Mataayo 3:16 - Imuuma Eehya

¹⁶ Ku bhuyö Yohana akabhatiisya Yëësu. Mbe, hano Yëësu yaaibhökirë ukurwa mo-manshë, tamaaha, mu-ryobha hakahonyoka, hayöhayö igho, Yëësu akamaaha Umwika uwa Waryobha araika kya ikighuuti, akamwikarra.

Mataayo 3:16 ပူးပေါင်းရင်းမြစ်များ

Maariko 1:10

Hano Yëësu yaaibhokanga ukurwa mo-manshë, akamaaha mu-ryobha hahönyökirë, na Umwika Ömöhörëëru akamwitoomera kya ikighuuti.

Yohana 1:51

Ho yaamarrë akamötëëbhya igha, “No-bhoheene nkobhatëëbhya igha, moremaaha mu-ryobha hahönyökirë, abhamaraika abha Waryobha bharariina na ukwika ku-öni Omoona uwa Ömöntö.”

Yohana 3:34

Ko bhoora Waryobha yaamötömirë, okore aghambe amangʼana agha Waryobha. Waryobha amohaayë Umwika Ömöhörëëru ono ataana ekerengere.

Amangʼana agha Abhatomwa 7:56

Mbe, akaghamba igha, “Momaahe! Nkomaaha ndë mu-ryobha hahönyökirë, na Omoona uwa Ömöntö, nikaayë bhoryo ubhwa Waryobha!”

1 Yohana 5:6

Yëësu Kiristo yaahonyorwa igha we m-Moona uwa Waryobha, ko enshera iya amanshë agha obhobhatiisyo ubhwaye, na ko-maanyinga agha ukukwa ukwaye. Tiyöörökëri ko obhobhatiisyo na amanshë ibhyene igho hë, kasi kora na ukwëtëkya amaanyinga aghaaye ko-mosarabha.