Mataayo 26:74 - Imuuma Eehya

⁷⁴ Peetero akaanga bhörrö, akaihiimirrya na ukutyana igha, “M-maheene ömöntö uyö temomanyirë hë.” Hake igho, sekaraghora.

Mataayo 26:74 ပူးပေါင်းရင်းမြစ်များ

Mataayo 10:28

Motakoobhoha abhantö. Keno bhakotora ukwita, nö-möbhërë ughwënyu ughwene igho, kasi tebhakotora ukwita öbhöhöru ubhwa umwika ughwënyu hë. Waryobha we uwa ukwobhoha, ko bhoora umwene aratora ukusikya ömöbhërë na umwika ughwa ömöntö mo-morro ghotakurima.

Mataayo 26:34

Yëësu akamohonshora igha, “No-bhoheene nkökötëëbhya igha, noraashe unyikaane katatö setaraaraghora.”

Mataayo 26:73

Hake igho abhantö bhano bhaarenga bhaimërëëyë hayö, bhakaghya haangʼë na Peetero. Bhakamötëëbhya igha, “M-maheene igha uwe wonswe, nö-ömwë uwa abhantö bhayö, ko bhoora obhoghambi ubhwaho umwene nkwörökya bhörë bhuuya igha, m-Moghariraaya örë.”

Mataayo 26:75

Mbe, Peetero akahiita amangʼana ghaara Yëësu yaamötëëbhëri igha, “Noraashe unyikaane katatö setaraaraghora.” Akarishoka kebhara, akakuura bhököngʼu.

Mataayo 27:25

Abhantö bhonswe igho bhakamohonshora igha, “Risoro riyö irya ukwita Yëësu, tigha rebhe kö-bhëëtö, na ko-bhaana abhëëtö.”

Maariko 14:30

Yëësu akamötëëbhya igha, “No-bhoheene nkökötëëbhya igha, noraashe unyikaane katatö, setaraaraghora urwa kabhërë ubhutikö ubhwa reero.”

Maariko 14:68

Kasi Peetero akaanga igha, “Ghayö okoghamba, öni tengamanyirë kora hake hë!” Akaghya mu-kihiita ikya righari. Enkaagha iyöiyö, sekaraghora.

Ruuka 22:60

Kasi Peetero akamohonshora igha, “Mora, ghayö okoghamba, öni tengamanyirë hë!” Kora ataraahikya umunywa ghuyö igho sekaraghora, kokoriii kooo.

Yohana 18:27

Peetero akaikaana ghwiki igha, “Tö-öni hë.” Këmwë igho, sekaraghora.

Abharuumi 9:3

ko okoghera iya abhantö abha ikyaro ikyëtö. Ekaabhaayë-ho enshera, öni nenkaaikërëëyi nihiimwe, ntighane na Kiristo, okore abhantö abha ikyaro ikyëtö, bhakumi Yëësu Kiristo.

1 Abhakörintö 16:22

Ömöntö wowonswe ono atahanshirë Omonene Yëësu Kiristo, aihiimwe. Maranata!

Okohonyora 3:19

Nkokaania ndë na ukuhiinya bhano nhanshirë. Mbe, mokore omotono ughwa okohongora ëbhëbhë ibhyënyu.