Mataayo 5:29 - Imuuma Eehya

²⁹ Hano iriiso iryaho irya bhoryo reraakokorerre okore ëbhëbhë, resomore oretabhute iyö. Nyakara obhorwe iriiso ko-kebhara kono, okore ömöbhërë ughwaho ghwonswe igho, ghotakaasha okotabhutwa mo-morro ghotakurima.

Mataayo 5:29 ပူးပေါင်းရင်းမြစ်များ

Mataayo 10:28

Motakoobhoha abhantö. Keno bhakotora ukwita, nö-möbhërë ughwënyu ughwene igho, kasi tebhakotora ukwita öbhöhöru ubhwa umwika ughwënyu hë. Waryobha we uwa ukwobhoha, ko bhoora umwene aratora ukusikya ömöbhërë na umwika ughwa ömöntö mo-morro ghotakurima.

Mataayo 11:6

Nyakara ömöntö ono aköghëndërrya ukunkumya.”

Mataayo 16:26

Bhoono ömöntö n-hoorohooro kë araanyoore, hano akaanyoora ëbhëntö bhyonswe igho ibhya ko-kebhara kono, kasi asiri öbhöhöru ubhwaye? Handë n-kë ömöntö akaaruusya, okore anyoore öbhöhöru ubhwa amakora ghonswe igho?

Mataayo 17:27

Kasi bhoono totakaaghera abhantö bhano bharerre, uwe kaghi ku-nyansha öröbhi. Inswë iya mbere eno oraaröbhi, ughyasami umunywa, noraanyoore-mo ehera, ogheghe, oghende oghoote righööti, iryane bheena iryaho.”

Mataayo 19:12

Ko bhoora bhaaho abhandë bhano bhatakoteta, ko bhoora igha, tebhaana singuru isya ikishaasha hë. Abhandë tebhakoteta hë, ko bhoora bhaihwa kya sengʼombe. Na ghwiki bhaaho abhandë bhano bhatakoteta, ko okoghera iya Obhokama ubhwa Waryobha. Ömöntö wowonswe ono akotora okokora igho, akore.”

Mataayo 23:15

“Haahö, bhare abhëëghya abha amaraghërryö agha Mosa na Abhafarisaayo, bhëënyu moraikörya. Ko bhoora nkwinaaranaara mörë ku-riköngö na kora moraamboka ukughya humbu, okore munyoore ömöntö ono araabhasoorane. Kasi hano mwamunyoora, nkomokora mörë abha omoona uwa mo-morro ghotakurima okokera bhëënyu abheene.

Mataayo 23:33

Bhëënyu n-sinshoka, urwebhoro urwa sinshoka. Iyakë moraaibhashe ubhushibhu ubhwa Waryobha ubhwa okobharekera mo-morro ghotakurima?

Mataayo 5:22

Kasi bhoono öni nkobhatëëbhya ndë igha, motakaarererra ömöntö wowonswe oora. Hano moraarererre ömöntö wowonswe oora, ni-igha mushibhibhwi mo-bharasa. Na hano mwatoka ömöntö igha m-mushiimushiimu, na okomoroka amariina amaghogho, ni-igha mushibhibhwi mo-bharasa enene. Na hano moraareghe ömöntö wowonswe igho, na ökömötëëbhya igha, Waryobha amwihiime, hayö ni-igha motabhutwe mo-morro ghotakurima.

Mataayo 5:30

Hano okobhoko ukwaho ukwa bhoryo koraakokorerre okore ëbhëbhë, kokenge okotabhute iyö. Nyakara obhorwe okobhoko, okore ömöbhërë ughwaho ghwonswe igho, ghotakaasha kusikibhwa mo-morro ghotakurima.”

Maariko 8:36

N-hoorohooro kë ömöntö araanyoore, hano akaanyoora ëbhëntö bhyonswe igho ibhya ko-kebhara kono, kasi asiri öbhöhöru ubhwaye ubhwa amakora ghonswe igho?

Ruuka 12:5

Kasi nendaabhatëëbhi uwa okoobhoha. Mwobhohenga Waryobha, ko bhoora hano yamara ukwita ömöntö, aana ubhwera ubhwa okomorekera mo-morro ghotakurima. Uyö we uwa okoobhoha.

Abharuumi 6:6

Ntomanyirë igha eteemo iyëëtö iya kare eera, yaahanëkirwë ko-mosarabha hamwë na Yëësu Kiristo. Yaabhaayë igho, okore eteemo iyëëtö iya kare eera, etakaatobhaaha, na okotokora tobhe abhaghorwa abha ëbhëbhë.

Abharuumi 8:13

Momanye igha, hano moraabhe abhantö bhano mokotangatwa na esemoko iya öbhököri ubhwa ëbhëbhë, hayö nu-ruku urwa amakora ghonswe igho mukwireetera. Kasi hano obhotoro ubhwa Umwika Ömöhörëëru, bhoraabhatöörri mwange okokora amangʼana ghano esemoko iya öbhököri ubhwa ëbhëbhë ikutuna igha mokore, moraabhe na öbhöhöru ubhwa amakora ghonswe igho.

1 Abhakörintö 9:27

Kasi nö-möbhërë ughwane nkunyankya, kora ndairebherra, okore ntakaasha okomara okoraarekera abhandë, öni umwene nangwe.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.