Mataayo 5:12 - Imuuma Eehya

¹² Momanye igha ni-igho bhaateesanga abharööti abha kare. Ku bhuyö mushomerwenga bhököngʼu, ko bhoora Waryobha yaabhatoorra-ho ituho enene mu-ryobha iyö.”

Mataayo 5:12 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 6:16

Yëësu akabhatëëbhya igha, “Hano mwaisasa ibhyakorya, motakaabhaabhayera kya abhaiköri. Nkokora bharë ubhusyö ubhwabho bhobha bhöndë bhöndë igho, kya ömöntö ono abhaabhayëëyë bhököngʼu. Nkokora bharë igho, okore abhantö bhabhakumi ko okobhamaaha igha, bhaisasirë ibhyakorya. No-bhoheene nkobhatëëbhya igha, bhaamara ukutuhwa na abhantö, ku bhuyö Waryobha tabhatuhe ëkëntö hë.

Ruuka 13:34

Mbe, Yëësu akaghamba igha, “Bhëënyu abhantö abha Yërusarëëmu, bhëënyu bhano mukwita abharööti, na okotema amaghena abhantö bhano Waryobha yaatoma. N-kaaru naakora omotono ughwa okobhakomania, kya hano engoko ekokoma ibhishuushu mo-mabhabha aghaayo, kasi mwanga.

Ruuka 6:23

“Hayö bhoono bhëënyu, mushomerwe na ukushenga. Ko bhoora ituho iyëënyu eno ërëngë mu-ryobha, ne-nene. Ni-ighoigho na abhakörö abhaabho bhonswe, bhaakörëëyë abharööti abha kare.

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Amangʼana agha Abhatomwa 16:25

Mbe, mu-bhutikö ghatë, Pauro bhaana Siira, bhakasaasaama Waryobha, bhakarëëtya amarëëtyö agha ökömötöönia. Abhabhohe bharikyabho, bhakabha bharabhaitegherra.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

1 Abhakörintö 3:8

Umwëmya na umwëtërri uwa amanshë, m-bamwë bhayö, kasi kera ömwë uwaabho, narituhwa ko okorengʼaana na inyanko iyaaye.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

Abhafiripi 2:17

Nenkaruusya öbhöhöru ubhwane, bhobhe kya ikimwenso ikya idivai hamwë na umukumo ughwënyu ghono ghokokorwa ikimwenso ku-Waryobha, öni nendaashomerwe nsange hamwë na bhëënyu bhonswe igho.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Abhakorosaai 3:24

Momanye igha, Omonene ono mukutighinkanera, we Kiristo. Uyö we arebhatuha ituho eera yaaraghaini okobhatuha.

1 Abhatësarönikë 2:15

Abhayahudi bhayö, bhaaitirë abharööti abha kare, na mbo bhaaitirë Omonene Yëësu. Ghwiki mbo bhaatunyankëri. Abhantö bhayö, nkörërrya bharë Waryobha, kora m-babhisa abha abhantö bhonswe igho,

Abhaëbhuraania 10:34

Mwaarenga na ikyabhera ko bhano bhaarenga bhabhöhirwë. Mwaaikërëëyi kora hano mwaaruusibhwanga ëbhëntö ibhyënyu, mwaashomerwanga. Mwaakörrë igho momanyirë igha, mo-senkoro isyënyu, mmoona ëbhëntö ibhya ubhwera obhonene bhököngʼu, bheno bhetakusika röndë.

Abhaëbhuraania 11:26

Yaarööshë igha, m-buuya ukunyoora inyanko ko okoghera iya Kiristo, bhuyö nu-bhwamë bhono bhokokera ëbhëntö ibhya Miisiri. Mosa uyö, yaaitengʼeranga ukunyoora ituho ukurwa ku-Waryobha sinsikö isya mbere iyö.

Abhaëbhuraania 11:33

Ko okoghera iya umukumo ughwabho, mbaaitaini riihë bhakabhaaha abhakama abha ibhyaro ibhyëndë. Mbaakörrë amangʼana agha heene, bhakahaanwa ghano Waryobha yaabharaghaini. Mbaaghubhirë iminywa ighya sëndwë.

Abhaëbhuraania 11:6

Ömöntö taatore ökötëghërya Waryobha hano ataana umukumo. Ko bhoora ni-igha, ömöntö ono akosengerra Waryobha, ni-igha akumi igha, Waryobha ho arë, na ghwiki igha, we akohaana abhantö ituho, bhano bhaana omotono ughwa okomomanya.

Yaakobho 1:2

Abhakumya bharikyane, mushomerwenga hano mwashaashwa ukushaashwa kwokwonswe koora,

Yaakobho 5:10

Abhakumya bharikyane, momaahere ko-bharööti bhano bhaaghambanga ku ubhwera ubhwa Omonene Waryobha. Bhayö bhabhe ëkërëngyö ikya ököghömërrya inyaanyi.

1 Peetero 4:13

Kasi bhoono bhëënyu mushomerwe igha, nkunyoora mörë inyaanyi, kya bhoora Kiristo yaanyöörrë. Bhoono ni-igha, mushomerwenga, okore muushe kushomerwa bhököngʼu, hano ariisha na ubhuhika ubhwaye bhötöörwë harabhu igho.