Mataayo 26:24 - Imuuma Eehya

²⁴ Öni Omoona uwa Ömöntö, nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Ömöntö uyö, nyakara atakaaibhööywë.”

Mataayo 26:24 ပူးပေါင်းရင်းမြစ်များ

Mataayo 18:7

Haahö, bhëënyu abhantö abha ko-kebhara kono, ko bhoora amangʼana agha ukutimba, ngariisha. Amangʼana agha ukutimba ghayö, ni-igha ghaashe, kasi haahö, kö-möntö ono arereeta amangʼana agha ukutimba ghayö.

Mataayo 26:31

Mbe, ho Yëësu yaamarrë, akatëëbhya abheegha abhaaye igha, “Bhëënyu bhonswe igho, moraashe mongʼose muntighe öni umwene ubhutikö ubhwa reero. Neraabhe kya bhoora Waryobha yaaghambirë mo-Maandeko Amahörëëru igha, ‘Nendaateme omonaghya, amangʼöndi ghanyaraghane.’”

Mataayo 26:54

Bhoono hano ndaakore igho, ghaara ghaandekwa mo-Maandeko Amahörëëru, iyakë gharaahekerane?”

Mataayo 26:56

Kasi bhoono ghano ghonswe igho ghabhaayë, okore amangʼana agha ömörööti ghaara gharëngë mo-Maandeko Amahörëëru ghahekerane.” Mbe, abheegha abhaaye bhonswe igho bhakangʼosa.

Maariko 14:21

Öni Omoona uwa Ömöntö nendaaitwe kya igho yandëkirwë mo-Maandeko Amahörëëru. Kasi haahö, ömöntö ono araannyeere inikö. Nyakara hano ömöntö uyö atakaaibhööywë.”

Maariko 9:12

Yëësu akabhahonshora igha, “Obhoheene ni-igha Ëriya nakaaishirë mbere asëëmi ghonswe igho. Nokaanyoora ni-igho ërë, kasi n-kwakë yandëkirwë mo-Maandeko Amahörëëru igha, ‘Omoona uwa Ömöntö narinyoora inyaanyi bhököngʼu kora aserwe?’

Ruuka 22:22

Öni Omoona uwa Ömöntö nendaaitwe, kya bhono Waryobha yaamara ökösëëmya. Kasi ono araannyeere inikö, haahö.”

Ruuka 24:46

Akabhatëëbhya igha, “Yandëkirwë igha, Kiristo narinyankibhwa igho akwe. Na urusikö urwa katatö, nariryoka ukurwa mo-bhaku.

Yohana 17:12

Hano naarenga hamwë nabho, naabharendanga ko obhotoro ubhwa iriina iryaho reno wangʼaana. Nkabhanaghya bhuuya, taaho kora ömwë ono yaasira mo-bhayö, kasi n-ditamwe irya ukusira reera iryene igho, okore Amaandeko Amahörëëru ghahekerane.

Yohana 19:24

Mbe, bhakateebhania igha, “Tetokaatandora engansho eno, kasi tokore ekekoobhwe, tomaahe igha, ni-iya wë eraabhe.” Ghayö ngaaikörrë igho, okore ghahekerane ghano ghaandëkirwë mo-Maandeko Amahörëëru igha, “Bhaatwenaini singibho isyane, bhakakorra engansho iyaane ekekoobhwe.” Ni-igho abhasirikare bhayö bhaakörrë.

Yohana 19:28

Mbe, okanyoora Yëësu amarrë okomanya igha amangʼana ghonswe igho, bhoono ghahööyë, ku bhuyö akaghamba igha, “Ndaighwa inyonta.” Yaaghambirë igho okore ghahekerane ghano ghaandëkirwë mo-Maandeko Amahörëëru.

Amangʼana agha Abhatomwa 2:23

Yëësu uyö, yaarëëtirwë kö-bhëënyu, ko bhono Waryobha yaamanyirë, na kya bhono yaatunanga ukurwa okosemoka. Kasi bhëënyu mokamohaneka ko-mosarabha, mokamwita, ko okohetera ko-bhantö bhano bhatarë Abhayahudi.

Amangʼana agha Abhatomwa 28:23

Ku bhuyö bhakaikererrania urusikö rono bhakaasikaini mu-nyumba eno Pauro yaaikaranga-mo. Hano urusikö ruyö rwaahikirë, Abhayahudi bhayö bhakaasha abhaaru haara Pauro yaamënyirë. Pauro akabharaghërrya bhuuya amangʼana agha Obhokama ubhwa Waryobha, ukurwa nyinkyo, okohekera omoghoroobha. Arashaashya abharute ko-nshera iya amaraghërryö agha Mosa, na mo-bhetabho ibhya abharööti okore bhakumi Yëësu.

Amangʼana agha Abhatomwa 4:28

Amangʼana ghayö bhakörrë, ngo waatunanga ukurwa okosemoka igha ghabhe. Kora waaghatangatirë ko obhotoro ubhwaho.

1 Abhakörintö 15:3

Amëëghyö agha ubhwera obhonene ghano naahaaywë naabhëëghya igha, Kiristo yaakuurë ko okoghera iya ëbhëbhë ibhyëtö, kya bhono Amaandeko Amahörëëru ghakoghamba.