Mataayo 28:9 - Imuuma Eehya

⁹ Mbe, hano bhaaghyanga ökötëëbhya abheegha abha Yëësu, tamaaha, bhakasikana na Yëësu. Yëësu akabhakëërya igha, “Mwaraayë.” Bhakasuntarra Yëësu, bhakamosaasaama ko okomoghoota ko-maghörö.

Mataayo 28:9 ပူးပေါင်းရင်းမြစ်များ

Mataayo 14:33

Abheegha abha Yëësu bhaara bhaatighaayë mu-bhwato, abheene bhonswe bhakasengerra Yëësu. Bhakaghamba igha, “M-maheene m-Moona uwa Waryobha örë.”

Mataayo 23:7

Ghwiki nkutuna bharë bhököngʼu bhasookwenga na abhantö ko okobhakëërya mo-meteera, na ökötöönibhwa igha ‘Raabhi.’

Mataayo 28:10

Yëësu akabhatëëbhya igha, “Motakoobhoha. Moghende mötëëbhi abhahiiri abhaane igha, bhaghende mo-mokowa ughwa Ghariraaya, iyö yo toraasikane.”

Mataayo 28:17

Hano bhaarööshë Yëësu, bhakamosaasaama, kasi abhandë tebhaarenga na obhoheene igha n-Yëësu.

Mataayo 28:8

Mbe, abhakari bhayö bhakatanora bhöngöbhöngö ukurwa mo-mbeehera hayö, na eno bhashömëëywë bhököngʼu, kasi bhaana entarëki. Bhakakenyera këmwë ukughya ökötëëbhya abheegha abha Yëësu ghaara maraika uyö yaabhatëëbhëri.

Ruuka 1:28

Mbe, maraika akaghya ko-Maryamu, akamötëëbhya igha, “Ndakökëërya uwe ono wangʼoorwa. Omonene Waryobha hamwë arë na uwe.”

Ruuka 24:52

Bhakamosengerra hayö. Bhakakyora Yërusarëëmu bhashömëëywë bhököngʼu.

Ruuka 7:38

Omokari uyö akaimerra nyuma, haangʼë na amaghörö agha Yëësu. Hano yaakuuranga, amaisöri aghaaye ngatoonyeranga Yëësu ko-maghörö, akabha aragheeyera situukya isyaye. Akabha aramuumunta amaghörö agha Yëësu na okoghahaka amaghuta ghano ghakurumbaasa bhuuya.

Yohana 12:3

Mbe, Maryamu akaghegha inshubha iya amaghuta agha öbhöghöri obhonene agha ikirumba ikiiya, akahaka Yëësu ko-maghörö, akamweya ko-maghörö na situukya isyaye. Inyumba yonswe igho, ekeeshora ikirumba ikiiya ikya amaghuta ghayö.

Yohana 20:19

Abheegha abha Yëësu bhaaikomaini hamwë mu-nyumba, omoghoroobha ughwa urusikö ruyöruyö. Bhakasiika-ho ebhesaku, ko bhoora bhoobhohanga abhatangati abha Abhayahudi. Mbe, mbaatöökëëyë Yëësu aimërëëyë ghatëghatë iyaabho, akabhatëëbhya igha, “Mobhe na omorembe bhamurë.”

Yohana 20:28

Toomasi akamohonshora igha, “Omonene uwaane na Waryobha uwaane!”

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

Okohonyora 3:9

Motamaaha! Nendaakohaane abhasoorani abha inyumba iya esango iya Oghosambwa, bhano bhakwibherekera igha m-Bayahudi nabho te-Bhayahudi hë, kora m-barongo. Mbe, nendaabhakore bhaashe bhabhatemere hansë ibhiru. Ho bhayö bhonswe igho bhareemanya igha, öni nembahanshirë.