Mataayo 4:23 - Imuuma Eehya

²³ Yëësu yaainaarrë ikyaro kyonswe igho ikya mo-mokowa ughwa Ghariraaya, yëëghyanga abhantö mu-sinyumba isya esango iya Abhayahudi. Akabha araraarekera abhantö Amangʼana Amaiya agha Obhokama ubhwa Waryobha, kora akabha arahwënia abharööyë bhonswe igho.

Mataayo 4:23 ပူးပေါင်းရင်းမြစ်များ

Mataayo 11:5

Igha, abhahukuru nkomaaha bharë, amatengʼo nkoghenda gharë, abhaghenge nkosaabhuurwa bharë, abhakirö nkwighwa bharë, abhaku nkuryökibhwa bharë, kora abhatöbhu nkoraarekerwa bharë Amangʼana Amaiya.

Mataayo 12:9

Mbe, Yëësu akarwa hayö, akasoha mu-nyumba iya esango iya Abhayahudi.

Mataayo 13:19

Hano ömöntö yaighwa engʼana iya Obhokama ubhwa Waryobha, ange okomanyërrya ensonga yaamo, nkunyoora örë Oghosambwa ghwishirë, ghomosakirë ghaara Waryobha yëëmya mo-nkoro iya ömöntö uyö. Uyö we eheke iya imbusiro eera yaaghööyë ko-nshera.

Mataayo 13:54

Hano yaahikirë Nazarëëti mu-mughi ughwa waabho, akasoha ukwëghya abhantö mu-nyumba iya esango iya Abhayahudi. Abhantö bhakaroghoora bhököngʼu, bhakabhoorania igha, “Ömöntö ono hai yeeghera obhongʼaini bhono? Hai yaaruusya obhotoro ubhwa okokora amakono ghano?

Mataayo 14:14

Mbe, hano Yëësu yaaikirë mu-bhwato, akamaaha rikomo irya abhantö remosooraini, akabhaabhera, akahwënia abharööyë bhano bhaarë mu-rikomo muyö.

Mataayo 24:14

Kora ghwiki ni-igha, Amangʼana Amaiya agha Obhokama ubhwa Waryobha, ngareraarekwa ko-kebhara kyonswe igho, okore ghabhe kya ubhwimërërri ku-bhyaro bhyonswe igho. Hayö bhoono, ho urusikö urwa umuhiko rurihika.

Mataayo 3:2

“Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Mataayo 9:35

Mbe, Yëësu akabha arainaaranaara mu-mighi ghyonswe igho na mu-bhishishi. Ahasë honswe hano yaahetanga, yëëghyanga abhantö mu-sinyumba isya esango iya Abhayahudi. Yaaraarekanga Amangʼana Amaiya agha Obhokama ubhwa Waryobha, na ukuhwënia abhantö amarööyë ghonswe igho.

Maariko 1:14

Sekaheta-ho sinsikö sinsharu, Yohana akahirwa mo-kebhohe. Hano yaarenga mo-kebhohe, Yëësu akaghya mo-mokowa ughwa Ghariraaya. Akabha araraareka Amangʼana Amaiya agha Waryobha.

Maariko 1:21

Mbe, Yëësu na abheegha abhaaye abhane bhayö, bhakaghya Kaperenaumu. Hano urusikö urwa Obhotooro rwaahikirë, bhakasoha mu-nyumba iya esango iya Abhayahudi, Yëësu akasimya ukwëghya.

Maariko 1:39

Mbe, akabha araghenda mo-mokowa ghonswe igho ughwa Ghariraaya, arëëghya mu-sinyumba isyabho siyö isya esango, na ukwata amasambwa ko-bhantö.

Maariko 3:10

Abharööyë mbaaruhirë bhakaheghana, bhaatunanga bhamukuni-ko ko bhoora yaarenga ahwënëri abhantö abhaaru.

Maariko 6:2

Hano urusikö urwa Obhotooro rwaahikirë, akasimya ukwëghya abhantö mu-nyumba iya esango iya Abhayahudi. Abhaaru mo-bhano bhaamwighuurë bhakaroghoora, kora bhakamosera. Bhaabhööranianga igha, “Mbe! Ömöntö ono hai agharuusiri amangʼana ghano ghonswe igho? Kana hai yaaruusya obhongʼaini bhonswe igho bhono na obhotoro ubhwa okokora amakono ghayö akokora?

Maariko 6:6

Akaroghoora bhököngʼu ko bhoora bhataarenga na umukumo kora hake hë. Hano Yëësu yaamarrë, akainaaranaara mu-bhishishi ibhya haangʼë hayö, akabha arëëghya-mo abhantö.

Ruuka 10:9

Muhwëni abharööyë abha mu-mughi ghuyö. Moraarekere abhantö abha mu-mughi muyö igha, ‘Enkaagha iya Obhokama ubhwa Waryobha n-haangʼë ërë.’

Ruuka 13:10

Urusikö urwa Obhotooro, okanyoora Yëësu arëëghya abhantö mu-nyumba iya esango iya Abhayahudi.

Ruuka 16:16

“Amaraghërryö agha Mosa na amaandeko agha abharööti, mbyaabhatangatirë igho, okohekera ko-nkaagha iya Yohana Omobhatiisya. Ukusimirya hayö, Amangʼana Amaiya agha Obhokama ubhwa Waryobha, nkoraarekwa gharë, na abhantö bhonswe igho, nkokangʼasërribhwa bharë igha, bhasohe-mo.

Ruuka 20:1

Urusikö nyabhorebhe, Yëësu yëëghyanga na okoraarekera abhantö Amangʼana Amaiya, mo-bhogho ubhwa risengerro irya Waryobha. Akaseetwa-mo na abhanene abha abhasëngëri, abhëëghya abha amaraghërryö agha Mosa, na abhaghaaka abha Ikiyahudi.

Ruuka 4:14

Mbe, Yëësu akakyora mo-mokowa ughwa Ghariraaya aana obhotoro ubhwa Umwika Ömöhörëëru, na amangʼana aghaaye ghakaromaana bhököngʼu, mo-mokowa ughwa Ghariraaya yonswe igho.

Ruuka 5:17

Urusikö nyabhorebhe Yëësu yëëghyanga Abhantö. Bhaare-ho Abhafarisaayo hamwë na abhëëghya abha amaraghërryö agha Mosa bhaikaayë. Bhaarwërëëyë mu-bhishishi bhyonswe igho ibhya mo-mokowa ughwa Ghariraaya, Yudea na mu-mughi ughwa Yërusarëëmu. Yëësu yaarë na obhotoro ubhwa Omonene Waryobha, ubhwa ukuhwënia abhantö.

Ruuka 6:17

Yëësu akangʼaaraara ukurwa ku-nguku kuyö hamwë na abhatomwa abhaaye. Hano yaahikirë ko-kebharabhanshë, akaimerra. Hayö bhaare-ho abheegha abhaaye abhaaru, na rikomo rinene irya abhantö abhandë resangëraini-ho. Bhaarwërëëyë mo-mokowa ughwa Yudea ghonswe igho, abhandë bhaarwërëëyë mu-mughi ughwa Yërusarëëmu, na abhandë bhaarwërëëyë ko-sembaara isya ko-morambo ughwa Tiiro na ughwa Siidööni. Abhantö bhayö mbaaishirë hayö, okore bhaitegherre Yëësu, na ukuhwënibhwa.

Ruuka 6:6

Mbe, ghwiki Yëësu yaasöhirë mu-nyumba iya esango iya Abhayahudi urusikö urwöndë urwa Obhotooro, akasimya ukwëghya-mo abhantö. Mo-sango muyö, yaare-mo ömöntö uwöndë ono yaarë na risusu ko-kobhoko ukwaye ukwa bhoryo.

Ruuka 7:21

Enkaagha iyö, Yëësu yaahwënianga abharööyë abhaaru. Yaatanga amasambwa ko-bhantö, kora yaagheranga abhahukuru abhaaru bhamaaha.

Ruuka 7:22

Mbe, Yëësu akabhahonshora igha, “Moghende mötëëbhi Yohana ghano mörööshë hano, na ghano mwighuurë. Abhahukuru nkomaaha bharë, amatengʼo nkoghenda gharë, abhaghenge nkosaabhuurwa bharë, abhakirö nkwighwa bharë, abhaku nkuryökibhwa bharë, na abhatöbhu nkoraarekerwa bharë Amangʼana Amaiya.

Ruuka 8:1

Hano ghayö ghaahööyë, Yëësu akabha arainaaranaara mu-mighi na mu-bhishishi. Ahasë honswe hano yaahetanga, yaaraarekeranga abhantö Amangʼana Amaiya agha Obhokama ubhwa Waryobha. Yaaraarekanga hamwë na abheegha abhaaye ikömi na bhabhërë.

Ruuka 9:11

Kasi hano rikomo irya abhantö ryaamanyirë igha ni-iyö aghëëyë, rekamosoorana. Akabhasërëënia bhuuya. Akasimya ököbhëëghya amangʼana agha Obhokama ubhwa Waryobha. Akahwënia abharööyë bhano bhaarë na inyonta iya ukuhwënibhwa.

Ruuka 9:60

Kasi Yëësu akamohonshora igha, “Tigha abhantö bhano bhatakwighwera Waryobha, bhabheekane abheene ko abheene. Kasi uwe kaghi oraarekere abhantö amangʼana agha Obhokama ubhwa Waryobha.”

Yohana 18:20

Yëësu akamohonshora igha, “Enkaagha yonswe igho naaghambanga ko-bhantö bhonswe igho harabhurabhu igho, nëëghyanga abhantö mu-sinyumba isya esango iya Abhayahudi, na mo-bhogho ubhwa risengerro mono Abhayahudi bhonswe igho bhakwikomanërya, tenakëëghëri amëëghyö aghaane bhubhise hë.

Yohana 6:59

Yëësu yaaghambirë amangʼana ghayö, enkaagha eno yëëghyanga mu-nyumba iya esango iya Abhayahudi, Kaperenaumu haara.

Yohana 7:1

Hano ghayö ghaahööyë, Yëësu akabha arainaaranaara mo-mokowa ughwa Ghariraaya. Tiyaatunirë ainaarenaare Yudea, ko bhoora abhatangati abha Abhayahudi bhaatunanga bhamwite.

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Amangʼana agha Abhatomwa 18:4

Pauro akabha arasoha mu-nyumba iya esango iya Abhayahudi kera urusikö urwa Obhotooro, arashumaasha na Abhayahudi hamwë na Abhayunaani.

Amangʼana agha Abhatomwa 20:25

“Kasi bhoono nemanyirë igha, kö-bhëënyu bhonswe igho bhano naaraarekera amangʼana agha Obhokama ubhwa Waryobha, taaho ömöntö ono areemaaha ghwiki hë.

Amangʼana agha Abhatomwa 28:31

Akëëghya abhantö amangʼana agha Obhokama ubhwa Waryobha, na agha Omonene Yëësu Kiristo ko obhokarë. Tiyarëbhërrëywë na ömöntö hë.

Abharuumi 10:15

Ghwiki iyakë abhantö bharaaghi okoraareka engʼana iyö igho bhatatömirwë? N-kya bhono Amaandeko Amahörëëru ghakoghamba igha, “Hano omoraarëki uwa Amangʼana Amaiya agha Waryobha ahikirë, abhantö nkushomerwa bharë!”