Mataayo 24:9 - Imuuma Eehya

⁹ Ko-nkaagha iyö, abhantö mbarebhaghoota, bhabhateese na okobhaita, na abhantö abha ibhyaro bhyonswe igho, mbarebharegha ko okoghera igha, m-basoorani abhaane mörë.

Mataayo 24:9 ပူးပေါင်းရင်းမြစ်များ

Mataayo 22:6

Na abhandë bhakaghoota abhaghorwa bhaara, bhakabhatema kora bhakabhaita.

Mataayo 23:34

“Ko okoghera iya amangʼana ghayö, tamaaha, nendaatome abharööti, abhantö abhangʼaini na abhëëghya abha amaraghërryö agha Mosa. Abhandë moraabhaite, na okobhahaneka ko-mesarabha. Abhandë moraabhateme imishariti mu-sinyumba isya esango iyëënyu. Abhandë moraabhashobherenga kera umughi ghono bhakughya, okore mobhateese.

Ruuka 11:49

“Kiyö nkyo kyaaghërrë Waryobha ko-bhongʼaini ubhwaye, akaghamba igha, ‘Nendaabhaherre abhatomwa na abharööti, kasi abharööti abhandë, mbaraaitwe, na abhandë mbaraateeswe.’

Ruuka 21:12

“Kasi enkaagha eno urinyoora ghayö ngambirë hayö ghataraabha, mmoreghootwa munyankibhwi, mbarebhahira mu-sinyumba isya esango iya Abhayahudi, kora mobhohwe mo-kebhohe. Mbarebhahira ko-bhakama na ko-bhatöngi, ko bhono igha, m-basoorani abhaane mörë.

Yohana 15:18

Yëësu akaghëndërrya ököbhëëghya igha, “Nyoore abhantö abha ko-kebhara kono mbabharegha, momanye igha, nö-öni bhaatangata okoregha.

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Yohana 16:2

Abhantö mbaraabharughi murwe mu-sinyumba isya esango iya Abhayahudi. Kora enkaagha irihika-ho, eno kera ömöntö ono arebhaita, arekanyanga igha m-buuya akokora ku-Waryobha.

Amangʼana agha Abhatomwa 28:22

Bhëëtö hano nkutuna törë twighwe amangʼana aghaaho, ko bhoora ntomanyirë igha, idiini eno onayo, nkoghambwa ërë bhoghogho ahasë honswe igho.”

Amangʼana agha Abhatomwa 7:59

Hano bhaatemanga Sitefaano na amaghena, akasaasaama igha, “Omonene Yëësu, ghegha omooyo ughwane!”

1 Peetero 4:16

Ömöntö wowonswe ono araanyoore inyaanyi ko bhoora igha m-mosoorani uwa Yëësu Kiristo, atakaasooka. Kasi atööni Waryobha igha, ni-riina riyö akobherekerrwa.

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.

Okohonyora 2:13

Öni nemanyirë ahasë hayö mömënyirë, hayö, ho Oghosambwa ghokotonga. Nokaanyoora ni-igho amangʼana gharë, kasi nkunkumya mökërë. Kora enkaagha eno umwimërërri uwaane uwa heene Antipa yaaitirwë mu-mughi ughwënyu muyö Oghosambwa ghömënyirë, temwanyikaanirë hë. Antipa uyö, nu-mwimërërri uwaane uwa heene yaarë.

Okohonyora 7:14

Nkamohonshora igha, “Omonene, uwe nu-uwe omanyirë.” Akantëëbhya igha, “Abhantö bhayö, m-baara bhaaghömërrëëyi inyanko enene eera. Bhaafura sengansho isyabho ko amaanyinga agha Omoona Ringʼöndi, sekarabha shaa.