Mataayo 7:22 - Imuuma Eehya

²² Urusikö urwa okobhotorrwa ikiina hano rurihika, abhantö abhaaru mbarëntëëbhyanga igha, ‘Omonene uwëëtö! Omonene uwëëtö! Kasi tomanyirë igha bhëëtö ntwaaruusiri öbhörööti, tokaata na amasambwa ku iriina iryaho, kora tokakora amakono amaaru?’

Mataayo 7:22 ပူးပေါင်းရင်းမြစ်များ

Mataayo 10:15

No-bhoheene nkobhatëëbhya igha, hano Waryobha arebhotorra abhantö bhonswe igho ibhiina ibhyabho, narishibhya bhököngʼu abhantö abha mu-mughi muyö okokera bhono arishibhya abhantö abha Sodoma na Ghomora.”

Mataayo 24:36

Yëësu akaghëndërrya okobhatëëbhya, akaghamba igha, “Kasi urusikö ruyö na enkaagha iyaako, taaho ömöntö amanyirë hë, mbakaabha abhamaraika abha mu-ryobha, handë Omoona uwa Waryobha, kasi Taata Waryobha, we umwene igho amanyirë.

Mataayo 25:11

Mbe, hano abhakangi bhaara bhaakyörrë, bhakanyoora ekesaku kisiikirwë. Bhakeemerra kebhara hayö bharabherekera igha, ‘Omonene uwëëtö, Omonene uwëëtö, otatweghorra-ho! Tokaakosaasaama, otatweghorra-ho.’

Mataayo 7:21

Yëësu akaghëndërrya okoghamba igha, “Bhaaho abhantö abhandë bhano bhakomberekera igha, ‘Omonene uwëëtö, Omonene uwëëtö,’ kasi tebharesoha mo-Bhokama ubhwa Waryobha hë. Kasi ömöntö ono akokora bhono Taata uwa mu-ryobha akutuna, uyö we aresoha-mo.

Ruuka 10:12

Keno nkobhatëëbhya ni-igha, hano Waryobha arebhotorra abhantö abha ko-kebhara kono ibhiina ibhyaho, narishibhya abhantö abha mu-mughi ghuyö, okokera bhono arishibhya abhantö abhatëëyu abha Sodoma.”

Yohana 11:51

Kayafa tiyaaghambirë amangʼana ghayö ko okohansha ukwaye umwene hë, kasi n-ko bhoora yaarë omonene uwa abhasëngëri uwa omooka ghuyö. Ku bhuyö, bhuyö nö-bhörööti yaaruusyanga igha, Yëësu nakaakuurë ko okoghera iya Abhayahudi.

1 Abhatësarönikë 5:4

Kasi bhëënyu, abhakumya bharikyëtö, urusikö ruyö terorebhabhasha kya umwibhi hë, ko bhoora bhëënyu ko amangʼana ghayö, tëmörëngë mu-kisuntë hë.

2 Abhatësarönikë 1:10

Urusikö roora Omonene Yëësu arikyora, narëtöönibhwa na abhantö abhaaye, kora naresookwa na abhantö bhonswe igho bhano bhakumukumya. Na bhëënyu bhonswe moreebha-mo, ko bhoora mwikërëëyi engʼana eera twaabhatëëbhëri.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

2 Timoteo 1:18

Na uwe wonswe nomanyirë bhuuya, amangʼana amaaru ghano yaankörëëyë mu-mughi ughwa Ëfësö hayö. Omonene Yëësu aashe kumwabhera urusikö roora urwa okobhotora ibhiina.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.