Mataayo 5:17 - Imuuma Eehya

¹⁷ “Motakaakanya igha, naasha ko-kebhara kono igha nduusi-ho amaraghërryö agha Mosa, handë amëëghyö agha abharööti. Tenaasha igha ngaruusi-ho hë. Kasi naasha, okore nhekerani obhoheene ubhwako.

Mataayo 5:17 ပူးပေါင်းရင်းမြစ်များ

Mataayo 3:15

Yëësu akamohonshora igha, “Kasi bhoono, uwe ikërrya ombaatiisi. Ko bhoora ko okokora igho, ho toraahekerani amangʼana agha obhoheene ubhwa Waryobha bhono akutuna.” Mbe, hano Yohana yaaighuurë amangʼana ghayö, akaikërrya okomobhatiisya.

Mataayo 7:12

“Mokorrenga abhantö kya bhono mukutuna bhabhakorrenga. Ko bhoora ghayö, ngo Waryobha yaaraghërrëëyi mo-Maandeko Amahörëëru na ko-bharööti.”

Ruuka 16:17

N-këtöbhu risaarö na ekebhara ukurwa-ho, kasi akatabhë nkakaabha kake aka amaraghërryö agha Mosa, tekaaru-ho hë.

Yohana 8:5

Mosa, okorengʼaana na amaraghërryö aghaaye, yaatötëëbhëri ukwita omokari uwa eteemo eno, ko okomotema na amaghena. Mbe, uwe iyakë okoghamba?”

Amangʼana agha Abhatomwa 18:13

Bhakaghamba igha, “Twishirë ukushongera ömöntö ono, ko bhoora aköngʼënërrya abhantö igha, bhasaasaamenga Waryobha, ko-teemo eno etakorengerrania na amaraghërryö aghëëtö.”

Amangʼana agha Abhatomwa 21:28

Bhaakonganga igha, “Bhëënyu bhare Abhaisiraëri, motohaheenere! Ömöntö ono we akwëghya abhantö abha ahasë honswe igho, igha bhatosere, na okosera amaraghërryö agha Mosa na risengerro irya Waryobha reno. Ghwiki kora arëëtirë Abhayunaani mu-risengerro. Ku bhuyö anyankuhiri Ahasë Ahahörëëru hano.”

Amangʼana agha Abhatomwa 6:13

Bhakareeta-ho abhaimërërri abha obhorongo, bhakahaamërrya Sitefaano bharaghamba igha, “Ömöntö ono, tiyaakatighirë okoghamba obhoghogho amaraghërryö agha Mosa, na inyumba ëhörëëru eno iya Waryobha!

Abharuumi 10:4

Kiristo yaahekerania amaraghërryö agha Mosa, okore abhantö bhonswe igho bhano bhakukumya Yëësu Kiristo, bhabharwenga igha m-ba heene.

Abharuumi 3:31

Mbe, hano twakangʼasërrya engʼana iya ukukumya, n-kya hano toraaghambe igha, amaraghërryö agha Mosa teghaana ubhwera hë? A a, ti-igho hë! Kasi hano toraabhe na umukumo, hayö ho oraanyoore tohekeraini ghonswe igho, ghano amaraghërryö agha Mosa ghakoghamba.

Abharuumi 8:4

Waryobha yaakörrë igho, okore amangʼana agha heene agha amaraghërryö ghahekeranibhwi bhuuya kö-bhëëtö bhano totakwighwera esemoko iya öbhököri ubhwa ëbhëbhë, kasi nu-Mwika Ömöhörëëru we tukwighwera.