Mataayo 6:9 - Imuuma Eehya

⁹ Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe.

Mataayo 6:9 ပူးပေါင်းရင်းမြစ်များ

Mataayo 10:29

“Moratora okoghora ibhitintighiri ebheke bhibhërë kwa hera nke igho. Kasi tekeeho ikinyönyi kora ëkëmwë keno kikukwa ikyene igho, Taata uwëëtö uwa mu-ryobha atahanshirë.

Mataayo 23:9

Motakaasha okobherekera ömöntö wowonswe oora ko-kebhara kono, igha ‘Taata,’ ono atarëngë suwëënyu, ko bhoora Suwëënyu nö-ömwë igho, ono arëngë mu-ryobha.

Mataayo 26:29

Keno nkobhatëëbhya ni-igha, tindinywa ghwiki idivai okohekera urusikö rono ndinywa idivai eehya hamwë na bhëënyu ko-Bhokama ubhwa Taata.”

Mataayo 26:42

Mbe, ghwiki Yëësu akabhatigha hayö, akaghya-yo ghwiki urwa kabhërë, akasaasaama Waryobha igha, “Taata, nyoore n-këköngʼu ukunduusirya-ho engʼana eno, kora bhono ukutuna.”

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Mataayo 6:14

Yëësu akaghëndërrya okoghamba igha, “Hano moraabhere abhantö bhano bhakobhasarrya, ho kora na Suwëënyu uwa mu-ryobha, araabhaabhere hano moraamosarri.

Mataayo 6:6

Kasi hano uwe wasaasaama, ni-igha osohe mu-kinyumba ikyaho, usiike-ho ekesaku. Saasaama ku-Waryobha Taata uwëëtö, ono atakomaahekana. Ho bhoono Taata uwëëtö uyö akomaaha imbumbure iya ömöntö, araakutuhe.”

Mataayo 7:11

Nokaanyoora igha bhëënyu abhantö m-baghogho mörë, kasi momanyirë okohaana abhaana abhëënyu ëbhëntö ibhiiya. Mbe, Taata uwa mu-ryobha nu-uwa heene, nahanshirë bhököngʼu okohaana abhantö ëbhëntö ibhiiya, bhano bhakomosabha.

Ruuka 15:18

Bhoono tigha nkyore ko-taata, mmötëëbhi igha, “Taata uwëëtö, naakosarrya, kora naakora ëkëbhë ku-Waryobha.

Ruuka 15:21

Umumura uyö, akatëëbhya suwaabho igha, ‘Taata uwëëtö, naakora ëkëbhë ku-Waryobha, na uwe wonswe naakosarrya. Tiningʼarëëyi okobherekerwa igha, m-mura uwaaho ndë hë.’

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Abharuumi 1:7

Abhakumya bharikyane bhonswe igho bhano mörëngë Ruumi hayö, m-bëënyu nkwandekera. Waryobha nabhahanshirë bhököngʼu, nkyo kyaaghërrë akabhashaaghora igha mobhe abhantö abhaaye abhahörëëru. Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

Abharuumi 8:15

Waryobha tiyaabhahaayë Umwika Ömöhörëëru, okore mobhe abhaghorwa abhoobha. Kasi yaabhahaayë Umwika Ömöhörëëru, okore mobhe abhaana abhaaye. Umwika Ömöhörëëru uyö, we akötötöörrya, okore tobherekere Waryobha igha, “Taata.”

Abhagharatia 1:1

Ritashandighi reno, nku-öni Pauro omotomwa riruurë. Öni tenaatomwa na abhantö hë, kora tebhaaho abhantö bhano bhaaghambirë igha mbe omotomwa. Kasi Yëësu Kiristo umwene we yaantoma bhaana Taata Waryobha ono yaamuryökëri ukurwa mo-bhaku.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

1 Timoteo 6:16

Waryobha umwene igho, we atarikwa. Naikaayë mo-bhorabhu bhono ömöntö ataatore ukubhusuntarra. Kora taaho ömöntö ono yakamörööshë hë, handë ono akotora okomomaaha. Obhotoro na okosookwa bhebhe ku-Waryobha amakora ghonswe igho. Amina.

1 Peetero 1:17

Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

Okohonyora 4:11

“Omonene uwëëtö, Waryobha uwëëtö, wingʼarëëyë ökötöönibhwa, okosookwa na okobha na obhotoro bhwonswe igho. Ko bhoora nu-uwe waabhömbirë ëbhëntö bhyonswe igho, ëbhëntö bhiyö mbyaabhömbirwë ko okohansha ukwaho, kora höbhërë.”

Okohonyora 5:12

Nkabhaitegherra bhararëëtya bhököngʼu igha, “Omoona Ringʼöndi ono yaashinshwa, aingʼarëëyi okohaanwa obhotoro, ubhwamë na obhongʼaini. Singuru, okosookwa, ubhuhika na sinkuma ni-bhyaye!”