Mataayo 3:7 - Imuuma Eehya

⁷ Kasi hano Yohana yaarööshë Abhafarisaayo na Abhasadukaayo abhaaru, bharaasha ko-we, okore bhabhatiisibhwi, akabhatëëbhya igha, “Bhëënyu urwebhoro urwa inshoka! Kana nawë uyö abharömirë ökötwë, igha mongʼose okorerra ukwa Waryobha kono kuriisha?

Mataayo 3:7 ပူးပေါင်းရင်းမြစ်များ

Mataayo 12:24

Hano Abhafarisaayo bhaaighuurë amangʼana ghayö, bhakaghamba igha, “Ömöntö ono keno kekoghera araata amasambwa, n-ko bhoora Bhërizëbhuri, oghonene ughwa amasambwa, ghwaamohaana obhotoro ubhwa okokora igho.”

Mataayo 12:34

Bhëënyu m-baghogho mörë kya sinshoka, iyakë moraakore moghambe amangʼana amaiya? Ko bhoora ni-igha, keno ömöntö akoghamba, m-monkoro iyaaye kikurwa.

Mataayo 15:12

Mbe, abheegha abha Yëësu, bhakaghya bhakabhöörya Yëësu igha, “Kasi okaamanya igha hano Abhafarisaayo bhaaighuurë amangʼana aghaaho ghaara mbaakörërërrëëyë bhököngʼu?”

Mataayo 16:1

Mbe, ho Abhafarisaayo na Abhasadukaayo nyabhorebhe bhaaishirë ku-Yëësu, bhakashaasha Yëësu igha abhakorre ekemanyërryö ikya rikono, keno keraabhööröki igha, Waryobha we yaamotoma.

Mataayo 16:6

Yëësu akabhatëëbhya igha, “Mwiyangarre na ehamiira iya Abhafarisaayo na Abhasadukaayo.”

Mataayo 22:15

Mbe, Abhafarisaayo bhakarwa hayö, bhakaghya okokora ikiina, okore bhaghashani Yëësu ko bhoghambi ubhwaye.

Mataayo 22:23

Abhasadukaayo nyabhorebhe bhakaghya ku-Yëësu urusikö rooraroora. Abhasadukaayo tebhakwikërrya igha ukuryoka kooho hë. Ku bhuyö abhandë bhakabhöörya Yëësu igha,

Mataayo 22:34

Hano Abhafarisaayo bhaaighuurë igha, Abhasadukaayo bhaabhörrwë engʼana iya okoghamba ku-Yëësu, bhakaikomania hamwë, bhakaghya ku-Yëësu.

Mataayo 23:33

Bhëënyu n-sinshoka, urwebhoro urwa sinshoka. Iyakë moraaibhashe ubhushibhu ubhwa Waryobha ubhwa okobharekera mo-morro ghotakurima?

Mataayo 5:20

No-bhoheene nkobhatëëbhya igha, hano obhoheene ubhwënyu bhotaakere ubhwa Abhafarisaayo na abhëëghya abha amaraghërryö agha Mosa, temoobhe mo-Bhokama ubhwa Waryobha hë.

Maariko 12:13

Mbe, ku bhuyö abhanene abha Abhayahudi, bhakatoma Abhafarisaayo nyabhorebhe, na abhasoorani abha rikomo irya omokama Herode Antipa, okore bhaghashani Yëësu, okorengʼaana na amangʼana aghaaye umwene.

Maariko 12:18

Ryaare-ho rikomo irya Abhayahudi reno rekobherekerwa igha Abhasadukaayo. Bho bhaaghambanga igha, ukuryoka ukwa abhaku tekooho hë. Urusikö nyabhorebhe bharikyabho, bhakaghya ku-Yëësu, bhakamöbhöörya igha,

Maariko 8:15

Mbe, Yëësu akabhatëëbhya igha, “Mwiyangarre na ehamiira iya Abhafarisaayo, bheena iya omokama Herode Antipa.”

Ruuka 16:14

Hano Abhafarisaayo bhaaighuurë amangʼana ghayö, bhakamosera, ko bhoora bhaarenga bhahanshirë bhököngʼu seehera.

Ruuka 18:11

“Hano bhaahikirë, Omofarisaayo uyö, akaimerra, akasaasaama Waryobha ko-mangʼana aghaaye umwene. Akasaasaama igha, ‘Ndakukumya Waryobha, ko bhoora te-moghogho ndë kya abhantö abhandë hë. Abhantö abhandë, m-basaki, bharangʼaina, m-basooraare, kora tintuubhaini na ömöghööti uwa righööti ono aahano.

Ruuka 7:30

Kasi Abhafarisaayo na abhëëghya abha amaraghërryö agha Mosa, abheene mbaangirë ghano Waryobha yaabhatoneranga-ko, ko bhoora mbaangirë okobhatiisibhwa na Yohana.

Yohana 1:24

Mo-bhantö bhano bhaatömirwë bhaghende ku-Yohana, Abhafarisaayo mbaarenga-mo.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Yohana 9:40

Mbe, Abhafarisaayo abhandë bhano bhaarë hayö, hano bhaaighuurë amangʼana ghayö, bhakamöbhöörya igha, “Nkoghamba örë igha na bhëëtö bhonswe m-bahukuru törë?”

Amangʼana agha Abhatomwa 15:5

Kasi Abhakiristo abhandë abha Ekefarisaayo bhakeemoka, bhakaghamba igha, “Abhakyaro bhano bhakumiri Yëësu, ni-igha bhonswe bhasaarwenga, na bhatëëbhibhwi igha, bhaighwerenga amaraghërryö ghonswe igho agha Mosa.”

Amangʼana agha Abhatomwa 20:31

Ku bhuyö, mwiyangarre! Muhiitenga igha, imyoka etatö gheno naikaayë hamwë na bhëënyu hano, naaraghërryanga kera ömöntö ubhutikö na omobhasö, kora nkuura amaisöri ghaheta.

Amangʼana agha Abhatomwa 26:5

Ko bhoora mbammanyirë ukurwa kare, hano bharaahanshe, bharatora okoghamba obhoheene igha, m-Mofarisaayo naarë, rikomo iriiya irya idiini iyëëtö.

Amangʼana agha Abhatomwa 5:17

Mbe, omonene uwa abhasëngëri na bharikyaye bhonswe igho abha rikomo irya Abhasadukaayo, bhakakorra orongʼeera abhatomwa abha Yëësu.

Abharuumi 1:18

Waryobha umwene, nkwörökya arë harabhu igho ukurwa mu-ryobha igha, abhantö abhaghogho bhano bhakumwanga, nkobhashibhya arë. Abhantö bhayö nkwanga bharë obhoheene ubhwaye, ko okoghera iya okokora amangʼana aghaabho amaghogho.

Abharuumi 5:9

Mbe, nyoore twabharwa igha na-abha heene törë ko okohetera amaanyinga agha Yëësu Kiristo, m-boheene igha, kora narëtötöörya totakaasoha mu-bhushibhu ubhwa okorerra ukwa Waryobha.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

Abhaëbhuraania 11:7

Umukumo, ghwaaghërrë Nuhu akaighwera Waryobha, hano yaamoraghërrëëyi ko amangʼana ghano ghakaaishirë, ghano ghataarenga gharaamaahekana enkaagha iyö. Ku bhuyö akakora esafina, okore ahöni abhantö abhaaye. Ko okoghera iya engʼana iyö, akabhotorra abhantö ikiina, akabha ömöntö uwa heene ku-Waryobha ko koghera iya umukumo ughwaye.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.