Mataayo 24:30 - Imuuma Eehya

³⁰ “Ko-nkaagha iyö, ekemanyërryö ikya öni Omoona uwa Ömöntö, nkeremaahekana ighörö iyö, na abhantö abha mu-bhyaro bhyonswe igho, mbarikuura igho, bhashaashaane. Mbaremmaaha öni Omoona uwa Ömöntö ndaasha ndëngë ko-masaarö, neena obhotoro na ubhuhika.

Mataayo 24:30 ပူးပေါင်းရင်းမြစ်များ

Mataayo 24:3

Mbe, Yëësu akaghya mu-nguku iya Ëmëzëituuni, akaikara. Abheegha abhaaye bhonswe bhakaghya-yo. Bhakamöbhöörya igha, “Tötëëbhi amangʼana ghonswe igho ghayö n-dööhë gharebha. Na ekemanyërryö ikya ukuusha ukwaho, na ikya umuhiko ughwa ekebhara n-dööhë?”

Mataayo 24:37

Ko bhoora ukuusha ukwane öni Omoona uwa Ömöntö, nkorebha kya enkaagha eera iya Nuhu.

Mataayo 24:39

Tebhaamanyirë n-kë kekaabhaayë hë, okohekera hano ëhöörö yaabhamërri bhonswe igho. Ni-igho erebha hano öni Omoona uwa Ömöntö ndiisha.

Mataayo 26:64

Yëësu akamohonshora igha, “Nu-uwe oghambirë igho. Kasi nkobhatëëbhya ndë bhonswe igho igha, ukusimirya reero, moraamaahe öni Omoona uwa Ömöntö nikaayë bhoryo ubhwa Waryobha uwa obhotoro. Ghwiki moreemmaaha ndaasha ndëngë ko-masaarö.”

Maariko 13:26

“Ho abhantö bhonswe igho bharemmaaha öni Omoona uwa Ömöntö, ndaasha ndëngë ko-masaarö, neena obhotoro na ubhuhika.

Maariko 13:4

“Torakosabha ötötëëbhi, ghayö okoghamba n-dööhë gharyebhoka? N-kemanyërryö kë keno kereghera tomanye igha, ghayö haangʼë gharë ghabhe?”

Ruuka 21:27

“Hayö ho abhantö bharemmaaha öni Omoona uwa Ömöntö, ndaasha ndëngë ku-risaarö, neena singuru, na emerengaari ighya ubhuhika ubhurito.

Ruuka 22:69

Kasi ukurwa bhoono igho, öni Omoona uwa Ömöntö, nendaaikare bhoryo ubhwa Waryobha uwa obhotoro bhwonswe igho.”

Amangʼana agha Abhatomwa 1:11

Abhantö bhayö, bhakabhöörya abhatomwa bhayö igha, “Bhëënyu bhare Bhaghariraaya, ndarra mwimërëëyë hano moragharamera mu-ryobha? Yëësu uyö aruurë kö-bhëënyu hano ukughya mu-ryobha, kasi rooho urusikö rono arikyora kya ighoigho mömörööshë araghya mu-ryobha.”

2 Abhatësarönikë 1:7

Bhëënyu bhano mukunyankibhwa, murimuunya inyanko iyëënyu hamwë na bhëëtö. Ni-igho Waryobha arekora, enkaagha eno Omonene Yëësu aremaahekana ararwa mu-ryobha. Nariisha na ëbhëmörë ibhya omorro hamwë na abhamaraika abhaaye abha obhotoro.

Okohonyora 1:7

Motamaaha! Nariisha arëngë ko-masaarö! Kera ömöntö naremomaaha, kora abhantö bhaara bhaamöbhëtirë ritimö, bhayö bhonswe mbaremomaaha. Amakabhira ghonswe igho ko-kebhara ngarikuura ko okoghera iya Yëësu. Yëë. Amina.

Okohonyora 12:1

Mbe, kekeebhoka ekemanyërryö ikya ököröghöörya bhököngʼu, ighörö iyö. Nkamaaha omokari aibhöhiibhwi iryobha, na eno amaghörö aghaaye, ghatashirë ku-mwëri. Ghwiki, yaarenga atöörrë ikirighi ikya ekekama ko-motwe ughwaye. Ikirighi kiyö, kyaarë na sinyota ikömi na ibhërë.