Mataayo 5:19 - Imuuma Eehya

¹⁹ Mbe, hano ömöntö wowonswe araamangararre amangʼana agha umughiro ghwoghwonswe ghoora akokanya igha ubhwera ubhwako m-boke, na ukwëghya abhandë obhomangarru bhuyö, Waryobha naraaghambe igha, ömöntö uyö, taana ubhwera mo-Bhokama ubhwa Waryobha hë. Kasi hano ömöntö wowonswe, araasooke imighiro gheno, na ukwëghya abhandë bhaghesooke, Waryobha naraaghambe igha, ömöntö uyö, naana ubhwera mo-Bhokama ubhwa Waryobha.

Mataayo 5:19 ပူးပေါင်းရင်းမြစ်များ

Mataayo 11:11

“No-bhoheene nkobhatëëbhya igha, abhantö bhonswe igho bhano bheebhorwa ko-kebhara kono, taaho omonene okokera Yohana Omobhatiisya hë. Nokaanyoora ni-igho ërë, kasi omoke, mo-Bhokama ubhwa Waryobha, m-monene ku-Yohana uyö.

Mataayo 19:28

Yëësu akabhahonshora igha, “No-bhoheene nkobhatëëbhya igha, hano öni Omoona uwa Ömöntö ndikara ku-kitumbë ikyane ikya ubhuhika ko-nkaagha iya ekebhara ekehya, mbe, na bhëënyu bhano mokonsooraana, muriikara ku-bhitumbë ikömi na ibhërë ibhya ekekama morabhotorra ibhiina amakabhira ikömi na abhërë agha Isiraëri.

Mataayo 20:26

Kasi, kö-bhëënyu tinkutuna ebhe igho hë. Ömöntö wowonswe ono akutuna igha abhe omonene mö-bhëënyu, ni-igha abhatighinkanere.

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Ruuka 1:15

Ko bhoora Omonene Waryobha narimwitengʼera abhe omonene. Omoona uyö atakaasha ukunywa idivai kora hake hë, handë bheno bhekoghoota kya amarwa. Ko bhoora naretangatwanga na Umwika Ömöhörëëru akërëngë mo-nda iya nyakuwaabho.

Ruuka 11:42

“Haahö bhëënyu Abhafarisaayo, morahaana Waryobha ikitweno ikya ikömi, ikya kera ebherongo ibhya ibhyakorya, kya ömöönyö, ibhitungura na ibhyëndëbhyëndë igho, kasi temokokorra abhantö amangʼana agha obhoheene na okohansha Waryobha. Ghayö ngo mokaatönibhwi igha mokore, hamwë na sesadaaka siyö.

Ruuka 9:48

Akabhatëëbhya igha, “Ömöntö ono araasërëëni ömöntö omoke kya omoona ono, ko okoghera iya öni, noraanyoore nö-öni asërëënëri. Na ömöntö ono araansërëëni, nkunyoora arë asërëënëri Waryobha ono yaantoma, ko bhoora ömöntö omoke bhököngʼu, mö-bhëënyu muyö bhonswe igho, uyö we omonene okokera bhonswe igho.”

Amangʼana agha Abhatomwa 1:1

Eketabho ikyane ikya mbere keera Teofiro uwëëtö, naakwandëkëëyë-mo Amangʼana ghonswe igho, ghano Yëësu yaakörrë, na agha ukwëghya ukwaye, ukurwa hano yaasimiiyi emeremo ighyaye,

Abharuumi 3:8

Iyö n-kya hano oraaghambe igha, “Tokorenga ëbhëbhë, okore amangʼana amaiya ghaashe.” Abhantö abhandë nkotohanga bharë igha, kora bhëëtö bhonswe ni-igho tukwëghya. Maaha mbe igha, abhantö bhayö bhonswe igho, mbarishibhibhwa ko okorengʼaana na obhoghogho ubhwabho.

Abharuumi 6:1

Bhoono toghambe iyakë? Toghambe igha töghëndërri okokora ëbhëbhë, okore örööbhö urwa Waryobha rwaruhe kö-bhëëtö?

Abharuumi 6:15

Bhoono toghambe iyakë? Toghambe igha töghëndërri okokora ëbhëbhë ko bhoora Waryobha atohaayë örööbhö urwaye, kora tetokotangatwa na ubhwera ubhwa amaraghërryö? A a, ti-igho hë.

1 Timoteo 6:11

Kasi bhoono uwe ömöntö uwa Waryobha, ni-igha ongʼose amangʼana ghayö. Oghoote-ko amangʼana agha heene, osooke Waryobha na obhe na umukumo, righonshe, öghömërri na wihoote.

Tiito 3:8

Amangʼana ghayö nkötëëbhëri, na-agha obhoheene. Nkutuna ndë igha oghakangʼasërri ko-bhantö, okore bhano bhonswe igho bhakukumya Waryobha, bhaghanaghi, na bhaiköngʼërri okokora amangʼana amaiya. Amangʼana ghayö m-maiya, kora ngaana ubhwera ko-bhantö bhonswe igho.

1 Peetero 5:4

Hano Yëësu Kiristo Omokaraabhërri Omonene uwa ekanisa aremaahekana harabhu igho, murituhwa ituho iya ubhuhika. Ituho eno etakughunda.

1 Yohana 3:4

Ömöntö wowonswe igho ono akokora ëbhëbhë, uyö nkosarya arë amaraghërryö agha Waryobha. Nkoghamba ndë igho, ko bhoora okokora ëbhëbhë, nko okosarya amaraghërryö.

Okohonyora 2:20

Kasi moona engʼana eno ikunnyankya. Bhëënyu nkwikererrania mörë na amangʼana agha omokari oora Yëzëbhëëri. Uyö akwibherekera igha m-mörööti, kasi të-mörööti hë. Nkwikërrya mörë igha angʼaine abhaköri abha emeremo abhaane, ko ököbhëëghya bhakore obhosooraare, na okorya ibhyakorya bheno bhimwënsëywë ëbhëtöndö.