Mataayo 6:1 - Imuuma Eehya

¹ Yëësu akaghëndërrya ukwëghya abheegha abhaaye igha, “Mwiyangarre, motakaakora amangʼana aghëënyu, okore momaahwe na ukukumibhwa na abhantö. Ko bhoora hano moraakore igho, Taata uwëëtö uwa mu-ryobha tabhatuhe hë.

Mataayo 6:1 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 16:6

Yëësu akabhatëëbhya igha, “Mwiyangarre na ehamiira iya Abhafarisaayo na Abhasadukaayo.”

Mataayo 23:13

“Haahö, bhare abhëëghya abha amaraghërryö agha Mosa, na bhëënyu Abhafarisaayo, bhëënyu m-baiköri mörë, ko bhoora igha, nkorebherra mörë abhantö okosoha mo-Bhokama ubhwa Waryobha kö amëëghyö aghëënyu. Bhëënyu abheene bhonswe temokosoha-mo hë. Kora mbe bhano bhakutuna okosoha, timukutigha bhasohe hë. [

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

Mataayo 25:40

Ho bhoono öni Omokama ndebhahonshora igha, ‘No-bhoheene nkobhatëëbhya igha, kyokyonswe keno mwaakorra umukumya wowonswe ono mokomaaha igha taana ubhwera hë, nö-öni mwaakorranga.’

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Mataayo 5:46

Hano moraahanshe bhaara bhabhahanshirë abheene igho, Waryobha tabhatuhe hë. Ko bhoora kora abhaghööti abha righööti nkohansha bharë bhaara bhabhahanshirë.

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Mataayo 6:16

Yëësu akabhatëëbhya igha, “Hano mwaisasa ibhyakorya, motakaabhaabhayera kya abhaiköri. Nkokora bharë ubhusyö ubhwabho bhobha bhöndë bhöndë igho, kya ömöntö ono abhaabhayëëyë bhököngʼu. Nkokora bharë igho, okore abhantö bhabhakumi ko okobhamaaha igha, bhaisasirë ibhyakorya. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë.

Mataayo 6:9

Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe.

Maariko 8:15

Mbe, Yëësu akabhatëëbhya igha, “Mwiyangarre na ehamiira iya Abhafarisaayo, bheena iya omokama Herode Antipa.”

Ruuka 11:35

Ku bhuyö mbe mwangarre igha, obhorabhu bhono moonabho, bhotaakaabha ikisuntë.

Ruuka 12:1

Enkaagha iyö, abhantö ëbhëkwë na ëbhëkwë, mbaaikomanianga, kora abhantö bhakatashana. Yëësu akasimya ukushumaasha na abheegha abhaaye, akabhatëëbhya igha, “Mwiyangarre na ehamiira iya Abhafarisaayo, kuyö kwo okoghamba igha, ubhwiköri ubhwabho. Bhuyö, nkoromaana bhörë kya ehamiira eno ikubhimbya obhose ubhwa engano.

Ruuka 12:15

Ho Yëësu yaatëëbhëri abhantö bhayö igha, “Mwiyangarre na eteemo iya oronamba urwa ëbhëntö. Ko bhoora öbhöhöru ubhwa ömöntö, tebhokotooka mu-bhwaru ubhwa ëbhëntö bheno aanabhyo hë.”

Ruuka 16:15

Yëësu akabhatëëbhya igha, “Mo-bhantö, bhëënyu moraikora igha, m-bantö abha heene mörë, kasi Waryobha, namanyirë ghano gharëngë mo-senkoro isyënyu. Ko bhoora amangʼana ghano abhantö bhakukumya, ngo amanyënyëëri ku-Waryobha.

Yohana 12:43

Abhatangati bhayö, bhaahanshirë bhököngʼu ukukumibhwa na abhantö, okokera ukukumibhwa na Waryobha.

Yohana 5:44

Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Amangʼana agha Abhatomwa 3:12

Hano Peetero yaarööshë abhantö bhayö, akabhatëëbhya igha, “Bhare Abhaisiraëri bharikyane, n-kwakë mokoroghorra engʼana iyö? Moratotongʼaarra, nkokanya mörë igha no-bhotoro ubhwëtö mbwo bhuhwënëri ömöntö ono? Handë igha, öbhöntö ubhwa heene ubhwëtö mbwo bhöghërrë aghëndirë?

Abhagharatia 6:12

Abhantö bhayö bhakobhasingʼirrya igha mosaarwe, keno bhakutuna no-kosookwa na Abhayahudi. Bharatuna bhaibhashe, okore bhatakaanyankibhwa na Abhayahudi, ko okoghera iya amangʼana ghano bhakoraareka agha omosarabha ughwa Kiristo.

Abhaëbhuraania 11:26

Yaarööshë igha, m-buuya ukunyoora inyanko ko okoghera iya Kiristo, bhuyö nu-bhwamë bhono bhokokera ëbhëntö ibhya Miisiri. Mosa uyö, yaaitengʼeranga ukunyoora ituho ukurwa ku-Waryobha sinsikö isya mbere iyö.

Abhaëbhuraania 2:1

Mbe, ku bhuyö ni-igha twiyangarre bhököngʼu, ko amangʼana ghayö twaighwa, okore totakaaghatigha.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

2 Yohana 1:8

Mbe, ku bhuyö ni-igha mwiyangarrenga, okore omotono ughwënyu ughwa okokorra Waryobha emeremo, ghotakaaheta bhosa igho. Kasi omotono ughwënyu ghuyö, ghobhareetere ehoorohooro iya okobhaisa, eno ikurwa ku-Waryobha.