Mataayo 26:61 - Imuuma Eehya

⁶¹ bhakaghamba igha, “Ömöntö ono yaaghambirë igha, ‘Ndatora okotemora inyumba iya Waryobha mmare ngehaghaashe ku-sinsikö isatö igho.’”

Mataayo 26:61 ပူးပေါင်းရင်းမြစ်များ

Mataayo 12:24

Hano Abhafarisaayo bhaaighuurë amangʼana ghayö, bhakaghamba igha, “Ömöntö ono keno kekoghera araata amasambwa, n-ko bhoora Bhërizëbhuri, oghonene ughwa amasambwa, ghwaamohaana obhotoro ubhwa okokora igho.”

Mataayo 26:62

Mbe, omonene uwa abhasëngëri akemerra, akabhöörya Yëësu igha, “Kanaa, tokohonshora engʼana yoyonswe eera ko ghano bhano bhakukushongera hë?”

Mataayo 26:71

Mbe, Peetero akarwa hayö, akaghya ku-kihiita. Ömököri uwöndë uwa emeremo uwa ekekari akamaaha Peetero, akatëëbhya abhantö bhano bhaarë hayö igha “Ömöntö ono hamwë yaarë na Yëësu uwa Nazarëëti.”

Mataayo 27:40

Bhaamötëëbhyanga igha, “Kanaa, tu-uwe waaihashanga igha nokaatëmööyë inyumba iya Waryobha, omare oghehaghaashe ku-sinsikö isatö igho? Mbe, nyoore m-Moona uwa Waryobha örë, itöörya umwene, iika urwe ko-mosarabha kuyö.”

Mataayo 27:5

Mbe, Yuuda akarekera seehera seera mu-nyumba iya Waryobha. Akarwa hayö, akaghya kwingʼenta.

Maariko 14:58

“Twaaighuurë ömöntö ono araghamba igha, ‘Ndatora okotemora inyumba iya Waryobha eno yaahaghaashwa na abhantö, mmare nhaghaashe iyëndë ku-sinsikö isatö igho, eno etakohaghaashwa na abhantö.’ ”

Maariko 15:29

Abhantö bhano bhaahetanga hayö, mbaasingisyanga emetwe ighyabho, eno bharamushabhura. Bhaamötëëbhyanga igha, “Kanaa, tu-uwe waaihashanga igha nokaatëmööyë inyumba iya Waryobha, omare oghehaghaashe ku-sinsikö isatö igho?

Ruuka 23:2

Bhakasimya ukumushongera bharaghamba igha, “Ntunyöörrë ömöntö ono, arasarya ikyaro ikyëtö, kora arakaania abhantö bhatakaghoota righööti irya Kaisaari. Na araibherekera igha, we Kiristo omokama.”

Yohana 9:29

Ntomanyirë igha Waryobha yaashumaashirë na Mosa, kasi ömöntö uyö tetomanyirë hano yaarwa hë.”

Amangʼana agha Abhatomwa 17:18

Mbe, Pauro akahomerana na abhamanyi abha rikomo irya idiini ya Ikiepikureo na Ikisitoiko, bhakanyeerana senkaani. Abhandë bhakaghamba igha, “M-mangʼana kë ghano umwibhamböku ono akoghamba?” Abhandë bhakaghamba igha, “Eramaahekana igha, m-biwaryobha ibhya ikyaro ikyëndë akushumaashera.” Mbaaghambirë igho, ko bhoora Pauro yaabharaarëkëëyë Amangʼana agha Yëësu, na agha ukuryoka ukwa abhaku.

Amangʼana agha Abhatomwa 18:13

Bhakaghamba igha, “Twishirë ukushongera ömöntö ono, ko bhoora aköngʼënërrya abhantö igha, bhasaasaamenga Waryobha, ko-teemo eno etakorengerrania na amaraghërryö aghëëtö.”

Amangʼana agha Abhatomwa 22:22

Abhantö bhayö, mbaamwitegherranga bhuuya okohekera hano yaaghambirë engʼana iya Abhakyaro. Hayö bhoono bhakashaghana bharaghamba igha, “Aitwe! Ömöntö kya ono, taingʼarëëyë okobha-ho hë!”