Mataayo 26:41 - Imuuma Eehya

⁴¹ Mwiyangarre, na mosaasaame Waryobha, okore motakaashe mushaashwe. Enkoro eratora ököghömërrya ukushaashwa, kasi inyanko, nö-möbhërë.”

Mataayo 26:41 ပူးပေါင်းရင်းမြစ်များ

Mataayo 24:42

Ku bhuyö mwiyangarre, ko bhoora motamanyirë urusikö urwa ukukyora ukwane öni Omonene uwëënyu.

Mataayo 25:13

Yëësu akaghëndërrya ökötëëbhya abheegha abhaaye igha, “Mbe, ku bhuyö ni-igha mwiyangarre, ko bhoora motamanyirë urusikö, handë enkaagha iya ukukyora ukwane öni Omoona uwa Ömöntö.”

Mataayo 26:38

Ho yaamarrë, akabhatëëbhya igha, “Enkoro iyaane ebhaabhayëëyë bhököngʼu, kya hano nkaakwa. Mwikare hano, mwiraarerre hamwë na öni.”

Mataayo 6:13

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Maariko 14:38

Mwiyangarre, na mosaasaame Waryobha, okore motakaashe mushaashwe. Enkoro eratora ököghömërrya ukushaashwa, kasi inyanko, nö-möbhërë.”

Ruuka 11:4

Utwabhere ëbhëbhë ibhyëtö, kya bhono tukwabhera bhano bhakotosarrya. Otakaatohatërrya mo-mashaashyo, [kasi ötötöörri ko-mashaashyo agha Omoghogho oora].’ ”

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Ruuka 22:40

Na hano yaahikirë ku-nguku kuyö, akabhatëëbhya igha, “Mosaasaame Waryobha, okore motakaashaashwa.”

Ruuka 22:46

Akabhabhöörya igha, “N-kwakë moraayë? Mobhooke! Mosaasaame Waryobha, okore motakaashaashwa.”

Ruuka 8:13

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

1 Abhakörintö 10:13

Amashaasho ghano mwaanyoora, n-kya ghano abhantö abhandë bhakunyooranga. Kasi momanye igha, Waryobha uwa heene, taatighe mushaashwe okokera obhotoro ubhwënyu. Hano mwashaashwa, Waryobha nkobhahaana arë obhotoro ubhwa ököghömërrya na enshera iya ukurwa-mo.

1 Abhakörintö 16:13

Mwiraarerrenga, mokarehe kora monaghe bhököngʼu ku-mukumo ughwënyu.

1 Abhakörintö 9:27

Kasi nö-möbhërë ughwane nkunyankya, kora ndairebherra, okore ntakaasha okomara okoraarekera abhandë, öni umwene nangwe.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

1 Peetero 4:7

Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.

1 Peetero 5:8

Mwiraarerre, mobhe maiso nkaagha syonswe igho, ko bhoora umubhisa uwëënyu, Oghosambwa, nkwinaaranaara ghörë kya ëndwë eno ikuruma, eratuna ömöntö yaakere.

2 Peetero 2:9

Ku bhuyö momanye igha, Omonene Waryobha namanyirë enshera iya ökötöörya abhantö abhaaye, bharwe mo-mashaashyo. Kora ghwiki namanyirë bhono arishibhya abhakora amaghogho, urusikö urwa okobhabhotorra ikiina.

Okohonyora 16:15

Omonene Yëësu araghamba igha, “Momaahe! Nindiisha kya bhoora umwibhi akuusha igho atarëkëëyë amangʼana. Yaamara okongʼoorwa ömöntö ono akwiraarerra eno aibhöhirë singibho isyaye bhuuya, okore atakaasha okoghenda kengʼaabhi na ökösöökërribhwa mo-bhantö.”

Okohonyora 3:10

Enkaagha iya inyanko niriisha ko-kebhara kyonswe igho, na abhantö bhonswe igho mbarishaashwa. Kasi bhëënyu, nendebharenda ko-nkaagha iyö, ko bhoora mwaaghömërrya inyaanyi kya bhoora naabharaghërrëëyi.