Mataayo 26:13 - Imuuma Eehya

¹³ No-bhoheene nkobhatëëbhya igha, ahasë honswe igho hano Amangʼana Amaiya ghararaarekwenga ko-kebhara kono, engʼana eno omokari ono ankörëëyë, yonswe neraghambwenga, ko okomoheetoka.”

Mataayo 26:13 ပူးပေါင်းရင်းမြစ်များ

Mataayo 24:14

Kora ghwiki ni-igha, Amangʼana Amaiya agha Obhokama ubhwa Waryobha, ngareraarekwa ko-kebhara kyonswe igho, okore ghabhe kya ubhwimërërri ku-bhyaro bhyonswe igho. Hayö bhoono, ho urusikö urwa umuhiko rurihika.

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Maariko 13:10

Kasi Amangʼana Amaiya, ni-igha gharaarekwe ku-bhyaro bhyonswe igho tangata, umuhiko ghotaraahika.

Maariko 14:9

No-bhoheene nkobhatëëbhya igha, ahasë honswe igho, hano Amangʼana Amaiya ghararaarekwenga ko-kebhara kono, engʼana eno omokari ono ankörëëyë, yonswe neraghambwenga, ko okomoheetoka.”

Maariko 16:15

Akabhatëëbhya igha, “Moghende ko-kebhara kyonswe igho, moraarekere abhantö bhonswe igho Amangʼana Amaiya.

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Amangʼana agha Abhatomwa 10:4

Körönëriö akamaaherra maraika uyö na eno aroobhoha. Akamöbhöörya igha, “Omonene, kana n-kë?” Maraika uyö akamötëëbhya igha, “Okosaasaama ukwaho na ökösërëënia abhatöbhu, kobhaayë ikimwenso ikya okoheetokwa na Waryobha.

Abharuumi 10:18

Kasi tigha mbööri-ko engʼana igha, Abhaisiraëri mbataighuurë amangʼana ghayö? M-maheene igha, mbaaighwa, ko bhoora Amaandeko Amahörëëru nkoghamba gharë igha, “Amangʼana aghaabho ghaaromaini ekebhara kyonswe igho, na amangʼana aghaabho ghayö, ngaaghëëyë igho ghakahika kya bhono ekebhara këhëkëëyë.”

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

1 Timoteo 2:6

Yëësu uyö, yaairuusiri umwene igha akwe, okore atunguri abhantö bhonswe igho. Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

Okohonyora 14:6

Mbe, nkamaaha maraika uwöndë araibhurruka ighörö iyö. Maraika uyö, yaarë na Amangʼana Amaiya agha amakora ghonswe igho, agha ökötëëbhya abhantö bhonswe igho abha ko-kebhara kono, abha ibhyaro bhyonswe igho, amakabhira ghonswe igho, abha ebheghambo bhyonswe igho, na abha sihiiri syonswe igho.