Mataayo 6:13 - Imuuma Eehya

¹³ Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Mataayo 6:13 ပူးပေါင်းရင်းမြစ်များ

Mataayo 26:41

Mwiyangarre, na mosaasaame Waryobha, okore motakaashe mushaashwe. Enkoro eratora ököghömërrya ukushaashwa, kasi inyanko, nö-möbhërë.”

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Mataayo 5:37

Hano mwikërëëyi engʼana, mughikërri këmwë. Na hano mwangirë engʼana, mughyanga këmwë. Moghambenga obhoheene. Aghandë ghonswe igho ghano ghakoheteera hayö, nko-Ghosambwa ghakurwera.”

Mataayo 6:10

Righonshe iryaho rehekerane, ko-kebhara kono, kya igho ërë mu-ryobha iyö.

Yohana 17:15

Öni tenkosabha igha, obharuusi ko-kebhara kono, kasi obhagheterre ko Omoghogho oora.

1 Abhakörintö 10:13

Amashaasho ghano mwaanyoora, n-kya ghano abhantö abhandë bhakunyooranga. Kasi momanye igha, Waryobha uwa heene, taatighe mushaashwe okokera obhotoro ubhwënyu. Hano mwashaashwa, Waryobha nkobhahaana arë obhotoro ubhwa ököghömërrya na enshera iya ukurwa-mo.

1 Abhakörintö 14:16

Hano oraakumi Waryobha mo-nkoro iyaaho ko ekeghambo ekehya ikyene igho, ömöntö uwöndë ono atamanyirë, iyakë araaikërri igha “Amina” na ambe tamanyirë keno okoghamba hë?

2 Abhakörintö 1:20

Ni-igho ërë, ko bhoora ghonswe igho ghano Waryobha yaaraghania okohetera ku-Yëësu Kiristo, na-agha obhoheene. Kiyö nkyo kekoghera toraghamba “Amina,” ko okoghera iya ökötöönia Waryobha.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

2 Abhatësarönikë 3:3

Kasi Omonene Yëësu uwa heene, naraabhatogheke na abharende motakaanyoorwa na mangʼana agha Omoghogho oora.

1 Timoteo 1:17

Mbe, Waryobha we Omokama ono ataana umuhiko, takukwa hë, takomaahekana hë, taaho ono arëngë kya umwene uyö hë. Asookwenga na ökötöönibhwa amakora na amakora. Amina.

Abhaëbhuraania 11:36

Abhandë mbaasheerwanga na okotemwa na imishariti. Abhandë mbaabhöhirwë ebheraangʼani bhakatoorwa mo-kebhohe.

1 Peetero 5:8

Mwiraarerre, mobhe maiso nkaagha syonswe igho, ko bhoora umubhisa uwëënyu, Oghosambwa, nkwinaaranaara ghörë kya ëndwë eno ikuruma, eratuna ömöntö yaakere.

2 Peetero 2:9

Ku bhuyö momanye igha, Omonene Waryobha namanyirë enshera iya ökötöörya abhantö abhaaye, bharwe mo-mashaashyo. Kora ghwiki namanyirë bhono arishibhya abhakora amaghogho, urusikö urwa okobhabhotorra ikiina.

1 Yohana 3:8

Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.

Okohonyora 1:18

Nö-öni öbhöhöru! Naarenga nkuurë, kasi bhoono tamaaha, möhöru ndë, amakora ghonswe igho. Nö-öni neena sefongoro isya uruku na isya mu-kyaro ikya abhaku.

Okohonyora 19:1

Hano ghayö ghaahööyë, nkaighwa engamba kya iya rikomo rinene mu-ryobha iyö, erakonga igha, “Waryobha akumibhwi! Öbhöhönia, ubhuhika na obhotoro, ni-ibhya Waryobha uwëëtö,

Okohonyora 19:4

Abhaghaaka merongo ëbhërë na abhane bhaara, bhakaighwësya hansë bhubhuumaayë hamwë na ëbhëntö ibhine bheno bhekoheeshera, bhakasaasaama Waryobha. Waryobha ono aikaayë ku-kitumbë ikya ekekama, we bhaasaasaamanga igha, “Amina! Waryobha akumibhwi!”

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.

Okohonyora 21:4

Narebheeya amaisöri. Enkaagha iyö, uruku terorebha-ho hë, kora okobhaabhayera tekorebha-ho hë. Ikikuuro tekerebha-ho hë handë ukunyahaareka, ko bhoora amangʼana agha kare ghaara, nurinyoora ghaahwa.”

Okohonyora 3:10

Enkaagha iya inyanko niriisha ko-kebhara kyonswe igho, na abhantö bhonswe igho mbarishaashwa. Kasi bhëënyu, nendebharenda ko-nkaagha iyö, ko bhoora mwaaghömërrya inyaanyi kya bhoora naabharaghërrëëyi.

Okohonyora 3:14

Mbe, ömöntö uyö anga kya Omoona uwa Ömöntö, akaghëndërrya okoghamba igha, “Andekera maraika uwa ekanisa iya Raodikia, ömötëëbhi igha, Öni nö-öni nkobherekerwa igha, Amina, umwimërërri uwa heene. Nö-öni ömösëmöri uwa ëbhëntö bhyonswe igho bheno bhyaabhombwa na Waryobha. Mwitegherre ghano nkobhatëëbhya!

Okohonyora 5:13

Mbe, nkaighwa ëbhëntö bhyonswe igho mu-ryobha iyö, ko-kebhara, mu-kyaro ikya abhaku na mu-nyansha bherarëëtya kwa korengerrania igha, “Uyö aikaayë ku-kitumbë ikya ekekama, na Omoona Ringʼöndi uyö, bhakumibhwi, bhasookwe, bhahaanwe ubhuhika na obhotoro amakora na amakora!”