Mataayo 5:16 - Imuuma Eehya

¹⁶ Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Mataayo 5:16 ပူးပေါင်းရင်းမြစ်များ

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

Mataayo 23:9

Motakaasha okobherekera ömöntö wowonswe oora ko-kebhara kono, igha ‘Taata,’ ono atarëngë suwëënyu, ko bhoora Suwëënyu nö-ömwë igho, ono arëngë mu-ryobha.

Mataayo 5:45

Mbe, hano moraakore igho, neraamahekane igha, m-maheene na-bhaana abha Waryobha Taata uwëëtö uwa mu-ryobha mörë. Ko bhoora omobhasö ughwa Waryobha, nkobharra ghörë abhantö abhaghogho, na abhantö abha heene. Na imbura iyaaye, nkutwera ërë abhantö bhonswe igho, mbakaabha abhaghogho handë abha heene.

Mataayo 6:16

Yëësu akabhatëëbhya igha, “Hano mwaisasa ibhyakorya, motakaabhaabhayera kya abhaiköri. Nkokora bharë ubhusyö ubhwabho bhobha bhöndë bhöndë igho, kya ömöntö ono abhaabhayëëyë bhököngʼu. Nkokora bharë igho, okore abhantö bhabhakumi ko okobhamaaha igha, bhaisasirë ibhyakorya. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë.

Mataayo 6:9

Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe.

Mataayo 9:8

Hano rikomo irya abhantö ryaarööshë ghayö, rekaroghoora bhököngʼu kora rekoobhoha. Rekatöönia Waryobha ono yaahaayë abhantö ubhwera kya bhuyö.

Ruuka 11:2

Yëësu akabhatëëbhya igha, “Hano mwasaasaama Waryobha, mosaasaamenga igha, ‘Taata [uwëëtö ono örëngë mu-ryobha,] iriina iryaho, rëhörëëribhwi. Obhokama ubhwaho bhuushe. [Righonshe iryaho, rehekerane ko-kebhara kono, kya igho ërë mu-ryobha iyö.]

Yohana 15:8

Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Amangʼana agha Abhatomwa 9:36

Yaare-ho omokari uwöndë mu-mughi ghono ghwaabherekerwanga igha Yafa, omokari uyö, m-mwegha uwa Omonene Yëësu yaarë. Yaabherekerwanga igha Tabhita, (mu-Kiyunaani ni-igha Dorikaasi, ensonga iyaaryo ni-igha ënsöku). Yaakorranga abhantö ubhwa heene na yaatöörryanga abhatöbhu.

1 Abhakörintö 14:25

Imbumbure iya mo-nkoro iyaaye, nkobha ërë harabhu. Bhoono hayö ho araaighwësi hansë bhubhuumaayë asaasaame Waryobha eno araghamba igha, “M-maheene Waryobha hamwë arë na bhëënyu!”

2 Abhakörintö 9:13

Ndabhatëëbhya igha, mbaraatööni Waryobha, ko bhoora emeremo ighyënyu nkwörökya ghërë igha, bhëënyu m-baköri abha emeremo abhaiya mörë. Ghwiki mbaraatööni Waryobha, ko okoghera iya ukwighwera ukwënyu ukwa ukwikërrya Amangʼana Amaiya agha Yëësu Kiristo, na ökösërëënia ukwënyu kono mokobhasërëënia, kora na ko-bhantö bhonswe igho.

Abhagharatia 1:24

Mbe, bhakatöönia Waryobha ko okoghera iya ghano yaankorra.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 5:8

Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

1 Timoteo 2:10

Kasi bhabhe na eteemo inshiiya eno erengʼaini na iya abhakari bhano bhakwighwera Waryobha.

1 Timoteo 5:10

Abhe uwa eteemo inshiiya, abhe igha, nö-möntö ono yöörökërryanga abhaana abhaaye eteemo inshiiya, yaasërëënianga abhaghëni, yaatighinkananga ukwisaabhya abhantö abha Waryobha amaghörö aghaabho. Umusinö uyö, abhe ono yaatöörryanga bhano bhaanyankibhwanga, ghwiki abhe ono yaakora amangʼana amaiya.

1 Timoteo 5:25

Ni-igho igha, amangʼana amaiya ghonswe nkomaahwa gharë harabhu igho. Na ghaara ghaibhisirë, ngaretomboka ghabhe harabhu igho.

1 Timoteo 6:18

Ghwiki obhatëëbhi igha, bhakore amangʼana amaiya. Bhabhe abhaamë, abha okokora amangʼana amaiya. Bhabhe abhahaani, bhasangenga na abhantö abhandë ëbhëntö ibhya ubhwamë ubhwabho.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Tiito 2:7

Uwe Tiito, ko amangʼana ghonswe igho, obhe ëkërëngyö ikya abhantö ökörëngya okokora amangʼana amaiya. Obhe ömöntö uwa obhoheene na ono onaghirë kö-mëëghyö aghaaho.

Tiito 3:14

Abhakumya bharikyëtö bhonswe, bheeghe okokora amangʼana amaiya, okore bhatöörri abhahabhë. Hano bharaakorenga igho, mbaraabhe abhantö abha ubhwera tebhahete bhosa igho hë.

Tiito 3:4

Kasi Waryobha Ömötöörya uwëëtö, akatokorra öbhöntö ubhwa heene, kora akatwörökya righonshe iryaye, akatötöörya.

Abhaëbhuraania 10:24

Twangarrane na okokangʼasërrania ku righonshe na ko amangʼana amaiya.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.

1 Peetero 3:1

Na bhëënyu abhakari bhonswe, ni-igha mwighwere bhashaasha abhëënyu, okore nyoore bhaaho abhashaasha bhano bhatakosoorana amëëghyö agha Waryobha, bharutwe na eteemo iyëënyu inshiiya. Ku bhuyö bharatora ukukumya Waryobha bhatatëëbhiibhwi engʼana.

1 Peetero 3:16

kora mobhenga na amaitegherro amaiya, okore hano bharaabhahange engʼana ko amangʼana ghayö mokokora ko okoghera iya Kiristo, bhasooke abheene.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.