhandë nkokanya bharë igha, Omonene Waryobha nkotegheta arë okohekerania ghano yaaraghaini. Kasi obhoheene takotegheta hë. We nköghömërrya arë ko okoghera iya bhëënyu, ko bhoora takutuna igha, ömöntö kora ömwë, asire hë. Keno akutuna ni-igha, bhonswe igho bhahongore ëbhëbhë ibhyabho.