Mataayo 4:20 - Imuuma Eehya

²⁰ Kamwë igho, Anderea na Simööni bhakatigha hayö emetegho ighyabho, bhakasoorana Yëësu.

Mataayo 4:20 ပူးပေါင်းရင်းမြစ်များ

Mataayo 10:37

Ömöntö wowonswe ono araahanshe suwaabho, handë nyakuwaabho konkera, uyö taingʼarëëyë okobha umwegha uwaane hë. Ömöntö wowonswe ono araahanshe mura uwaaye, handë mohara uwaaye konkera öni, uyö taingʼarëëyë okobha umwegha uwaane hë.

Mataayo 19:27

Mbe, Peetero akabhöörya Yëësu igha, “Maaha bhëëtö twatigha bhyonswe igho twakosoorana, n-kë toraanyoore?”

Mataayo 4:19

Yëësu akabhatëëbhya igha, “Monsoorane, mobhe abheegha abhaane. Nendaabhëëghi ököghöötya abhantö, kya bhono mwaarë ököghöötyanga sinswë.”

Mataayo 4:21

Yëësu akaghëndërrya na oroghendo urwaye, hake igho akamaaha ghwiki abhantö bhabhërë, ömöntö na mura uwaabho. Uwöndë yaabherekerwanga igha Yaakobho na mura uwaabho yaabherekerwanga igha, Yohana, m-bamura abha Zebhedaayo bhaarë. Bhaarenga bhaikaayë mu-bhwato na suwaabho, bharatuma emetegho ighyabho. Bhonswe Yëësu akabhabherekera.

Ruuka 5:11

Hano bhaaghöbhëri amaato aghaabho ko-morambo, bhakatigha hayö bhyonswe igho, bhakasoorana Yëësu.

Abhagharatia 1:16

anhonyorre amangʼana agha Omoona uwaaye kya bhono arë. Yaakörrë igho, okore ndaareke Amangʼana Amaiya agha Yëësu Kiristo ko-Bhakyaro. Tenatunirë abhantö abha okondaghërrya keno nkaakörrë.