Mataayo 26:52 - Imuuma Eehya

⁵² Kasi Yëësu akamötëëbhya igha, “Kyörya umushonge ghuyö mu-kishööghö, ko bhoora abhantö bhonswe igho bhano bhakokenyerra imishonge, ni-mishonge gherebhaita.

Mataayo 26:52 ပူးပေါင်းရင်းမြစ်များ

Mataayo 5:39

Kasi öni ndabhatëëbhya igha, motakaakorra ömöntö bhoghogho ko bhoora igha yaabhakorra obhoghogho. Ndabharëngërya igha, hano ömöntö akötëmirë öröhë ko-mboto iya bhoryo, musyörri na emboto iya bhömösi yonswe ateme.

Abharuumi 12:19

Abhaghonshe abhaane, motakaahaka ikisiiyomba, moteghere Waryobha umwene ahake. Nkoghamba ndë igho, ko bhoora Omonene Waryobha yaaghambirë mo-Maandeko Amahörëëru igha, “Nö-öni nkohaka ikisiiyomba.”

1 Abhatësarönikë 5:15

Mwangarre, ömöntö wowonswe oora atakaahaka murikyaye obhoghogho ko-ngʼana engogho eno oraanyoore amökörëëyë. Kasi senkaagha syonswe igho, mokorranenga ubhwa heene bhëënyu abheene ko abheene na okokorra igho abhantö bhonswe igho.

1 Peetero 3:9

Motakaahakanga ikisiiyomba ko abhantö, handë okotoka ömöntö ono akötökirë, kasi engʼana inshiiya ko-bhantö kya bhayö, no-kobhakorra ubhwa heene. Ghayö ngo mwaabherekerrwa igha mokore, okore mongʼoorwe.

Okohonyora 13:10

Ömöntö ono yaaitengʼerwanga igha agheghwe këghötërëëyë, naregheghwa këghötërëëyë. Ömöntö ono yaaitengʼerwanga igha aitwe na umushonge, nariitwa na umushonge. Ku bhuyö ni-igha abhantö abha Waryobha, bhaghömërri inyaanyi iyö, na bhaghëndërri okobha na umukumo.

Okohonyora 16:6

Ko bhoora igha, abhantö abhaghogho bhaaitirë abhantö abhaaho na abharööti abhaaho, uwe Waryobha obhashibhiri ko okobhahaana amaanyinga, bhanywe. Ubhushibhu bhuyö, mbobhaingʼarëëyë!”