Mataayo 5:9 - Imuuma Eehya

⁹ Nyakara bhano bhakwighwerrania abhantö, ko bhoora Waryobha narebhabherekera igha, m-baana abhaaye.

Mataayo 5:9 ပူးပေါင်းရင်းမြစ်များ

Mataayo 5:45

Mbe, hano moraakore igho, neraamahekane igha, m-maheene na-bhaana abha Waryobha Taata uwëëtö uwa mu-ryobha mörë. Ko bhoora omobhasö ughwa Waryobha, nkobharra ghörë abhantö abhaghogho, na abhantö abha heene. Na imbura iyaaye, nkutwera ërë abhantö bhonswe igho, mbakaabha abhaghogho handë abha heene.

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Ruuka 20:36

Ko bhoora tebharikwa ghwiki röndë hë. Mbarebha kya igho abhamaraika bharë. Mbarebha abhaana abha Waryobha, ko bhoora bhariryökibhwa ukurwa mo-bhaku.

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Amangʼana agha Abhatomwa 7:26

Hano bhwaakëëyë, akasikana na Abhaisiraëri abhabhërë, bharaitana. Akashaashya okobhaahokania arabhatëëbhya igha, ‘Ndarra bhëënyu m-bamwë mörë! N-kwakë mukunyahaarana igho?’

Abharuumi 12:18

Mokore omotono ughwa okobha na omorembe na abhantö bhonswe igho.

Abharuumi 8:14

Abhantö bhonswe igho bhano bhakotangatwa na Umwika uwa Waryobha, bhayö mbo abhaana abha Waryobha.

Abharuumi 8:16

Umwika Ömöhörëëru uyö, we akokangʼasërrya mo-senkoro isyëtö igha, bhëëtö m-baana abha Waryobha törë.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

1 Abhakörintö 6:6

N-kwakë motakwahokania ibhiina ibhyënyu abheene? Nkoroghoora ndë igha nkughya mörë ukushongerana ko-bhantö bhano bhatakukumya Waryobha!

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 5:20

Mbe, bhoono Yëësu Kiristo atötömirë tokore emeremo ighyaye, nërëngë igha, Waryobha ko okohetera amangʼana ghano tokoghamba, nkokangʼasërrya arë igha, abhantö bhaighwerrane nawe. Kiyö nkyo kekoghera torabhasabha ku ukwimererra amangʼana agha Yëësu Kiristo igha, mwighwerrane na Waryobha.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhafiripi 4:2

Nkobhasaasaama ndë bhököngʼu Ewodia na Sintike igha, mwighwerrane, mobhe ikiina ëkëmwë, ko bhoora bhëënyu bhonswe igho, m-basoorani abha Omonene Yëësu mörë.

Abhakorosaai 3:13

Moghomerraninga, mwabheranenga, nyoore ömöntö aana engʼana na murikyaye, ni-igha mwabherane kya bhono Omonene Yëësu yaabhaabhera.

Abhaëbhuraania 12:14

Mbe, bhoono ni-igha mokore omotono ughwa okobha na omorembe ko-bhantö bhonswe igho, na öbhöhörëëru bhwonswe, ko bhoora taaho ömöntö ono aremaahana na Omonene, ataana öbhöhörëëru bhuyö.