Mataayo 5:10 - Imuuma Eehya

¹⁰ Nyakara bhano bhakoteeswa ko okokora bhono Waryobha akutuna, ko bhoora, m-bantö abha mo-Bhokama ubhwa Waryobha.

Mataayo 5:10 ပူးပေါင်းရင်းမြစ်များ

Mataayo 10:23

Hano bhabhakorra obhoghogho ahasë nyabhorebhe, mokenyerre ahasë ahandë. No-bhoheene nkobhatëëbhya igha, temoremara okokora emeremo mu-mighi ghyonswe igho ighya Isiraëri, öni Omoona uwa Ömöntö ntaraakyora.

Mataayo 19:14

Kasi Yëësu akabhatëëbhya igha, “Mutighe abhaana abhake bhayö, bhaashenga ku-öni, motakaabhakaanianga. Ko bhoora Obhokama ubhwa Waryobha nu-bhwa abhantö bhano bharëngë kya abhaana bhano.”

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Mataayo 5:3

“Nyakara bhano bhaimanyirë igha mbaana obhohabhë na Waryobha, ko bhoora bhayö, na-bhantö bhano bharëngë mo-Bhokama ubhwa Waryobha.

Maariko 10:14

Hano Yëësu yaarööshë abheegha abhaaye bharakora igho, akarerra. Akabhatëëbhya igha, “Mutighe abhaana abhake bhayö, bhaashenga ku-öni, motakaabhakaanianga! Ko bhoora Obhokama ubhwa Waryobha, nu-bhwa abhantö bhano bharëngë kya abhaana bhayö.

Maariko 10:30

Waryobha naremohaana ëbhëntö ibhyaru bhököngʼu okokera bhiyö. Ko-kebhara kono ikya bhoono igho, naraanyoore sinyumba, bhamura abhaabho, abhasubhaati na bhanyakuwaabho, abhaana bheena ëmëghöndö. Hamwë na ghayö ghonswe igho, narinyoora inyaanyi. Ghwiki ko-kebhara keno kiriisha, narinyoora öbhöhöru ubhwa amakora ghonswe igho.

Ruuka 21:12

“Kasi enkaagha eno urinyoora ghayö ngambirë hayö ghataraabha, mmoreghootwa munyankibhwi, mbarebhahira mu-sinyumba isya esango iya Abhayahudi, kora mobhohwe mo-kebhohe. Mbarebhahira ko-bhakama na ko-bhatöngi, ko bhono igha, m-basoorani abhaane mörë.

Ruuka 22:29

Ku bhuyö nendaabhatoore ko-bhokama, kya bhono Taata yaantoora ko-bhokama.

Ruuka 6:20

Yëësu akamaaherra abheegha abhaaye, akabhatëëbhya igha, “Nyakara bhano bhaana obhohabhë na Waryobha, ko bhoora bhayö, na-bhantö bhano bharëngë mo-Bhokama ubhwa Waryobha.

Ruuka 6:22

Nyakara bhëënyu, hano abhantö bharebharegha, bhabhaahore, bhabhatoke, na okobhaghamba bhoghogho ko okoghera iya öni Omoona uwa Ömöntö.

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Amangʼana agha Abhatomwa 5:40

bharikyaye bhakabhwikërrya. Bhakabherekera abhatomwa bhaashe. Bhakahamera igha bhatemwe. Bhakabhakaania ghwiki igha bhatakëëghya abhantö, ko okohetera iriina irya Yëësu, bhakabhahaatera bhaghende.

Amangʼana agha Abhatomwa 8:1

Sauri wonswe yaaikererrraini na ukwitwa ukwa Sitefaano. Mbe, abhantö bhano bhaaighweranga Waryobha, bhakabheeka Sitefaano, bhakamokoorra bhököngʼu. Urusikö roora Sitefaano yaaitirwë, abhantö abha ekanisa iya Yërusarëëmu, bhaanyankiibhwi bhököngʼu, kora bhakanyaraghana. Abhaaru mbaangʼösirë, kasi abhatomwa abha Yëësu abheene igho, mbo bhaatighaayë Yërusarëëmu hayö. Bhano bhaangʼösirë, mbaangʼösëëyë mo-mokowa ughwa Yudea na Samaaria.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Abhafiripi 1:28

Kora motakoobhohanga abhabhisa bhëënyu, okokora igho, nkwo kukwörökya igha, bho nko-nshera iya ukusikibhwa bharë, kasi bhëënyu nko-nshera iya ökötööribhwa mörë. Ghayö ghonswe igho ne-meremo ighya Waryobha.

2 Timoteo 2:12

Hano toraaghömërri, ntoretonga hamwë nawe. Hano toraamwange, wonswe naritwanga.

2 Timoteo 3:11

righonshe iryane na ököghömërrya ukwane. Kora nomanyirë bhono abhantö bhaanyankyanga na okonteesa, hano naarë mu-mighi gheera ghekobherekerwa igha Antiökia, Iköniö na Risitira. Ghwiki nomanyirë igha, naaghömërrëëyi bhököngʼu amangʼana ghonswe igho ghano bhaankörëëyë, kasi Omonene Yëësu akantöörya ko-ghonswe igho ghayö.

Yaakobho 1:12

Nyakara ömöntö ono aköghömërrya hano yaashaashwa, ko bhoora hano araaghömërri ukushaashwa kuyö, Waryobha narimutuha ituho iya öbhöhöru ubhwa amakora ghonswe igho, bhono yaaraghaini okohaana bhonswe igho bhano bhamohanshirë.

Yaakobho 5:11

Momaahe mbe, abhantö bhano tukwitegherra igha bhangʼoorwa m-baara bhaaghömërrya inyanko. Mwaighwa amangʼana agha ököghömërrya ukwa Ayubhu, na ghwiki mmomanyirë bhono Omonene Waryobha yaamökörëëyë amaiya ku-muhiko. Ghayö ghonswe igho nkwörökya gharë igha, Omonene Waryobha wa heene naana amaabhë.

1 Yohana 3:12

Totakaabha kya Kaini, ömöntö uwa Oghosambwa, oora yaaitirë mura waabho omoke. N-kwakë yaamwitirë? Yaamwitirë ko bhoora ghano Kaini yaakoranga, m-maghogho ghaarë, kasi ghano mura uwaabho omoke uyö yaakoranga, n-ga heene ghaarë.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.