Mataayo 7:21 - Imuuma Eehya

²¹ Yëësu akaghëndërrya okoghamba igha, “Bhaaho abhantö abhandë bhano bhakomberekera igha, ‘Omonene uwëëtö, Omonene uwëëtö,’ kasi tebharesoha mo-Bhokama ubhwa Waryobha hë. Kasi ömöntö ono akokora bhono Taata uwa mu-ryobha akutuna, uyö we aresoha-mo.

Mataayo 7:21 ပူးပေါင်းရင်းမြစ်များ

Mataayo 12:50

Ko bhoora ömöntö wowonswe ono akokora bhoora Taata Waryobha uwa mu-ryobha akutuna, uyö n-kya mura uwëëtö, mohara uwëëtö, na n-kya maayö.”

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Mataayo 18:10

Yëësu akaghëndërrya okobhatëëbhya igha, “Mwangarre, motakaasera ömöntö omoke igha taana ubhwera hë. Ko bhoora igha, abhamaraika abhaaye mu-ryobha iyö, nkunyoora örë nkaagha syonswe igho bharëngë mbere ya Taata uwa mu-ryobha. [

Mataayo 18:19

No-bhoheene nkobhatëëbhya igha, abhantö abhabhërë mö-bhëënyu hano bharaaighwerrane ko-kebhara kono, ko-keno bharaasabhe Taata uwa mu-ryobha, naraabhahaane.

Mataayo 18:3

Akabhatëëbhya igha, “No-bhoheene nkobhatëëbhya igha, hano motaabhe kya abhaana abhake, temosohe mo-Bhokama ubhwa Waryobha hë.

Mataayo 18:35

Ho bhoono Yëësu yaamarërrëëyi ko okobhatëëbhya igha, “Taata uwa mu-ryobha wonswe, ni-igho arebhakorra hano moraange ukwabhera bharikyënyu.”

Mataayo 19:24

Ëkërëngyö ikyëndë ni-igha, ne-ngʼana ntöbhu bhököngʼu, engamia okoheta mu-ribhanga irya insindani, okokera umwamë okosoha mo-Bhokama ubhwa Waryobha.”

Mataayo 25:10

“Mbe, abhahara abhakangi bhaara, bhakaghya okoghora amaghuta. Enkaagha eno bhaaghyanga, ömötëti akasoha. Abhahara abhangʼaini bhaara waanyöörrë bhaisëëmëri, bhakasoha mu-nyumba eno inyangi iya ubhwenga yaakorrwanga-mo. Ekesaku kekasiikwa.

Mataayo 25:21

“Omonene uwaaye akamötëëbhya igha, ‘Ökörrë bhuuya. Uwe omoghorwa, m-möntö uwa heene örë, kora m-moheene örë. Ko bhoora obhaayë omoheene kö-bhëntö ebheke bheno naakötëghëëyë, bhoono nendaakokore obhe umwimërërri uwa ëbhëntö ibhyane ibhyaru. Nshö hano ushomerwe hamwë na öni.’

Mataayo 26:39

Akasuntara mbere hake igho, akairekera hansë bhubhuumaayë, akasaasaama Waryobha igha, “Taata, hano oraanyoore obhotoro bhooho, unduusiri-ho engʼana eno, kasi otakaakora kya bhono öni nkutuna, okore bhono uwe ukutuna.”

Mataayo 26:42

Mbe, ghwiki Yëësu akabhatigha hayö, akaghya-yo ghwiki urwa kabhërë, akasaasaama Waryobha igha, “Taata, nyoore n-këköngʼu ukunduusirya-ho engʼana eno, kora bhono ukutuna.”

Maariko 3:35

Ömöntö wowonswe igho ono akokora ghano Waryobha akutuna, uyö we mura uwëëtö, maayö, na umwisëkë uwëëtö.”

Maariko 9:47

Hano iriiso iryaho reraakokorerre okore ëbhëbhë, resomore. Nyakara osohe mo-Bhokama ubhwa Waryobha oona eketongʼo, okokera okobha na amaiso abhërë ghonswe igho, omare otabhutwe mo-morro ghotakurima.

Ruuka 11:28

Kasi Yëësu akamohonshora igha, “Ti-igho hë, kasi nyakara ömöntö ono akwighwa, na okoghoota engʼana iya Waryobha.”

Ruuka 13:25

Enkaagha eno umwene inyumba urinyoora amarrë ukusiika-ho ekesaku, muriimerra kebhara, morabherekera na okosaasaama igha, ‘Ore Omonene uwëëtö, otatweghorra-ho!’ Kasi narebhahonshora igha, ‘Tembamanyirë hë, kora temanyirë hasë murwërëëyë hë!’

Ruuka 18:25

Ne-ngʼana ëntöbhu, engamia okoheta mu-ribhanga irya insindani, okokera umwamë okosoha mo-Bhokama ubhwa Waryobha!”

Ruuka 6:46

“N-kwakë mokomberekera bherekera igha, ‘Omonene uwëëtö! Omonene uwëëtö!’ Kasi ghano nkobhatëëbhya temokoghakora hë?

Yohana 14:7

Hano mokaammanyirë, Taata wonswe mokaamomanyirë. Ndamanya kora bhoono momomanyirë, kora mwamomaaha.”

Yohana 15:23

Ömöntö ono akondegha, nkoregha arë na Taata wonswe.

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Yohana 5:17

Kasi Yëësu akabhahonshora igha, “Waryobha n-Taata, nkokora arë emeremo sinkö syonswe igho, nkyo kekoghera na öni wonswe ndakora emeremo.”

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abharuumi 2:13

Mbarebhotorrwa ikiina, ko bhoora Waryobha takobhara ömöntö igha uwa heene, ku ukwighwa amaraghërryö aghaaye ukwene igho. Kasi nkobhara arë ömöntö igha wa heene, ono akokora bhono amaraghërryö ghakomoraghërrya igha akore.

Abhaëfësö 6:6

Motakaabhaighwera enkaagha eno ukunyoora bhaaho, okore bhabhakumi. Kasi mobhaighwere okanya igha m-baghorwa abha Yëësu Kiristo mörë. Ëkëntö keno Waryobha akutuna igha mokore, mokekore kwa nkoro nshiiya.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Abhatësarönikë 4:3

Waryobha nkutuna arë mobhe abhantö abhahörëëru, nkwo okoghamba igha, motakaakora obhosooraare.

1 Abhatësarönikë 5:18

Mukuminga Waryobha ko amangʼana ghonswe igho. Ko bhoora ni-igho Waryobha akutuna mokorenga kya bhoora Kiristo Yëësu yaatwörökërrëëyi.

Tiito 1:16

Abheene nkoghamba bharë igha, mbamanyirë Waryobha, kasi amangʼana ghano bhakokora nkwörökya gharë igha, nkumwanga bharë. Abhantö bhayö, m-basëësëëbhya abha senkoro, m-batëëyu, tebhaana ubhwera ubhwa okokora amangʼana amaiya hë.

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

Abhaëbhuraania 4:6

Nokaanyoora igha abhakörö abhëëtö bhaaraarëkëëywë amangʼana amaiya kare haara, kasi tebhasöhirë-mo hë, ko okoghera iya öbhötëëyu ubhwabho. Mbe, ko okoghera iya engʼana iyö, ghooho umweya ughwa abhantö abhandë okosoha ahasë aha Obhotooro ubhwa Waryobha.

Yaakobho 1:22

Motakaakanya igha, ukwighwa engʼana iya Waryobha ukwene igho, nkwisa körë, keno kikutunwa, no-kokora bhono engʼana ekoraghërrya.

1 Peetero 2:15

Keno Waryobha akutuna ni-igha, mokore amangʼana amaiya, okore murimi amangʼana agha obhokangi ghano abhantö bhakoghamba.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

Okohonyora 2:27

Areetonga kö öbhöbhë ko okobhatemera inyimbo iya ikyoma, narebhabhondora kya sinyöngö.” Narehaanwa ubhwera kya bhoora öni naahaaywë na Taata.

Okohonyora 22:14

Mbe, nyakara abhantö bhano bhakufura singibho isyabho, okore bhaikërërribhwi bhasohe mu-mughi omohya ghuyö, okohetera mu-bhihiita ibhyagho, na bharaagherenga sehagho isya ömötë ughwa öbhöhöru.

Okohonyora 3:5

Ömöntö wowonswe ono arekera amangʼana ghayö, nindimwibhöhya singibho sendabhu kya bhayö. Tindiruusya iriina iryaye mo-Ketabho ikya Öbhöhöru. Kasi nindimwikërrya mbere iya Taata Waryobha na abhamaraika abhaaye igha, ono nu-uwaane.