Mataayo 6:10 - Imuuma Eehya

¹⁰ Righonshe iryaho rehekerane, ko-kebhara kono, kya igho ërë mu-ryobha iyö.

Mataayo 6:10 ပူးပေါင်းရင်းမြစ်များ

Mataayo 12:50

Ko bhoora ömöntö wowonswe ono akokora bhoora Taata Waryobha uwa mu-ryobha akutuna, uyö n-kya mura uwëëtö, mohara uwëëtö, na n-kya maayö.”

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Mataayo 26:42

Mbe, ghwiki Yëësu akabhatigha hayö, akaghya-yo ghwiki urwa kabhërë, akasaasaama Waryobha igha, “Taata, nyoore n-këköngʼu ukunduusirya-ho engʼana eno, kora bhono ukutuna.”

Mataayo 3:2

“Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Mataayo 4:17

Ko-nkaagha iyö, Yëësu akasimya okoraarekera abhantö arabhatëëbhya igha, “Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Mataayo 7:21

Yëësu akaghëndërrya okoghamba igha, “Bhaaho abhantö abhandë bhano bhakomberekera igha, ‘Omonene uwëëtö, Omonene uwëëtö,’ kasi tebharesoha mo-Bhokama ubhwa Waryobha hë. Kasi ömöntö ono akokora bhono Taata uwa mu-ryobha akutuna, uyö we aresoha-mo.

Maariko 11:10

Obhokama ubhwa ghuuka uwëëtö Daudi bhono bhukuusha, bhongʼoorwe! Waryobha uwa mu-ryobha akumibhwi!”

Maariko 3:35

Ömöntö wowonswe igho ono akokora ghano Waryobha akutuna, uyö we mura uwëëtö, maayö, na umwisëkë uwëëtö.”

Ruuka 19:11

Hano Yëësu yaarenga haangʼë ahike Yërusarëëmu, abhantö bhano bhaamwitegherranga, bhaakanyanga igha, Obhokama ubhwa Waryobha mbokaaishirë hayö na hayö. Ku bhuyö, Yëësu akabharëngërya ëkërëngyö keno igha, “Yaare-ho ömöntö nyabhorebhe uwa eka iya ekekama. Ömöntö uyö, yaaghëëyë mu-kyaro ikya ahare, okore ahaanwe obhokama, akyore okotonga ikyaro ikyaye.

Ruuka 19:38

Bhakatöönia igha, “Waryobha angʼoore omokama ono akuusha ko okohetera iriina irya Omonene Waryobha. Omorembe ghobhe ku-Waryobha na abhantö abhaaye, na atöönibhwi Waryobha ono arëngë kighörö iya ëbhëntö bhyonswe igho.”

Ruuka 22:42

“Hano oraahanshe Taata uwëëtö, unduusiri-ho engʼanga eno, kasi otakaakora kya bhono öni nkutuna, okore bhono uwe ukutuna.” [

Yohana 4:34

Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Yohana 6:40

Keno Taata akutuna ni-igha, kera ömöntö ono akomanya igha öni m-moona uwa Taata Waryobha ndë, na ukunkumya, ni-igha abhe na öbhöhöru ubhwa amakora ghonswe igho. Uyö öni nindimuryökya urusikö urwa umuhiko.”

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Amangʼana agha Abhatomwa 13:22

Hano Waryobha yaaruusiri-ho Sauri, akatoora-ho Daudi, abhe omokama uwaabho. Waryobha akaghamba igha, ‘Ndööshë Daudi mumura uwa Yeese, antëghëëyi, uyö we araakore bhono nkutuna.’

Amangʼana agha Abhatomwa 21:14

Hano twaarööshë igha Pauro takutwighwera hë, tokakira, tokaghamba igha, “M-bono bhonswe Omonene Waryobha araahanshe.”

Amangʼana agha Abhatomwa 22:14

“Akantëëbhya igha, ‘Waryobha uwa abhakörö abhëëtö, akushaaghööyë, okore omanye righonshe iryaye, kora omaahe ömöntö uwa heene ku-Waryobha, na wighwe obhoghambi ubhwaye umwene.

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abhaëfësö 6:6

Motakaabhaighwera enkaagha eno ukunyoora bhaaho, okore bhabhakumi. Kasi mobhaighwere okanya igha m-baghorwa abha Yëësu Kiristo mörë. Ëkëntö keno Waryobha akutuna igha mokore, mokekore kwa nkoro nshiiya.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

1 Abhatësarönikë 4:3

Waryobha nkutuna arë mobhe abhantö abhahörëëru, nkwo okoghamba igha, motakaakora obhosooraare.

1 Abhatësarönikë 5:18

Mukuminga Waryobha ko amangʼana ghonswe igho. Ko bhoora ni-igho Waryobha akutuna mokorenga kya bhoora Kiristo Yëësu yaatwörökërrëëyi.

Abhaëbhuraania 1:14

Abhamaraika n-këntö kë? Bhayö tebhaana ömöbhërë hë, kasi mbo bhakokorra Waryobha emeremo. Kora nkobhatoma arë ukughya ukutighinkanera abhantö bhano bharaahönibhwi.

Abhaëbhuraania 10:36

Keno kikutunwa kö-bhëënyu, nö-bhöghömërrya, okore hano moremara okokora bhono Waryobha akutuna, munyoore keera yaabharaghaini.

Abhaëbhuraania 10:7

Hayö bhoono ho naaghambirë igha, ‘Tamaaha nishirë Waryobha, okore nkore bhono ukutuna, kya bhono Amaandeko Amahörëëru ghakoghamba.’ ”

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

1 Peetero 2:15

Keno Waryobha akutuna ni-igha, mokore amangʼana amaiya, okore murimi amangʼana agha obhokangi ghano abhantö bhakoghamba.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.

Okohonyora 11:15

Mbe, maraika uwa muhungatë akahuuta orotera urwaye. Ho naaighuurë sengamba sindito mu-ryobha iyö, seno syaaghambanga igha, “Öbhötöngi ubhwa ekebhara bhobhaayë mo-mabhoko agha Omonene Waryobha uwëëtö na Kiristo uwaaye ono yaashaaghööyë ökötöörya abhantö. Omonene Waryobha, naraatonge amakora ghonswe igho.”

Okohonyora 12:10

Mbe, nkaighwa engamba ukurwa mu-ryobha eraghamba bhököngʼu igha, “Bhoono, Waryobha uwëëtö ahönëri abhantö abhaaye. Aimërëëyi-ho Obhokama ubhwaye ko obhotoro ubhwaye! Kiristo wonswe öörökëri ubhwera ubhwaye, ko bhoora umushöngëri uwa abhakumya bharikyëtö, ono akobhashongera mbere iya Waryobha ubhutikö na omobhasö, arëkëëywë hansë.

Okohonyora 19:6

Mbe, nkaighwa engamba kya iya rikomo rinene. Engamba iyö, yaarë okanya igha m-manshë amaaru ghakoghera. Ghwiki yaarë kya enkobha eno ekobhaghatya, ekaghamba igha, “Waryobha akumibhwi! Ko bhoora Omonene Waryobha uwëëtö uwa obhotoro bhwonswe igho we akotonga.

Okohonyora 20:4

Mbe, nkamaaha ibhitumbë ibhya ekekama bhikarëëywë na bhayö bhaarenga bhahaaywë ubhwera ubhwa okobhotorra abhantö ibhiina ibhyabho. Bhayö, n-senkoro isya abhantö bhano bhaabhotorwa ëbhëghöti, ku kwimererra amangʼana agha Yëësu, na okoraareka engʼana iya Waryobha. Tebhasëngërrëëyë ughutyënyi ghuyö, handë ritöndö iryagho hë. Tebhaikërëëyi okotoorrwa ekemanyërryö ikya ughutyënyi ghuyö ku-bhusyö handë ko-mabhoko aghaabho hë. Abhantö bhayö, mbaaryökirë bhakatonga hamwë na Kiristo imyoka ëkëkwë ëkëmwë.