Mataayo 7:6 - Imuuma Eehya

⁶ “Motakaahaana sësëësë ëbhëntö ëbhëhörëëru, ko bhoora nseraaisyöri sebharööni. Kora ghwiki motakaarekerra sëmbëëshë ëbhëntö ibhya öbhöghöri ubhurito, ko bhoora nseraatasheretashere hansë.”

Mataayo 7:6 ပူးပေါင်းရင်းမြစ်များ

Mataayo 15:26

Yëësu akamohonshora igha, “Ti-bhuuya ömöntö aruusi abhaana ibhyakorya, arekerre sësëësë. Kasi ekenene ni-igha, abhaana bharaaghere bheghote.”

Mataayo 24:10

Hayö bhoono ho abhantö abhaaru bharyanga kunkumya. Mbarekorrananga sinikö, na okoreghana abheene ko abheene.

Mataayo 7:5

Uwe örë mwiköri, ruusya tangata oromambo mu-riiso iryaho, ho oraatore okomaaha bhuuya kya bhono oraaruusi ekesaara keno kërëngë mu-riiso irya murikyaho.

2 Abhakörintö 11:26

Okoghenda kono naaghendanga ndaraareka engʼana iya Waryobha, nkwaarë na ibhiituurotuuro ibhyaru. Naanyöörrë inyanko iya ököhëtibhwa na imyoro, amajambaazi, inyanko ko-Bhayahudi bharikyane, inyanko ko-Bhakyaro. Naanyöörrë inyanko mu-mighi, inyanko mo-masisi, inyanko mu-nyansha, inyanko iya abhahiiri abharongo.

Abhafiripi 3:2

Mwiyangarre na abhantö abhaghogho bhano bhakösöhya amaraghërryö agha Mosa mo-kanisa iyëëtö, ko bhoora bhakokangʼasërrya igha, abhantö bhano bhakutuna okobha Abhakiristo ni-igha bhasaarwe.

Abhaëbhuraania 10:29

Mbe, bhoono morakanya igha m-bushibhu ubhwa iyakë bhono araanyoore ömöntö ono akotashera hansë Omoona uwa Waryobha, na okomaaha igha amaanyinga agha Imuuma ghano ghaamosaabhuura te-ngʼana hë, na okokorra ikisiraani Umwika Ömöhörëëru?

Abhaëbhuraania 6:6

Abhantö bhayö hano bhaaghwa, n-këköngʼu okobhakyörya bhahongore ghwiki ëbhëbhë ibhyabho. Ko bhoora nkukyörya bharë Omoona uwa Waryobha ko-mosarabha kemoghoromoghoro igho, bhamösöökya harabhu igho.

2 Peetero 2:22

Ömöntö uyö, natuubhaini kya oroghero rono bhaarëngëri igha, “Ësëësë ikyörëëyë okorya amaröki aghaayo,” ghwiki oroghero urwöndë nkoghamba rörë igha, “Ëmbëëshë eno yöghiibhwi, eraighaaraghaara ghwiki mo-matoto!” Ni-igho ekobha kö-möntö kya uyö.

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.