Mataayo 5:8 - Imuuma Eehya

⁸ Nyakara bhano bhahanshirë Waryobha këmwëkëmwë, ko bhoora mbaremomaaha.

Mataayo 5:8 ပူးပေါင်းရင်းမြစ်များ

Amangʼana agha Abhatomwa 15:9

Ku bhuyö keno Waryobha yaakörrë kö-bhëëtö, nkyo yaakörrë na ko bheene bhonswe. Nkoghamba ndë igho ko bhoora bhonswe mbaasaabhuurrwë senkoro isyabho, ko okohetera ukukumya Yëësu.

1 Abhakörintö 13:12

Okomaaha kono tokomaaha bhoono igho, n-kwa mawëëriwëëri, n-kya hano ömöntö yamaaha ëkëntö mu-kitu, kasi iriihika-ho enkaagha eno toremaaha bhuuya. Bhoono igho n-kerengere keke igho ikya amangʼana keno mmanyirë, kasi enkaagha iriihika-ho eno ndemanya bhuuya kya igho öni umwene mmanyirwë bhuuya na Waryobha.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Tiito 1:15

Mbe, abhantö bhayö nkwëghya bharë igha, bheeho ëbhëntö ibhinyanku. Kasi öni ndaghamba igha, ëbhëntö bhyonswe igho bhyasendoorwa, ku bhuyö m-biiya, ko bhano bhaana eteemo inshiiya ku-Waryobha. Kasi ko abhanyanku na bhano bhatakukumya, ëbhëntö bhyonswe igho m-binyanku, ko bhoora igha, amaitegherro aghaabho na senkoro isyabho, nsishööyë ubhunyanku.

Abhaëbhuraania 10:22

Ku bhuyö ni-igha tusuntare ku-Waryobha kwa nkoro nyihöötu na umukumo omohekeranu, ko bhoora Waryobha asaabhuurrë senkoro isyëtö ko amaanyinga agha Yëësu Kiristo, okore totakaabha na amaitegherro amaghogho. Kora atwisaabhëri ëmëbhërë ighyëtö mo-manshë ghano ghatabhöröngökirë.

Abhaëbhuraania 12:14

Mbe, bhoono ni-igha mokore omotono ughwa okobha na omorembe ko-bhantö bhonswe igho, na öbhöhörëëru bhwonswe, ko bhoora taaho ömöntö ono aremaahana na Omonene, ataana öbhöhörëëru bhuyö.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

Yaakobho 4:8

Musuntarrenga Waryobha, ho wonswe araabhasuntarre. Bhëënyu abha ëbhëbhë, mutighe ëbhëbhë ibhyënyu, mokore amangʼana amaiya, bhëënyu bhano motashirë eno na eno, momosoorane ko senkoro isyënyu syonswe igho.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,

Okohonyora 22:4

Mbaremomaaha, kera ömöntö naryandekwa iriina irya Waryobha ku-bhusyö ubhwaye.