44 Kasi öni ndabhatëëbhya igha, mohanshenga abhabhisa abhëënyu, kora mosabherenga bhaara bhonswe igho, bhakobhateesa.
Yëësu akaghamba igha, “Ë Taata uwëëtö, otabhaabhera, ko bhoora tebhamanyirë keno bhaghokora hë.” Abhasirikare bhayö, bhakakora ekekoobhwe ikya ukutwena singibho isya Yëësu.
Kasi bhoono ndabhahaana umughiro omohya, ndabharaghërrya igha, ‘Mohanshane. Kya bhono mbahanshirë, na bhëënyu bhonswe mohanshane ighoigho.’
Kasi Pauro akamokongera bhököngʼu igha, “Uwe! Otakiiyita! M-bonswe igho toomono!”
Ho yaamarrë, akatema hansë ibhiru, akakuura bhököngʼu igha, “Omonene, otakaabhashibhya kö ëkëbhë ikyabho keno!” Hano yaamarrë okoghamba ghayö, ghokahwa-mo.
Abhantö bhano bhakobhateesa bhëënyu mobhasabherenga obhongʼoore, motakaabhasabheranga amaihiimo.
Mwangarre, ömöntö wowonswe oora atakaahaka murikyaye obhoghogho ko-ngʼana engogho eno oraanyoore amökörëëyë. Kasi senkaagha syonswe igho, mokorranenga ubhwa heene bhëënyu abheene ko abheene na okokorra igho abhantö bhonswe igho.
Hano yaatökirwë, tiyaatökirë hë. Hano yaatëësirwë, tiyöbhöhërrëëyi hë. Kasi ghonswe igho, akateghera Waryobha abhotore ikiina bhwaheene.
Motakaahakanga ikisiiyomba ko abhantö, handë okotoka ömöntö ono akötökirë, kasi engʼana inshiiya ko-bhantö kya bhayö, no-kobhakorra ubhwa heene. Ghayö ngo mwaabherekerrwa igha mokore, okore mongʼoorwe.