Mataayo 3:11 - Imuuma Eehya

¹¹ Ghwiki Yohana akabhatëëbhya igha, “Öni na amanshë nkobhabhatiisirya, ukwörökya igha, möhöngööyë ëbhëbhë ibhyënyu. Kasi aaho ömöntö ono akuusha nyuma iyaane, ono arebhabhatiisirya Umwika Ömöhörëëru na omorro. Ömöntö uyö, naana obhotoro konkera, kora tiningʼarëëyë okotashora siinuugha, isya ebheraatö ibhyaye hë.

Mataayo 3:11 ပူးပေါင်းရင်းမြစ်များ

Mataayo 3:6

Yohana akabhabhatiisya mo-mooro ughwa Yorodani, na eno bharaghamba harabhu igho ëbhëbhë ibhyabho.

Maariko 1:4

Umuhiri uwa amangʼana uyö, yaabherekerwanga igha, Yohana Omobhatiisya. Mbe, Yohana uyö akaraarekera abhantö ku-riköngö iyö igha, bhahongore ëbhëbhë ibhyabho, bhabhitighe, bhabhatiisibhwi, okore Waryobha abhaabhere ëbhëbhë ibhyabho.

Ruuka 1:17

Enkoro iyaaye na obhotoro ubhwaye, mberebha kya ibhya Ëriya. Naretangatera Omonene, okore amösëëmëri abhantö. Ko bhoora nareghera senkoro isya abhaibhöri sighwerrane na isya abhaana abhaabho. Narekora abhamangarru bhakyore ko-bhongʼaini ubhwa abhantö abha heene ko-Monene Waryobha.”

Ruuka 3:16

Yohana akabhahonshora igha, “Öni na-manshë nkobhabhatiisirya, kasi araasha ömöntö ono aana obhotoro konkera, kora öni tiningʼarëëyi okotashora siinuugha isya ebheraatö ibhyaye hë. Uyö narebhabhatiisya ku-Mwika Ömöhörëëru na omorro.

Ruuka 3:3

Yohana akainaaranaara ikyaro kyonswe igho ikya ëngëghëni iya omooro ughwa Yorodani. Akabha araraarekera abhantö igha, bhahongore ëbhëbhë ibhyabho, bhabhitighe, bhabhatiisibhwi, okore Waryobha abhaabhere ëbhëbhë ibhyabho.

Yohana 1:15

Yohana akaimererra amangʼana agha Yëësu, akakonga aratëëbhya abhantö bhayö igha, “Ono we naabhatëëbhyanga igha, ‘Araasha ömöntö nyuma yaane, omonene konkera, ko bhoora ho yaarë kora öni ntareebhorwa.’”

Yohana 1:30

Ono we naarë kobhatëëbhyanga igha, ‘Araasha ömöntö nyuma yaane, omonene konkera, ko bhoora ho yaarë kora öni ntareebhorwa.’

Amangʼana agha Abhatomwa 1:5

Yohana na-manshë yaabhatiisiiyi abhantö, kasi bhëënyu, m-böngö hano moraabhatiisibhwi ku-Mwika Ömöhörëëru.”

Amangʼana agha Abhatomwa 19:4

Mbe, Pauro akabhatëëbhya igha, “Yohana yaabhatiisyanga abhantö bhano bhaarenga bhahöngööyë ëbhëbhë ibhyaho. Akabhatëëbhya igha, bhakumi ono ariisha. Ömöntö uyö, n-Yëësu.”

Amangʼana agha Abhatomwa 8:36

Hano bhaaghendanga ko-nshera kuyö, bhakahika ahasë hano haarenga na amanshë. Omotabhuti uwa umuhyö mo-ketende uyö, akatëëbhya Firipö igha, “Maaha, amanshë n-gaayö hayö! Otambatiisya ndarra amanshë n-gaayö hayö?” [

Amangʼana agha Abhatomwa 8:38

Omonene uyö akahamera ekeghaari kyemerre. Mbe, bhonswe igho bhabhërë bhakaika ukurwa mo-keghaari, bhakaghya mo-manshë. Firipö akamobhatiisya.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Tiito 3:5

Ti-igha öbhöntö ubhwa heene ubhwëtö, mbo bhwaaghërrë akatokorra ghayö, kasi n-ko okoghera iya ikyabhera ikyaye, nkyo kyaaghërrë akatokorra igho. Atosaabhuurrë obhoghogho ubhwëtö, kuyö nko ukwebhorwa bhohya. Ghwiki atohaayë öbhöhöru bhohya okohetera ku-Mwika Ömöhörëëru.

1 Peetero 5:5

Ghwiki na bhëënyu abhamura, ni-igha mosooke abhaghaaka abha ekanisa. Bhëënyu bhonswe igho abhaghaaka na abhamura, ighoigho. Mobhe abhantö abhahaabhu, mutighinkaneranenga. Mokore igho, ko bhoora Amaandeko Amahörëëru gharaghamba igha, “Waryobha nkwanga arë abhantö bhano hakwiheema, kasi örööbhö urwaye na-bhahaabhu akohaana.”