Mataayo 6:2 - Imuuma Eehya

² “Mbe, hano mohaayë ömötöbhu ëkëntö, motakairaarekanga ko-bhantö, kya bhono abhaiköri bhakokoranga mu-sinyumba isya esango iya Abhayahudi na ko-senshera, okore abhantö bhabhakumi. No-bhoheene nkobhatëëbhya igha, bhaamara kutuhwa na abhantö, ku bhuyö Waryobha tabhatuhe ëkëntö hë.

Mataayo 6:2 ပူးပေါင်းရင်းမြစ်များ

Mataayo 15:7

Bhëënyu bhare bhaiköri! M-maheene bhoora Isaaya yaaröötirë igha,

Mataayo 16:3

Kasi nyinkyo hano mwamaaha amasaarö ghaishööyë, na kighörö iyö hamwamirë, nkoghamba mörë igha, ‘Reero imbura iya rikama, neraatwe.’ Bhëënyu bhano momanyirë okomaaha amangʼana agha kighörö ku-risaarö iyö, n-kwakë bhoono motakotora okomaaha ebhemanyërryö ibhya senkaagha seno?]

Mataayo 22:18

Kasi Yëësu yaamanyirë ësëëmyö iyaabho engogho eno bhaamutunanga-ko. Ku bhuyö akabhahonshora igha, “Bhëënyu bhare bhaiköri, n-kwakë mukutuna igha mongashani?

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

Mataayo 23:6

Hano bhaaghya ku-nyangi, ni-bhitumbë ibhya abhantö abharito bhakutuna igha bhaikarre. Kora mu-sinyumba isya esango iya Abhayahudi, ni-bhitumbë ibhya mbere mbyo bhakutuna bhaikarre.

Mataayo 24:51

Ho bhoono omonene uwaaye uyö araamushibhi bhököngʼu, amare amotoore hamwë na abhaikörya. Iyö yo abhantö bhakukuura na okokaaraatya amaino.”

Mataayo 5:18

No-bhoheene nkobhatëëbhya igha, ko-nkaagha eno ekebhara na mu-ryobha bhekeeho, tekaaho akatabhë handë akangʼana kano karirwa-ho, mo-maraghërryö agha Mosa. Teghaaho amaraghërryö agha Mosa ghano gharirwa-ho hë, okohekera hano gharehekerania ghaara Waryobha yaatunanga igha, ghahekerane.

Mataayo 6:16

Yëësu akabhatëëbhya igha, “Hano mwaisasa ibhyakorya, motakaabhaabhayera kya abhaiköri. Nkokora bharë ubhusyö ubhwabho bhobha bhöndë bhöndë igho, kya ömöntö ono abhaabhayëëyë bhököngʼu. Nkokora bharë igho, okore abhantö bhabhakumi ko okobhamaaha igha, bhaisasirë ibhyakorya. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë.

Mataayo 6:3

Kasi hano ohaayë ömötöbhu ëkëntö, okobhoko ukwaho ukwa bhömösi, kotakaamanya keno këkörrwë na okobhoko ukwaho ukwa bhoryo,

Mataayo 6:5

Yëësu akabhatëëbhya igha, “Hano mwasaasaama Waryobha, motakaasaasaama kya abhaiköri. Bhahanshirë okosaasaama bhaimërëëyë mu-sinyumba isya esango iya Abhayahudi, na ko-senshera isya imyahokano. Nkosaasaama bharë mo-bhantö, okore bhakumibhwi. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë.

Mataayo 7:5

Uwe örë mwiköri, ruusya tangata oromambo mu-riiso iryaho, ho oraatore okomaaha bhuuya kya bhono oraaruusi ekesaara keno kërëngë mu-riiso irya murikyaho.

Maariko 12:39

Ghwiki mbahanshirë ukwikara ku-bhitumbë ibhya abhanene mu-sinyumba isya esango iya Abhayahudi. Na hano bharaarekwa inyangi, bhahanshirë ukwikara ahasë aha abhatangati.

Maariko 7:6

Yëësu akabhahonshora igha, “Bhëënyu m-baihunaania mörë. Amangʼana ghano Waryobha yaaghambirë okohetera kö-mörööti Isaaya, m-maheene igha, ‘Abhantö bhano nu-munywa ughwene igho bhakonsookera, kasi senkoro isyabho, hare sërë na öni.

Ruuka 11:41

Mötöörringa abhatöbhu kwa enkoro nshiiya, hayö ho moraabhe abhantö abha heene.

Ruuka 11:43

“Haahö bhëënyu Abhafarisaayo, mwahansha ukwikarra ibhitumbë ibhya abhanene, bheno bhërëngë mu-sinyumba isya esango iya Abhayahudi. Mwahansha okosookwa na ökökëëribhwa na abhantö mo-meteera.

Ruuka 12:33

Möghöri ëbhëntö ibhyënyu, musumi abhatöbhu. Ko okokora igho, moraaibhekere emongo mu-bhighushi bheno bhetakosareka mu-ryobha iyö. Mu-ryobha iyö, umwibhi takwibha-yo hë, kora omoswa teghokosarya hë.

Ruuka 12:56

Bhëënyu m-baihunaania mörë. N-kwakë mokomanya bhuuya senkaagha isya omooka, kasi temokotora okomanyërrya ensonga iya amangʼana ghano ghakwikora reero eno hë?

Ruuka 13:15

Omonene Yëësu akamohonshora igha, “Bhare bhaihunaania! Temokotashoranga sengʼombe handë sitikërë isyënyu ukurwa mu-righo, mughya ukunywënsya urusikö urwa Obhotooro?

Ruuka 20:46

“Mwiyangarre na abhëëghya abha amaraghërryö agha Mosa. Abhantö bhayö bhahanshirë okoghenda ko-nshera bhatöörrë sengansho isyabho sentambë, na ökökëëribhwa mo-meteera kwa okosookwa. Ghwiki mbahanshirë ukwikara ku-bhitumbë ibhya abhanene mu-sinyumba isya esango iya Abhayahudi. Na hano bharaarekwa inyangi, bhahanshirë ukwikara ahasë aha abhatangati.

Ruuka 6:24

Kasi haahö, bhëënyu abhaamë, ko bhoora mwamara kunyoora ëghösörryö iyëënyu.

Ruuka 6:42

Iyakë oraakore ötëëbhi murikyaho igha, ‘Tigha nkuruusi ekesaara mu-riiso iryaho,’ na eno mbe uwe noona oromambo mu-riiso iryaho? Ore mwikörya, ruusya tangata oromambo mu-riiso iryaho, ho bhoono oraatore okomaaha bhuuya, kya bhono oraaruusi ekesaara keno kërëngë mu-riiso irya murikyaho.

Yohana 13:29

Ko bhoora Yuuda we yaabheekanga ikighushi ikya seehera, ku bhuyö abhandë bhakakanya igha, Yëësu yaatëëbhyanga Yuuda igha, aghi okoghora ëbhëntö ibhya inyangi iya Epasaka. Kasi abhandë bhakakanya igha, Yëësu nkötëëbhya arë Yuuda igha, ahaane abhatöbhu seehera.

Yohana 5:41

Tinkutuna ukukumibhwa na abhantö hë.

Yohana 5:44

Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Yohana 7:18

Ömöntö wowonswe igho ono akoghamba ku ubhwera ubhwaye umwene, uyö nu-bhuhika ubhwaye umwene akwitonera. Kasi ono akutuna ubhuhika ubhwa oora yaamotoma, uyö no-bhoheene akoghamba, takoghamba obhorongo hë.”

Amangʼana agha Abhatomwa 10:2

Ömöntö uyö, ti-Muyahudi yaarë hë, kasi yaaighweranga Waryobha na okomosaasaama hamwë na abhantö abhaaye bhonswe igho. Kora yaasërëënianga abhantö bhököngʼu senkaagha syonswe igho.

Amangʼana agha Abhatomwa 10:31

Akantëëbhya igha, ‘Körönëriö, Waryobha yaaighuurë okosaasaama ukwaho, ghwiki namanyirë, na kora nkuhiita arë, kya bhono ökösërëënia abhatöbhu.

Amangʼana agha Abhatomwa 10:4

Körönëriö akamaaherra maraika uyö na eno aroobhoha. Akamöbhöörya igha, “Omonene, kana n-kë?” Maraika uyö akamötëëbhya igha, “Okosaasaama ukwaho na ökösërëënia abhatöbhu, kobhaayë ikimwenso ikya okoheetokwa na Waryobha.

Amangʼana agha Abhatomwa 11:29

Engʼana iyö, yaaghërrë abheegha bhakahëtya omosorro, ko okorengʼaana na ubhurito ubhwa ömöntö, okore bhaherre abhakumya bharikyabho bhano bhaamënyirë Yudea.

Amangʼana agha Abhatomwa 24:17

“Mbe, hano imyoka imyaru ghyaahëtirë ntaraakyora Yërusarëëmu, nkaghya-ho na ëbhëntö ibhya ekehaheeno ökötöörya Abhayahudi abhahabhë mu-kyaro ikyëtö, hamwë na ikimwenso ikya ukumwensera Waryobha.

Amangʼana agha Abhatomwa 9:36

Yaare-ho omokari uwöndë mu-mughi ghono ghwaabherekerwanga igha Yafa, omokari uyö, m-mwegha uwa Omonene Yëësu yaarë. Yaabherekerwanga igha Tabhita, (mu-Kiyunaani ni-igha Dorikaasi, ensonga iyaaryo ni-igha ënsöku). Yaakorranga abhantö ubhwa heene na yaatöörryanga abhatöbhu.

Abharuumi 12:8

Uwa ököröörësya, aröörësi bhuuya. Ömösërëënia, asërëëninga kwa nkoro ëmwë. Omotangati wonswe, akore omotono ughwa okotonga bhwaheene. Ömötöörrya uwa abhantö, abhatöörringa asambaarokire.

1 Abhakörintö 13:3

Ghwiki kora nenkaghegha ëbhëntö ibhyane nhaane abhatöbhu, handë niiruusi öni umwene nsambwe mo-morro, kasi nyoore ntaana righonshe, m-bosa.

Abhagharatia 2:10

Abhatangati bhayö, bhaatosabhirë engʼana ëmwë igha, tuhiitenga abhatöbhu mo-bhakumya abha Yërusarëëmu haara. Engʼana iyö, nkoghetonerra ndë bhököngʼu.

Abhaëfësö 4:28

Umwibhi atakaghëndërrya ukwibha ghwiki, kasi nyakara akore omotono ughwa okokora emeremo imiiya na amabhoko aghaaye umwene, okore anyoore ëkëntö ikya ukutwenera ono aana obhohabhë.

1 Abhatësarönikë 2:6

Ghwiki titwatunanga igha abhantö bhatukumi hë, nekaabha igha m-bëënyu, handë igha na-bhantö abhandë igho. Ko bhoora igha bhëëtö na-bhatomwa abha Kiristo törë, ntokaatörrë ukutuna ëbhëntö nyabhorebhe kö-bhëënyu, kasi tetwakörrë igho hë.

1 Timoteo 6:18

Ghwiki obhatëëbhi igha, bhakore amangʼana amaiya. Bhabhe abhaamë, abha okokora amangʼana amaiya. Bhabhe abhahaani, bhasangenga na abhantö abhandë ëbhëntö ibhya ubhwamë ubhwabho.

Firimoni 1:7

Umukumya murikyane, righonshe iryaho ryaanshomera bhököngʼu, kora ryaantogheka, ko bhoora okosambaarokya senkoro isya abhakumya.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.