Mataayo 8:3 - Imuuma Eehya

³ Yëësu akarambora okobhoko ukwaye, akakunia omoghenge uyö. Akamötëëbhya igha, “Ni-igho nkutuna igha uhwene, obhe na esaabhuuro iya ikidiini.” Kamwë igho omoghenge uyö akahwena.

Mataayo 8:3 ပူးပေါင်းရင်းမြစ်များ

Mataayo 12:13

Ho Yëësu yaamarrë akatëëbhya ömörööyë uwa risusu uyö igha, “Rambora okobhoko ukwaho kuyö.” Ömörööyë uyö akarambora okobhoko ukwaye ukwa risusu, kamwë igho okobhoko kokahwena, kokabha kya ukwöndë koora.

Maariko 1:41

Yëësu akamwabhera, akarambora okobhoko ukwaye, akakunia omoghenge uyö. Akamötëëbhya igha, “Ni-igho nkutuna igha uhwene, obhe na esaabhuuro iya ikidiini.”

Maariko 4:39

Mbe, Yëësu akabhooka, akahamera rikama riyö, akatëëbhya inyansha igha, “Kira otendeere!” Rikama rekatigha okoherra, inyansha ekatendeera.

Maariko 5:41

Akamoghoota okobhoko, akamötëëbhya igha, “Tarita, koumu!” Ensonga ya amangʼana ghayö ni-igha, “Nu-uwe nkötëëbhya örë mwisëkë, bhooka!”

Maariko 7:34

Yëësu akagharamera mu-ryobha, akaita ekekoohe, akamötëëbhya igha, “Efata!” Ensonga iyaamo ni-igha, “Rebhoka!”

Maariko 9:25

Hano Yëësu yaarööshë rikomo irya abhantö reraaruha, akahamera risambwa riyö igha, “Uwe, ririsambwa! Waakora omoona ono yaabha rimuumu kora wamukiröhya. Bhoono ndakohamera igha, karwe ko-moona ono, otakaasha kumukyora-ko ghwiki.”

Ruuka 4:27

“Na ghwiki bhaare-ho abhaghenge abhaaru mu-kyaro ikya Isiraëri, ko-nkaagha iya ömörööti Ërisha. Kasi taaho kora ömwë ono Ërisha yaahwënëri hë. Ono yaahwëniibhwi, n-Naamaani umwene igho, uwa mu-kyaro ikya Siria!”

Ruuka 5:13

Yëësu akarambora okobhoko ukwaye, akakunia omoghenge uyö. Akamötëëbhya igha, “Ni-igho nkutuna igha uhwene, obhe na esaabhuuro iya ikidiini.” Kamwë igho omoghenge uyö akahwena.

Ruuka 7:14

Ho Yëësu yaasuntarëëyë amasheera ghano bhaaghëghëëyë-ko umuku, akaghakunia. Abhantö bhayö bhaarenga bhaghëghirë umuku bhakaimerra. Yëësu akatëëbhya umuku uyö igha, “Uwe mora, ndakötëëbhya igha, bhooka!”

Yohana 11:43

Hano Yëësu yaamarrë okoghamba amangʼana ghayö, akabherekera bhököngʼu igha, “Raazaaro, rishoka kebhara eno!”

Yohana 15:24

Singa ntakora emeremo gheno ghetakokorwa na ömöntö wowonswe oora, tebhakaabhaayë na ëbhëbhë hë. Kasi bhoono, bharööshë emeremo gheno naakörrë, bhandëghirë öni hamwë na Taata wonswe.

Yohana 5:21

Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.