Mataayo 5:18 - Imuuma Eehya

¹⁸ No-bhoheene nkobhatëëbhya igha, ko-nkaagha eno ekebhara na mu-ryobha bhekeeho, tekaaho akatabhë handë akangʼana kano karirwa-ho, mo-maraghërryö agha Mosa. Teghaaho amaraghërryö agha Mosa ghano gharirwa-ho hë, okohekera hano gharehekerania ghaara Waryobha yaatunanga igha, ghahekerane.

Mataayo 5:18 ပူးပေါင်းရင်းမြစ်များ

Mataayo 10:15

No-bhoheene nkobhatëëbhya igha, hano Waryobha arebhotorra abhantö bhonswe igho ibhiina ibhyabho, narishibhya bhököngʼu abhantö abha mu-mughi muyö okokera bhono arishibhya abhantö abha Sodoma na Ghomora.”

Mataayo 10:23

Hano bhabhakorra obhoghogho ahasë nyabhorebhe, mokenyerre ahasë ahandë. No-bhoheene nkobhatëëbhya igha, temoremara okokora emeremo mu-mighi ghyonswe igho ighya Isiraëri, öni Omoona uwa Ömöntö ntaraakyora.

Mataayo 10:42

Ömöntö wowonswe ono akohaana ömöntö uwa inyonta amanshë amamititu agha ukunywa mo-kekombe ko bhoora igha ömöntö uyö m-mosoorani uwaane, no-bhoheene nkobhatëëbhya igha, wonswe Waryobha narimutuha.”

Mataayo 11:11

“No-bhoheene nkobhatëëbhya igha, abhantö bhonswe igho bhano bheebhorwa ko-kebhara kono, taaho omonene okokera Yohana Omobhatiisya hë. Nokaanyoora ni-igho ërë, kasi omoke, mo-Bhokama ubhwa Waryobha, m-monene ku-Yohana uyö.

Mataayo 13:17

No-bhoheene nkobhatëëbhya igha, abharööti abhaaru na abhantö abha heene abha kare, bhaaighombanga bhamaahe ghano bhëënyu mokomaaha ndakora, kasi tebhagharööshë hë. Bhaaighombanga bhaighwe ghano bhëënyu mukwighwa ndaghamba, kasi tebhaghaighuurë hë.”

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Mataayo 17:20

Umwene akabhahonshora igha, “Umukumo ughwënyu m-moke, ngo ghöghërrë mwakerwa ukwata risambwa. Kasi hano mokaabhaayë na umukumo ghongʼana kya akabhusiro aka omoharadaari, mokaatëëbhëri inguku eno igha, ‘Eheka urwe hano oghende haara,’ nekaaruurë-ho. Tekaabhaayë-ho engʼana nköngʼu kö-bhëënyu hë. [

Mataayo 18:18

“No-bhoheene nkobhatëëbhya igha, ghonswe igho ghano moraange ko-kebhara kono, noraanyoore Waryobha we aghangirë ukurwa mu-ryobha. Ghwiki ni-igha, ghonswe igho ghano moraaikërri ko-kebhara kono, noraanyoore Waryobha we aghaikërëëyi ukurwa mu-ryobha.

Mataayo 18:3

Akabhatëëbhya igha, “No-bhoheene nkobhatëëbhya igha, hano motaabhe kya abhaana abhake, temosohe mo-Bhokama ubhwa Waryobha hë.

Mataayo 19:23

Ho Yëësu yaamarrë akatëëbhya abheegha abhaaye igha, “No-bhoheene nkobhatëëbhya igha, n-këköngʼu umwamë okosoha mo-Bhokama ubhwa Waryobha.

Mataayo 19:28

Yëësu akabhahonshora igha, “No-bhoheene nkobhatëëbhya igha, hano öni Omoona uwa Ömöntö ndikara ku-kitumbë ikyane ikya ubhuhika ko-nkaagha iya ekebhara ekehya, mbe, na bhëënyu bhano mokonsooraana, muriikara ku-bhitumbë ikömi na ibhërë ibhya ekekama morabhotorra ibhiina amakabhira ikömi na abhërë agha Isiraëri.

Mataayo 21:21

Yëësu akabhahonshora igha, “No-bhoheene nkobhatëëbhya igha, hano moraabhe na umukumo ghono ghotaana entarëki, te-ghayö agheene igho moraakore hë. Kasi moratora ökötëëbhya inguku eno igha, ‘Iheka wirekere mu-nyansha,’ na ni-igho eraabhe.

Mataayo 21:31

Bhoono ko bhonswe igho bhabhërë bhayö, nawë yaakörrë bhono suwaabho yaatunanga?” Bhakamohonshora igha, “Uwa mbere oora.” Ho Yëësu yaamarrë akabhatëëbhya igha, “No-bhoheene nkobhatëëbhya igha, abhaghööti abha righööti na abhasooraare, nkobhatangatera bharë okosoha mo-Bhokama ubhwa Waryobha.

Mataayo 23:36

No-bhoheene nkobhatëëbhya igha, Waryobha narishibhya abhantö abha rekora reno ko amaghogho ghonswe igho ghano bhakokora.”

Mataayo 24:2

Kasi Yëësu akabhatëëbhya igha, “No-bhoheene nkobhatëëbhya igha, ghayö ghonswe igho mokomaaha hayö, tereeho reghena reno riritighara ku-ryëndë hë. Amaghena ghonswe igho ghayö, ngaretemorwa.”

Mataayo 24:47

No-bhoheene nkobhatëëbhya igha, naremohaana ikyeo abhe umwimërërri uwa ëbhëntö ibhyaye bhyonswe igho.

Mataayo 25:12

Kasi ömötëti uyö akabhahonshora igha, ‘No-bhoheene nkobhatëëbhya igha, tembamanyirë hë.’”

Mataayo 25:40

Ho bhoono öni Omokama ndebhahonshora igha, ‘No-bhoheene nkobhatëëbhya igha, kyokyonswe keno mwaakorra umukumya wowonswe ono mokomaaha igha taana ubhwera hë, nö-öni mwaakorranga.’

Mataayo 25:45

Ho na öni wonswe nendebhahonshora igha, ‘No-bhoheene nkobhatëëbhya igha, kyokyonswe keno mwaanga okokorra umukumya wowonswe ono mokomaaha igha taana ubhwera hë, nö-öni mwaanganga okokorra.’

Mataayo 5:26

No-bhoheene nkökötëëbhya igha, tuurwe mo-kebhohe muyö hë, okohekera hano oremara okohaka isiirë yonswe igho.”

Mataayo 6:16

Yëësu akabhatëëbhya igha, “Hano mwaisasa ibhyakorya, motakaabhaabhayera kya abhaiköri. Nkokora bharë ubhusyö ubhwabho bhobha bhöndë bhöndë igho, kya ömöntö ono abhaabhayëëyë bhököngʼu. Nkokora bharë igho, okore abhantö bhabhakumi ko okobhamaaha igha, bhaisasirë ibhyakorya. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë.

Mataayo 6:2

“Mbe, hano mohaayë ömötöbhu ëkëntö, motakairaarekanga ko-bhantö, kya bhono abhaiköri bhakokoranga mu-sinyumba isya esango iya Abhayahudi na ko-senshera, okore abhantö bhabhakumi. No-bhoheene nkobhatëëbhya igha, bhaamara kutuhwa na abhantö, ku bhuyö Waryobha tabhatuhe ëkëntö hë.

Mataayo 8:10

Hano Yëësu yaaighuurë amangʼana ghayö, akaroghoora bhököngʼu. Akatëëbhya bhano bhaamosoorananga igha, “No-bhoheene nkobhatëëbhya igha, tenakasikaini na ömöntö uwa umukumo kya ghono Isiraëri hano.

Maariko 10:15

No-bhoheene nkobhatëëbhya igha, ömöntö ono atakwikërrya Öbhötöngi ubhwa Waryobha kya omoona omoke bhono akukumya, taatore okosoha mo-Bhokama ubhwa Waryobha hë.”

Maariko 10:29

Mbe, Yëësu akaghamba igha, “No-bhoheene nkobhatëëbhya igha, ömöntö ono yaatigha inyumba handë mura uwaabho, umusubhaati uwaaye handë nyakuwaabho, suwaabho handë abhaana abhaaye, handë ëmëghöndö, ko okoghera iya öni, na ko okoghera iya Amangʼana Amaiya,

Maariko 11:23

No-bhoheene nkobhatëëbhya igha, hano ömöntö araakumi engʼana igha neraabhe, ange okobha na entarëki mo-nkoro iyaaye, reno araasabhe nderaabhe. Ömöntö uyö aratora ökötëëbhya inguku eno igha, ‘Iheka wirekere mu-nyansha,’ na ni-igho eraabhe.

Maariko 12:43

Hano Yëësu yaarööshë ghayö, akabherekera abheegha abhaaye, akabhatëëbhya igha, “No-bhoheene nkobhatëëbhya igha, umusinö ömötöbhu ono, aruusiri ekerengere ekenene okokera abhandë bhayö bhonswe igho.

Maariko 13:30

No-bhoheene nkobhatëëbhya igha, rekora reno, terehete igho, ghayö ghonswe igho ngambirë ghataraaikora.

Maariko 14:18

Hano bhaaryanga, Yëësu akabhatëëbhya igha, “No-bhoheene nkobhatëëbhya igha, ömwë uwëënyu ono akorya hamwë na öni hano, naraannyeere inikö.”

Maariko 14:25

No-bhoheene nkobhatëëbhya igha, ukurwa reero, tindinywa ghwiki idivai okohekera urusikö rono ndinywa idivai eehya ko-Bhokama ubhwa Waryobha.”

Maariko 14:30

Yëësu akamötëëbhya igha, “No-bhoheene nkökötëëbhya igha, noraashe unyikaane katatö, setaraaraghora urwa kabhërë ubhutikö ubhwa reero.”

Maariko 14:9

No-bhoheene nkobhatëëbhya igha, ahasë honswe igho, hano Amangʼana Amaiya ghararaarekwenga ko-kebhara kono, engʼana eno omokari ono ankörëëyë, yonswe neraghambwenga, ko okomoheetoka.”

Maariko 3:28

“No-bhoheene nkobhatëëbhya igha, abhantö mbaraabherwe ëbhëbhë ibhyabho bhyonswe igho. Ghwiki mbaraabherwe amatöki aghaabho ghonswe igho.

Maariko 6:11

Ghwiki, ahasë hohonswe igho hano bharaange kobhasërëënia handë okobhaitegherra, motanore ukurwa hayö. Hano mwatanora, mokongʼonte urutu urwa ko-maghörö aghëënyu, ko ököbhöörökya igha, Waryobha we bhangirë.”

Maariko 8:12

Yëësu akaighwa bhoghogho mo-nkoro iyaaye. Akabhabhöörya igha, “N-kwakë bhëënyu abhantö abha rekora reno, mukutuna ekemanyërryö? No-bhoheene nkobhatëëbhya igha, tëmbööröki ekemanyërryö kyokyonswe igho hë.”

Maariko 9:1

Yëësu akaghëndërrya okobhatëëbhya igha, “No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatarööshë Obhokama ubhwa Waryobha.”

Maariko 9:41

Ömöntö wowonswe igho ono araabhahaane amanshë agha ukunywa ko bhoora igha m-bantö abha Kiristo mörë, no-bhoheene nkobhatëëbhya igha, ömöntö uyö, Waryobha narimutuha.”

Ruuka 11:51

Ukurwa ko-maanyinga agha Abhëëri, okohekera uruku urwa Zakaria, ono yaitëëywë ghatëghatë iya riighyö irya ikimwenso, na Ahasë Ahahörëëru aha inyumba iya Waryobha. Keno nkobhatëëbhya ni-igha, rekora reno, ndyo rërëbhööribhwa ghayö ghonswe igho.

Ruuka 12:37

Nyakara abhaghorwa bhano omonene uwaabho, araanyoore bharamoghanya. No-bhoheene nkobhatëëbhya igha, naraaisëëmi okobhatighinkanera, abhasërëëni ibhyakorya.

Ruuka 13:35

Maaha mbe! Bhoono möghënirë. Mbe, ndabhatëëbhya igha, temoreemmaaha röndë hë, okohekera hano moreghamba igha, ‘Waryobha akongʼoore ono akuusha ko okohetera iriina irya Omonene Waryobha.’”

Ruuka 16:17

N-këtöbhu risaarö na ekebhara ukurwa-ho, kasi akatabhë nkakaabha kake aka amaraghërryö agha Mosa, tekaaru-ho hë.

Ruuka 18:17

No-bhoheene nkobhatëëbhya igha, ömöntö ono atakwikërrya Öbhötöngi ubhwa Waryobha kya omoona omoke bhono akukumya, taatore okosoha mo-Bhokama ubhwa Waryobha hë.”

Ruuka 18:29

Yëësu akabhahonshora igha, “No-bhoheene nkobhatëëbhya igha, abhantö bhonswe igho bhano bhaatigha imighi ighyabho, handë bhakaabho, bhamura abhaabho, handë abhaibhöri abhaabho, kora na abhaana abhaabho ko okoghera iya Obhokama ubhwa Waryobha,

Ruuka 23:43

Yëësu akamohonshora igha, “No-bhoheene nkökötëëbhya igha, reero noraabhe hamwë na öni mu-ryobha.”

Ruuka 4:24

Yëësu akabhatëëbhya igha, “No-bhoheene nkobhatëëbhya igha, taaho ömörööti ono akwikërribhwa mu-kyaro ikya waabho hë.

Yohana 1:51

Ho yaamarrë akamötëëbhya igha, “No-bhoheene nkobhatëëbhya igha, moremaaha mu-ryobha hahönyökirë, abhamaraika abha Waryobha bharariina na ukwika ku-öni Omoona uwa Ömöntö.”

Yohana 10:1

Yëësu akaghëndërrya ukushumaasha igha, “No-bhoheene nkobhatëëbhya igha, ömöntö wowonswe igho ono atakohetera mu-kihiita ikya riigho irya amangʼöndi, kasi n-handë igho akohetera, uyö nu-mwibhi, kora m-mosaki.

Yohana 10:7

Mbe, Yëësu akabhatëëbhya ghwiki igha, “No-bhoheene nkobhatëëbhya igha, öni nö-öni ikihiita kiyö amangʼöndi ghakoheta-mo gharasoha mu-righo.

Yohana 12:24

No-bhoheene nkobhatëëbhya igha, hano imbusiro iya engano etatubhiriibhwi mo-marobha ikwe tekomera hë. Kasi hano eraatubhiribhwi, emare ikwe, hayö ho ikwama sehagho sinsharu.

Yohana 13:16

No-bhoheene nkobhatëëbhya igha, omoghorwa, taatore okobha omonene kokera omonene uwaaye. Omotomwa, te-monene okokera ono amötömirë.

Yohana 13:38

Yëësu akamohonshora igha, “Uwe notora ukukwa ko okoghera iya öni? No-bhoheene nkökötëëbhya igha, teseeraghore, otaraanyikaana harë katatö.”

Yohana 14:12

No-bhoheene nkobhatëëbhya igha, ömöntö ono akunkumya, naraakore emeremo gheno öni nkokora. Kora ghwiki naraakore emeremo okokera ghiyö nkokora, ko bhoora nko-Taata nkughya.

Yohana 16:20

No-bhoheene nkobhatëëbhya igha, bhëënyu moraakuure kora mobhaabhayere, kasi abhantö abha ko-kebhara kono, mbaraashomerwe. Moraabhaabhayere, kasi okobhaabhayera ukwënyu nkuriisyörya kobhe ukushomerwa ukwënyu.

Yohana 16:23

Ghwiki enkaagha iyö hano irihika, temoresabha engʼana yoyonswe igho hë. “No-bhoheene nkobhatëëbhya igha, kyokyonswe igho keno moresabhanga Taata okohetera ku iriina iryane, narebhahaana.

Yohana 21:18

No-bhoheene nkökötëëbhya igha, hano waarenga mumura, waaibhohanga singibho, ughya ahasë honswe hano ukutuna. Kasi hano oreghota, norerambeka amabhoko aghaaho, ömöntö uwöndë akwibhöhi singibho, akuhire hano otakutuna ukughya.”

Yohana 3:11

No-bhoheene nkökötëëbhya igha, bhëëtö nkoghamba törë ghano tomanyirë, ghwiki nkwimererra törë ghano törööshë. Kasi bhëënyu timukukumya ubhwimërërri ubhwëtö hë.

Yohana 3:3

Yëësu akamohonshora igha, “No-bhoheene nkökötëëbhya, taaho ömöntö ono akotora okosoha mo-Bhokama ubhwa Waryobha hano ataibhööywë urwa kabhërë.”

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Yohana 5:19

Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.

Yohana 6:26

Yëësu akabhahonshora igha, “No-bhoheene nkobhatëëbhya igha, nemanyirë keno mokontonera. Nkuntuna mörë te-ko bhoora igha momanye ensonga iya ebhemanyërryö ibhya amakono bheno naakora, kasi n-ko bhoora naabhahaayë emekaate, mokarya, mokeeghota.

Yohana 6:32

Mbe Yëësu akabhatëëbhya igha, “No-bhoheene nkobhatëëbhya igha, tërëngë igha Mosa we yaahaayë bhaaghuuka wëënyu ibhyakorya bheno bhyaaruurë mu-ryobha, kasi n-Taata we akobhahaana ibhyakorya ibhya obhoheene bheno bhikurwa mu-ryobha.

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Yohana 6:53

Ku bhuyö Yëësu akabhatëëbhya igha, “No-bhoheene nkobhatëëbhya igha, hano moraange okorya ömöbhërë ughwane, na ukunywa amaanyinga aghaane öni Omoona uwa Ömöntö, temoobhe na öbhöhöru ubhwa amakora ghonswe igho hë.

Yohana 8:34

Yëësu akabhahonshora igha, “No-bhoheene nkobhatëëbhya igha, ömöntö wowonswe igho ono araaghëndërri okokora ëbhëbhë, uyö nkobha arë omoghorwa uwa ëbhëbhë.

Yohana 8:51

No-bhoheene nkobhatëëbhya igha, ömöntö wowonswe igho ono okosoorana amëëghyö aghaane, tarikwa röndë hë.”

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

1 Peetero 1:25

kasi engʼana iya Omonene, neraaghëndërri okobha-ho amakora ghonswe igho.” Engʼana iyö, yo Amangʼana Amaiya ghano mwaaraarekerwa.

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.