Mataayo 8:20 - Imuuma Eehya

²⁰ Kasi Yëësu akamohonshora igha, “Nyamobhwe mbaana amaina aghaabho agha okoraara-mo, na ibhinyönyi mbeena amasu. Kasi öni Omoona uwa Ömöntö, teneena ahasë aha okotoora orobharu urwane hë.”

Mataayo 8:20 ပူးပေါင်းရင်းမြစ်များ

Mataayo 12:32

Hano ömöntö araangambe bhoghogho öni Omoona uwa Ömöntö, Waryobha nkumwabhera arë. Kasi ömöntö ono araaghambe bhoghogho Umwika Ömöhörëëru, Waryobha tamwabhere ko-nkaagha eno, handë iyö ikuusha.”

Mataayo 12:40

Kya bhoora Yoona yaabhaayë mo-nda iya ughuswë ku-sinsikö isatö, omobhasö na ubhutikö, ni-igho öni Omoona uwa Ömöntö ndebha mo-mbeehera sinsikö isatö, omobhasö na ubhutikö.

Mataayo 12:8

Ko bhoora öni Omoona uwa Ömöntö neena ubhwera ko-mangʼana agha urusikö urwa Obhotooro.”

Mataayo 13:37

Yëësu akabhahonshora igha, “Ömörëmi ono yaabhusurrë imbusiro inshiiya, uyö nö-öni Omoona uwa Ömöntö.

Mataayo 16:13

Hano Yëësu yaahikirë ahasë hano haabherekerwanga igha Kaisaaria Firipi, akabhöörya abheegha abhaaye igha, “Iyakë abhantö bhakongamba öni Omoona uwa Ömöntö?”

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 17:9

Hano bhaangʼararanga ukurwa ku-nguku koora, Yëësu akabharaghërrya igha, “Motakaashe mötëëbhi ömöntö wowonswe oora ghano mörööshë eno, okohekera enkaagha eno öni Omoona uwa Ömöntö ndiryoka ukurwa mo-bhaku.”

Mataayo 19:28

Yëësu akabhahonshora igha, “No-bhoheene nkobhatëëbhya igha, hano öni Omoona uwa Ömöntö ndikara ku-kitumbë ikyane ikya ubhuhika ko-nkaagha iya ekebhara ekehya, mbe, na bhëënyu bhano mokonsooraana, muriikara ku-bhitumbë ikömi na ibhërë ibhya ekekama morabhotorra ibhiina amakabhira ikömi na abhërë agha Isiraëri.

Maariko 8:38

Ömöntö ono akoommaahera sënsöni öni na amangʼana aghaane, ko-nkaagha eno iya abhantö bhano bhakokora ëbhëbhë, uyö we öni Omoona uwa Ömöntö ndemaahera sënsöni ku-bhuhika ubhwa Taata, hano ndiisha ukurwa mu-ryobha, hamwë na abhamaraika abhahörëëru.”

Ruuka 12:8

“Ndabhatëëbhya igha, kera ömöntö ono akunyikërrya mo-bhantö, öni Omoona uwa Ömöntö nindimwikërrya igha nu-uwaane, ko-bhamaraika abha Waryobha.

Ruuka 18:8

Ndabhatëëbhya igha, naraangohe okobhahaana obhoheene ubhwabho! Kasi öni Omoona uwa Ömöntö hano ndikyora, ndinyoora abhantö bhakeena umukumo ko-kebhara kono?”

Ruuka 2:12

Keno nkyo ekemanyërryö ikyënyu. Moraanyoore ekengʼerre keraariibhwi mu-ritubha irya situgho, kibhisiibhwi singibho.”

Ruuka 2:16

Bhakeemokera-mo këmwë. Hano bhaahikirë, bhakanyoora-ho Yusufu na Maryamu, na ekengʼerre keraariibhwi mu-ritubha irya situgho.

Ruuka 2:7

Akeebhora omoona uwa ikishaasha omotangi. Akamubhisya singibho, akamoraarya mu-ritubha irya okoraaghërrya-mo situgho. Yaaibhörëëyë muyö ko bhoora bhaabhörrwë umweya mu-sinyumba isya abhaghëni.

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Ruuka 8:3

Yoana mokaa Kuza wonswe ho yaarë. Kuza uyö, we yaarë umwimërërri uwa ëbhëntö ibhya omokama Herode Antipa. Yaare-ho Susana, na abhakari abhandë abhaaru. Abhakari bhayö, mbaasororanga ëbhëntö ibhyabho, kö ökötöörya Yëësu na abheegha abhaaye.

Ruuka 9:58

Kasi Yëësu akamohonshora igha, “Nyamobhwe, mbaana amaina aghaabho agha okoraara-mo, na ibhinyönyi, mbeena amasu. Kasi öni Omoona uwa Ömöntö, teneena ahasë aha okotoora orobharu urwane hë.”

Yohana 1:51

Ho yaamarrë akamötëëbhya igha, “No-bhoheene nkobhatëëbhya igha, moremaaha mu-ryobha hahönyökirë, abhamaraika abha Waryobha bharariina na ukwika ku-öni Omoona uwa Ömöntö.”

Yohana 12:34

Mbe, rikomo irya abhantö rekahonshora Yëësu igha, “Twasoma mo-Maandeko Amahörëëru igha, Kiristo naraaghëndërri okobha-ho igho kughya iyö, bhoono ghwiki uwe oraghamba igha, ni-igha Omoona uwa Ömöntö ariinibhwi kighörö? Kana Omoona uwa Ömöntö n-nawë?”

Yohana 13:31

Mbe, hano Yuuda yaarishökirë kebhara, Yëësu akatëëbhya abheegha abhaaye igha, “Bhoono ubhuhika ubhwane, öni Omoona uwa Ömöntö, haangʼë bhörë bhomaahwe harabhurabhu igho. Kora ubhuhika ubhwa Waryobha mboraamaahekane aharabhurabhu igho okohetera ko amangʼana aghaane.

Yohana 3:13

Taaho ömöntö wowonswe igho ono yaahika mu-ryobha. Kasi öni Omoona uwa Ömöntö mmu-ryobha naarwera.

Yohana 3:14

“Mosa yaahanëkirë ritöndö irya inshoka iya ishabha kö-mötë kighörö, ku-riköngö haara. Mbe, ni-ighoigho na öni Omoona uwa Ömöntö ni-igha nhanekwe kighörö,

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Yohana 6:53

Ku bhuyö Yëësu akabhatëëbhya igha, “No-bhoheene nkobhatëëbhya igha, hano moraange okorya ömöbhërë ughwane, na ukunywa amaanyinga aghaane öni Omoona uwa Ömöntö, temoobhe na öbhöhöru ubhwa amakora ghonswe igho hë.

Yohana 6:62

Bhoono iyakë erebha hano moreemmaaha öni Omoona uwa Ömöntö, ndatiira ukughya mu-ryobha ahasë hano naarë ekembere?

Amangʼana agha Abhatomwa 7:56

Mbe, akaghamba igha, “Momaahe! Nkomaaha ndë mu-ryobha hahönyökirë, na Omoona uwa Ömöntö, nikaayë bhoryo ubhwa Waryobha!”

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.