Mataayo 24:44 - Imuuma Eehya

⁴⁴ Ku bhuyö na bhëënyu bhonswe mwisëëmi, ko bhoora öni Omoona uwa Ömöntö, nindiisha enkaagha eno motakotemera omotwe.”

Mataayo 24:44 ပူးပေါင်းရင်းမြစ်များ

Mataayo 24:27

Ko bhoora ukuusha ukwane öni Omoona uwa Ömöntö, nkoretakya abhantö kya hano ëkëmësyö kyamësya röghörö, kemaahwa kora nyansha.

Mataayo 24:42

Ku bhuyö mwiyangarre, ko bhoora motamanyirë urusikö urwa ukukyora ukwane öni Omonene uwëënyu.

Mataayo 24:43

“Kasi momanye engʼana eno igha, singa mwene inyumba akaamanyërrëëyi enkaagha eno umwibhi akaaishirë, nakaaisëëmëri akore öbhörëndi, takaaraayë atighe umwibhi atemore inyumba iyaaye.

Mataayo 25:10

“Mbe, abhahara abhakangi bhaara, bhakaghya okoghora amaghuta. Enkaagha eno bhaaghyanga, ömötëti akasoha. Abhahara abhangʼaini bhaara waanyöörrë bhaisëëmëri, bhakasoha mu-nyumba eno inyangi iya ubhwenga yaakorrwanga-mo. Ekesaku kekasiikwa.

Mataayo 25:13

Yëësu akaghëndërrya ökötëëbhya abheegha abhaaye igha, “Mbe, ku bhuyö ni-igha mwiyangarre, ko bhoora motamanyirë urusikö, handë enkaagha iya ukukyora ukwane öni Omoona uwa Ömöntö.”

Ruuka 12:39

Kasi momanye engʼana eno igha, singa mwene inyumba akaamanyirë enkaagha eno umwibhi akaaishirë, nakaaisëëmëri. Takaaraayë, atighe umwibhi atemore inyumba iyaaye.

Ruuka 12:40

Ku bhuyö bhëënyu bhonswe ni-igha mwisëëmi, ko bhoora öni Omoona uwa Ömöntö, nindiisha ko-nkaagha eno motakotemera omotwe.”

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Abhafiripi 4:5

Obhohaabhu ubhwënyu bhomanyekane ko-bhantö bhonswe igho. Omonene Yëësu haangʼë arë aashe.

Yaakobho 5:9

Abhakumya bharikyane, motakaatemananga amasoro motakaasha okobhotorwa ikiina. Motamaaha! Umwahokania ono arebhotorra abhantö bhonswe igho ibhiina ibhyabho, haangʼë arë akyore.

Okohonyora 19:7

Ni-igha tushomerwe, tukirirri na ökömötöönia. Ko bhoora inyangi iya obhoghabhöri ubhwa Omoona Ringʼöndi ihikirë, na umwenga uwaaye amarrë ukwisëëmya.