Mataayo 27:51 - Imuuma Eehya

⁵¹ Tamaaha, kamwë igho ripazia reno ryaarebherranga ku-nyumba iya Waryobha haara, rekatandoka mabhaara abhërë ukurwa kighörö rekahekera hansë. Kekabha-ho ikirighiti ekenene, kora amatare ghakabhaaroka.

Mataayo 27:51 ပူးပေါင်းရင်းမြစ်များ

Mataayo 27:54

Hano omonene uwa abhasirikare hamwë na bhano bhaarendanga Yëësu bhaaighuurë ikirighiti na okomaaha ghaara ghaaikörrë, bhakoobhoha bhököngʼu, bhakaghamba igha, “M-maheene ömöntö ono, m-Moona uwa Waryobha yaarë.”

Mataayo 28:2

Tamaaha, ikirighiti ekenene kekaheta. Maraika uwa Omonene Waryobha akarwa mu-ryobha, akahika ko-mbeehera, akahingira reghena reera, akaretoora mbareka, akaikara-ko.

Maariko 15:38

Mbe, ripazia reno ryaarebherranga mu-nyumba iya Waryobha, rekatandoka ukurwa kighörö rekahekera hansë, rekabha amabhaara abhërë.

Ruuka 23:47

Hano omonene uwa abhasirikare bhayö yaarööshë ghayö, akatöönia Waryobha na eno araghamba igha, “Okoghamba obhoheene, ömöntö ono n-wa heene yaarë ku-Waryobha.”

Abhaëbhuraania 6:19

Ntoona ubhweseghe mo-senkoro, bhono bhonga kya insika, eno ekoghooterra iryato retakaahirwa na rikama. Ubhweseghe bhuyö nkoheta bhörë mwi-pazia bhosoha Ahasë Ahahörëëru aha Ahahörëëru aha mu-ryobha.

Abhaëbhuraania 9:3

Ripazia irya mu-righutu muyö, ryaahokanianga Ahasë Ahahörëëru hayö na ikinyumba ikya kabhërë, keno kekobherekerwa igha, Ahasë Ahahörëëru aha Ahahörëëru.

Okohonyora 11:13

Enkaagha iyöiyö, kekabha-ho ikirighiti ekenene, kora rokasareka orobhaara örömwë urwa ikömi urwa umughi ghonswe igho. Kirighiti kiyö, kyaaghërrë abhantö ëbhëkwë muhungatë, bhakakwa na abhandë bhonswe igho bhano bhaatighaayë, bhakoobhoha, bhakatöönia Waryobha uwa mu-ryobha.

Okohonyora 11:19

Mbe, ekesaku ikya okosohera mu-risengerro irya Waryobha mu-ryobha iyö, kekeghorwa. Risandeko irya Imuuma iya Waryobha, rekamaahekana mu-nyumba iya Waryobha. Nkamaaha örömësyö na nkaighwa ikirumo ikya enkobha. Ikyaro kekarighita, ekatwa imbura iya righörö ririto.