Mataayo 5:22 - Imuuma Eehya22 Kasi bhoono öni nkobhatëëbhya ndë igha, motakaarererra ömöntö wowonswe oora. Hano moraarererre ömöntö wowonswe oora, ni-igha mushibhibhwi mo-bharasa. Na hano mwatoka ömöntö igha m-mushiimushiimu, na okomoroka amariina amaghogho, ni-igha mushibhibhwi mo-bharasa enene. Na hano moraareghe ömöntö wowonswe igho, na ökömötëëbhya igha, Waryobha amwihiime, hayö ni-igha motabhutwe mo-morro ghotakurima. အခန်းကိုကြည့်ပါ။ |
“Haahö, bhare abhëëghya abha amaraghërryö agha Mosa na Abhafarisaayo, bhëënyu moraikörya. Ko bhoora nkwinaaranaara mörë ku-riköngö na kora moraamboka ukughya humbu, okore munyoore ömöntö ono araabhasoorane. Kasi hano mwamunyoora, nkomokora mörë abha omoona uwa mo-morro ghotakurima okokera bhëënyu abheene.
Mbe, Pauro akahomerana na abhamanyi abha rikomo irya idiini ya Ikiepikureo na Ikisitoiko, bhakanyeerana senkaani. Abhandë bhakaghamba igha, “M-mangʼana kë ghano umwibhamböku ono akoghamba?” Abhandë bhakaghamba igha, “Eramaahekana igha, m-biwaryobha ibhya ikyaro ikyëndë akushumaashera.” Mbaaghambirë igho, ko bhoora Pauro yaabharaarëkëëyë Amangʼana agha Yëësu, na agha ukuryoka ukwa abhaku.
Omonene uwa abhasirikare uyö, yaatunirë amanye obhoheene ubhwa keno kyaaghërrë Abhayahudi bhakashongera Pauro. Mbe, hano bhwaakëëyë, akatashora Pauro, akaraghërrya igha, abhanene abha abhasëngëri na abhaghaaka abha ribharasa bhonswe igho bhaikomani. Hano bhaikomaini, akareeta-ho Pauro, akamwimërrya bhöröngë ubhwabho.
Ku bhuyö abhatomwa bhayö, bhakamwighwera, bhakamuta nyinkyo shiri, ukughya mo-bhogho ubhwa risengerro irya Waryobha, bhakasimya ukwëghya abhantö. Enkaagha iyöiyö, omonene uwa abhasëngëri hamwë na bharikyaye bhaara, bhakabherekera abhanene bhonswe igho abha Abhaisiraëri, okore bhasikane mo-bharasa enene. Bhakatoma abharëndi mu-nyumba iya ekebhohe, bhareete abhatomwa bhaara.
Bheeho ëbhëbhë ibhyëndë bheno bhetakotoora ömöntö hare na Waryobha, amakora ghonswe igho. Hano ömöntö wowonswe igho araamaahe umukumya murikyaye arakora ëbhëbhë kya bhiyö, amosabhere ku-Waryobha. Waryobha naraamohaane öbhöhöru. Ni-igho ekobha ko bhano bhakokora ëbhëbhë kya bhiyö. Kasi bheeho ëbhëbhë ibhyëndë, bheno bhikwahora ömöntö abha hare na Waryobha, amakora ghonswe igho. Öni tenkoghamba igha, asabhere ömököri uwa ëbhëbhë kya bhiyö ku-Waryobha.