Mataayo 3:2 - Imuuma Eehya

² “Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Mataayo 3:2 ပူးပေါင်းရင်းမြစ်များ

Mataayo 10:7

Moghende mobharaarekerenga igha, ‘Enkaagha iya Obhokama ubhwa Waryobha n-haangʼë ërë.’

Mataayo 11:20

Ho Yëësu yaahamëëyë abhantö abha mu-mighi gheera yaakörrë-mo amakono amaaru, ko bhoora bhaangirë okohongora ëbhëbhë ibhyabho. Akabhahamera igha,

Mataayo 12:41

“Rono Waryobha arebhotorra abhantö ibhiina ibhyabho, abhantö abha Ninaawi mbaryemerra hamwë na abhantö abha rekora reno. Abhantö abha Ninaawi, mbarebhotorra ikiina abhantö abha rekora reno igha, m-basarya. Nerebha igho, ko bhoora abhantö abha Ninaawi, mbaahöngööyë ëbhëbhë ibhyabho hano Yoona yaabharaarëkëëyë engʼana iya Waryobha. Na bhoono igho aahano ömöntö omonene okokera Yoona, kasi bhëënyu temwahöngööyë ëbhëbhë ibhyënyu hano yaabharaarëkëëyë engʼana iya Waryobha.

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Mataayo 13:24

Ghwiki Yëësu akarëngërya abhantö igha, “Obhokama ubhwa Waryobha, mbonga kya ömörëmi ono abhaköri abhaaye abha emeremo, bhëëmëri imbusiro inshiiya, kö-möghöndö ughwaye.

Mataayo 13:31

Mbe, ghwiki Yëësu akarëngërya abhantö ëkërëngyö ikyëndë igha, “Obhokama ubhwa Waryobha, mbonga kya ukukiina ukwa akatetere akake aka omoharadaari, kano ömöntö yëëmëri kö-möghöndö ughwaye.

Mataayo 13:33

Yëësu akabharëngërya ghwiki igha, “Obhokama ubhwa Waryobha n-kya ehamiira. Omokari nkoghegha arë ehamiira aghishooghania mo-bhose ubhwa engano ubhwa ebherengo bhitatö. Ehamiira iyö, nkoghera ërë obhose ubhwa engano bhuyö bhubhimba, bhwebhokerra.”

Mataayo 13:47

Yëësu akabharëngërya ëkërëngyö ikyëndë igha, “Ghwiki Obhokama ubhwa Waryobha mbonga righokooro. Abhantö nkotegha bharë mo-manshë bhaghöötya sinswë isya teemo nsharu.

Mataayo 13:52

Ku bhuyö akabhatëëbhya igha, “Umwëghya wowonswe ono amanyirë amaraghërryö agha Waryobha na Obhokama ubhwa Waryobha, uyö n-kya ömöntö ono aana inyumba, eno akuruusya-mo ëbhëntö ibhya kare na ebhehya.”

Mataayo 18:23

“Ku bhuyö Obhokama ubhwa Waryobha, mbutuubhaini kya ëkërëngyö ikya omokama uwöndë, ono yaatunanga akore amasaabhu na abhaköri abha emeremo abha eserekaare iyaaye.

Mataayo 20:1

Yëësu yaarëngëri ëkërëngyö keno igha, “Obhokama ubhwa Waryobha, mbonga kya ömöntö ono yaarë na ömöghöndö, akamuta nyinkyo shiri, ukughya kutuna abhantö abha okomokorra emeremo kö-möghöndö ughwaye ughwa emezabhibhu.

Mataayo 22:2

“Obhokama ubhwa Waryobha, mbonga kya omokama uwöndë ono yaakörrë inyangi iya ubhwenga ubhwa mura uwaaye.

Mataayo 23:13

“Haahö, bhare abhëëghya abha amaraghërryö agha Mosa, na bhëënyu Abhafarisaayo, bhëënyu m-baiköri mörë, ko bhoora igha, nkorebherra mörë abhantö okosoha mo-Bhokama ubhwa Waryobha kö amëëghyö aghëënyu. Bhëënyu abheene bhonswe temokosoha-mo hë. Kora mbe bhano bhakutuna okosoha, timukutigha bhasohe hë. [

Mataayo 25:1

Mbe, Yëësu akarëngërya abheegha abhaaye ëkërëngyö igha, “Ko-nkaagha iyö Obhokama ubhwa Waryobha, nerebha kya ëkërëngyö ikya abhahara ikömi bhano bhaaghëghirë setara isyabho bhakaghya kuturungʼana ömötëti.

Mataayo 25:14

Yëësu akaghëndërrya ukushumaasha na abheegha abhaaye, akabharëngërya ëkërëngyö ikyëndë igha, “Obhokama ubhwa Waryobha, mbonga ëkërëngyö ikya ömöntö ono yaarë na oroghendo. Ömöntö uyö enkaagha eno waanyöörrë ataraasimya oroghendo urwaye, akabherekera abhaghorwa abhaaye, akabhatwenera ëbhëntö ibhyaye bhyonswe igho bhabhimererre.

Mataayo 4:17

Ko-nkaagha iyö, Yëësu akasimya okoraarekera abhantö arabhatëëbhya igha, “Bhëënyu, ni-igha mohongore ëbhëbhë ibhyënyu, ko bhoora enkaagha iya Obhokama ubhwa Waryobha n-haangʼë ërë.”

Mataayo 4:23

Yëësu yaainaarrë ikyaro kyonswe igho ikya mo-mokowa ughwa Ghariraaya, yëëghyanga abhantö mu-sinyumba isya esango iya Abhayahudi. Akabha araraarekera abhantö Amangʼana Amaiya agha Obhokama ubhwa Waryobha, kora akabha arahwënia abharööyë bhonswe igho.

Mataayo 5:10

Nyakara bhano bhakoteeswa ko okokora bhono Waryobha akutuna, ko bhoora, m-bantö abha mo-Bhokama ubhwa Waryobha.

Mataayo 5:3

“Nyakara bhano bhaimanyirë igha mbaana obhohabhë na Waryobha, ko bhoora bhayö, na-bhantö bhano bharëngë mo-Bhokama ubhwa Waryobha.

Mataayo 6:10

Righonshe iryaho rehekerane, ko-kebhara kono, kya igho ërë mu-ryobha iyö.

Mataayo 6:33

Kasi bhëënyu keno nkobhatëëbhya ni-igha, mwighombenga bhököngʼu, Waryobha abhe Omokama uwëënyu na mobhe abhantö abha heene kya bhono akutuna. Mbe, hayö ho moraahaanwe na ibhyëndë bhyonswe igho bheno mukutuna.

Maariko 1:15

Hano yaaraarekanga, yaaghambanga igha, “Enkaagha eno yaaröötirwë, ihikirë. Obhokama ubhwa Waryobha n-haangʼë bhörë. Mbe, ni-igha mohongore ëbhëbhë ibhyënyu, na mukumi Amangʼana Amaiya ghayö.”

Maariko 1:4

Umuhiri uwa amangʼana uyö, yaabherekerwanga igha, Yohana Omobhatiisya. Mbe, Yohana uyö akaraarekera abhantö ku-riköngö iyö igha, bhahongore ëbhëbhë ibhyabho, bhabhitighe, bhabhatiisibhwi, okore Waryobha abhaabhere ëbhëbhë ibhyabho.

Maariko 6:12

Abheegha bhayö bhakatanora, bhakasimya okoraarekera abhantö igha bhahongore ëbhëbhë ibhyabho.

Ruuka 1:16

Narekora Abhaisiraëri abhaaru bhahonshokere Waryobha Omonene uwaabho.

Ruuka 11:20

Kasi obhotoro ubhwa Waryobha mbwo bhokoghera ndaata amasambwa, ku bhuyö hayö nkwörökya ërë igha, Obhokama ubhwa Waryobha, bhobhahëkërëëyë.

Ruuka 13:3

Ti-igho hë! Ndabhatëëbhya igha, kasi na bhëënyu bhonswe hano motaahongore ëbhëbhë ibhyënyu, m-buyöbhuyö murisikibhwa.

Ruuka 13:5

Ti-igho hë! Ndabhatëëbhya igha, hano motaahongore ëbhëbhë ibhyënyu, bhëënyu bhonswe m-buyöbhuyö murisikibhwa!”

Ruuka 15:10

“Ndabhatëëbhya igha, ni-ighoigho, kora Waryobha na abhamaraika abhaaye bhonswe igho, nkushomerwa bharë, hano ömöntö ömwë uwa ëbhëbhë, yaahongora ëbhëbhë ibhyaye.”

Ruuka 15:7

“Ndabhatëëbhya igha, ni-igho ërë mu-ryobha, hano ömöntö ömwë uwa ëbhëbhë, yaahongora ëbhëbhë ibhyaye. Ukushomerwa kuyö, n-konene okokera ukwa abhantö abha heene merongo kenda na kenda, bhano bhatatöniibhwi na okohongora ëbhëbhë ibhyaho.

Ruuka 16:30

“Umwamë uyö, akamohonshora igha, ‘Ti-igho hë Ibhurahimu, kasi ömöntö uwa ukurwera mo-bhaku eno, hano araabhahekeere, mbaraahongore ëbhëbhë ibhyaho.’

Ruuka 21:31

“Ni-ighoigho na amangʼana ghayö ghonswe igho mbatëëbhëri. Hano moremaaha ghareebhoka, momanye igha, Obhokama ubhwa Waryobha haangʼë bhörë.

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Ruuka 6:20

Yëësu akamaaherra abheegha abhaaye, akabhatëëbhya igha, “Nyakara bhano bhaana obhohabhë na Waryobha, ko bhoora bhayö, na-bhantö bhano bharëngë mo-Bhokama ubhwa Waryobha.

Ruuka 9:2

Akabhatoma bhaghende okoraarekera abhantö amangʼana agha Obhokama ubhwa Waryobha na ukuhwënia abharööyë.

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 17:30

Kare hayö, Waryobha yaaikörrë igha takomaaha amangʼana ghayö abhantö bhaakoranga, ko bhokangi ubhwabho ubhwa ukwanga komomanya. Kasi bhoono, nkötëëbhya arë abhantö bhonswe igho abha kera ahasë igha, bhahongore ëbhëbhë ibhyabho.

Amangʼana agha Abhatomwa 2:38

Peetero akabhatëëbhya igha, “Kera ömöntö mö-bhëënyu muyö, ahongore ëbhëbhë ibhyaye, abhatiisibhwi ku iriina irya Yëësu Kiristo, okore aabherwe, ahaanwe ituho eno ërëngë igha, nu-Mwika Ömöhörëëru.

Amangʼana agha Abhatomwa 20:21

Naatëëbhyanga Abhayahudi hamwë na Abhayunaani igha, bhahongore ëbhëbhë ibhyaho, bhaashe ku-Waryobha, bhakumi Yëësu Kiristo, Omonene uwëëtö.

Amangʼana agha Abhatomwa 26:20

Nkasimya ukwëghya abhantö abha Damasiko, nkaghya Yërusarëëmu, hano nkomara hayö, nkaghya Yudea na ko-Bhakyaro bhonswe. Bhonswe igho bhayö, naabhatëëbhyanga igha, bhahongore ëbhëbhë ibhyabho, bhabhe abhantö abha Waryobha. Bhakorenga amangʼana amaiya agha ukwörökya igha, bhahöngööyë ëbhëbhë ibhyabho.

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

2 Abhakörintö 7:10

Okobhaabhayera kono Waryobha akutuna, n-kono kokoreeta öbhöhöngöri ubhwa ëbhëbhë. Okohongora ëbhëbhë kya kuyö, të-këntö ikya ukwighwera obhoghogho hë, ko bhoora nkoreeta körë öbhöhönia. Kasi okobhaabhayera ukwa ko-kebhara kono, kuyö nu-ruku kokoreeta.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

2 Timoteo 2:25

Ni-igha akaaninga abhantö bhohaabhu igho bhano bhakumunyeera senkaani, okore hanga Waryobha akabhakora bhahongore ëbhëbhë ibhyabho, bhamanye obhoheene.

Abhaëbhuraania 6:1

Mbe, ku bhuyö ni-igha tutighe ukwikarra amëëghyö ghaara twaashumaashëëyë amangʼana agha Yëësu Kiristo ekembere, kasi töghëndërri ukwegha, tokambe tonaghe ku-mukumo. Totakaaghooterrwa ghwiki na amëëghyö ghaara agha okohongora amangʼana amaghogho, na agha umukumo ughwëtö ku-Waryobha.

2 Peetero 3:9

Abhantö abhandë nkokanya bharë igha, Omonene Waryobha nkotegheta arë okohekerania ghano yaaraghaini. Kasi obhoheene takotegheta hë. We nköghömërrya arë ko okoghera iya bhëënyu, ko bhoora takutuna igha, ömöntö kora ömwë, asire hë. Keno akutuna ni-igha, bhonswe igho bhahongore ëbhëbhë ibhyabho.

Okohonyora 2:21

Öni namohaana umweya, okore ahongore ëbhëbhë ibhyaye, kasi takutuna ukutigha obhosooraare ubhwaye hë.

Okohonyora 2:5

Muhiite ghano mwaakoranga haara mwaankumiri. Mohongore ëbhëbhë ibhyënyu, mokore kya ghaara mwaakörrë ko-nkaagha eera. Hano motaahongore ëbhëbhë ibhyënyu, nindiisha nduusi-ho eketangora ikyënyu ikya okotoora-ko setara.