Mataayo 26:18 - Imuuma Eehya

¹⁸ Yëësu akabhahonshora igha, “Moghende mu-mughi ghuyö, mötëëbhi rebhe igha, ‘Umwëghya atötömirë. Araghamba igha, “Enkaagha iyaane haangʼë ërë. Öni ndatuna nnyeere ibhyakorya ibhya Epasaka mu-nyumba iyaaho hamwë na abheegha abhaane.”’”

Mataayo 26:18 ပူးပေါင်းရင်းမြစ်များ

Mataayo 21:3

Hano ömöntö wowonswe igho araabhabhööri igha, ‘Hai mukuhira sitikërë siyö?’ Bhëënyu momohonshore igha, ‘Omonene we akusituna.’ Hano moraamohonshore igho, naraaikërri muushe nasyo.”

Mataayo 23:10

Motakaikërrya abhantö bhabhabherekere igha, ‘Umwëghya’ ko bhoora umwëghya uwëënyu nö-ömwë umwene igho, Kiristo.

Mataayo 23:8

“Kasi bhëënyu motakaikërrya abhantö bhabhabherekere igha, ‘Raabhi.’ Ko bhoora Umwëghya uwëënyu nö-ömwë, na bhëënyu bhonswe igho m-bamwë mörë.

Mataayo 26:19

Abheegha bhayö bhakaghya, bhakakora kya bhoora Yëësu yaabharaghërrëëyi, bhakasëëmya ibhyakorya ibhya Epasaka.

Mataayo 26:2

“Kya bhono bhëënyu bhonswe momanyirë igha, syaatighaayë sinsikö ibhërë igho, inyangi iya Epasaka ebhe. Ho bhoono öni Omoona uwa Ömöntö, ndaatoorwe mu-bhitaano ibhya abhabhisa abhaane, mbarinnyeera inikö, okore nhanekwe ko-mosarabha.”

Mataayo 26:49

Hake igho, Yuuda akaghya ku-Yëësu akamobherekera igha, “Raabhi!” Akamwibhaara.

Maariko 5:35

Hano Yëësu yaarenga akishumaasha na omokari uyö, abhantö bhakaasha ukurwa wa Yairo, omonene uwa inyumba iya esango iya Abhayahudi, bhakamötëëbhya igha, “Yairo, tatigha ukunyankya umwëghya, mwisëkë uwaaho amarrë ukukwa.”

Ruuka 22:53

N-hamwë twaarëköghösöryanga sinsikö syonswe mo-bhogho ubhwa risengerro irya Waryobha, na temwankuniri hë, kasi bhoono, eno yo enkaagha iyëënyu, na iya obhosarya.”

Yohana 11:28

Hano Maarita yaamarrë okoghamba ghayö, akaghya okobherekera Maryamu mohara uwaabho, akakora nawe righara, akamötëëbhya igha, “Umwëghya aishirë n-hano arë, arakobherekera.”

Yohana 12:23

Yëësu akabhahonshora igha, “Enkaagha ihikirë iya Omoona uwa Ömöntö okohaanwa ubhuhika.

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 17:1

Hano Yëësu yaamarrë okoghamba amangʼana ghayö ghonswe igho, akagharamera mu-ryobha, akasaasaama igha, “Bhoono Taata enkaagha ihikirë. Örökya abhantö ubhuhika ubhwa Omoona uwaaho, okore na öni Omoona uwaaho, nöröki abhantö ubhuhika ubhwaho kya igho bhörë.

Yohana 20:16

Yëësu akamobherekera iriina iryaye igha, “Uwe Maryamu!” Maryamu akaisyörya, akamaaha Yëësu, akaghamba ku-Kiëbhuraania igha, “Rabhöni!” Ensonga iyaamo ni-igha, umwëghya.

Yohana 7:30

Ku bhuyö bhakatuna igha bhamoghoote, kasi taaho ömöntö ono yaamöghöötirë hë, ko bhoora enkaagha iyaaye, tiyaarenga eraahika hë.

Yohana 7:6

Mbe, Yëësu akabhahonshora igha, “Enkaagha iyaane iya ukughya iyö, teraahika hë, kasi bhëënyu moratora ukughya enkaagha yoyonswe igho.

Yohana 7:8

Mutiire bhëënyu abheene ukughya Yërusarëëmu ku-nyangi. Öni tinkughya ku-nyangi iyö hë, ko bhoora enkaagha iyaane teraabha hë.”