Mataayo 24:10 - Imuuma Eehya

¹⁰ Hayö bhoono ho abhantö abhaaru bharyanga kunkumya. Mbarekorrananga sinikö, na okoreghana abheene ko abheene.

Mataayo 24:10 ပူးပေါင်းရင်းမြစ်များ

Mataayo 10:21

“Ömöntö narinyeera inikö mura uwaabho okore aitwe, na umwibhöri uwa ikishaasha narinyeera inikö omoona uwaaye, na abhaana mbarinyeera inikö abhaibhöri abhaabho, na okobhaita.

Mataayo 11:6

Nyakara ömöntö ono aköghëndërrya ukunkumya.”

Mataayo 13:21

Kasi nkukumya arë engʼana iya Obhokama ubhwa Waryobha iyö ibhagha ike igho, ko bhoora umukumo ughwaye ghotahirrë imiri bhököngʼu. Mbe, hano amangʼana ghamokongʼera handë amateeso ghaashe ko okoghera iya engʼana iyö, n-kamwë igho akutigha ukukumya Waryobha.

Mataayo 13:57

Bhakamorererra, bhakaanga ukumukumya. Kasi Yëësu akabhatëëbhya igha, “Ömörööti nkosookwa arë ahasë honswe igho. Kasi ahasë hano atakosookwa, mu-kyaro ikyabho, na mo-bhantö abhaaye umwene.”

Mataayo 24:11

“Ko-nkaagha iyö, mbariisha abharööti abha obhorongo abhaaru, bhangʼaine abhantö abhaaru.

Maariko 13:12

“Ömöntö narinyeera inikö mura uwaabho, okore aitwe. Na umwibhöri uwa ikishaasha narinyeera inikö omoona uwaaye, na abhaana mbarinyeera inikö abhaibhöri abhaabho okore bhabhaite.

Maariko 4:17

Kasi ko bhono bharëngë kya ömöröngö ghono ghotahirrë imiri, hano inyanko yabhanyoora ko okoghera iya engʼana iyö, nkutigha bharë umukumo ughwabho kamwë igho.

Ruuka 21:16

“Murinyeerwa inikö, kora na abhaibhöri abhëënyu, abhamura abhëënyu, bhahiiri abhëënyu, na abhasaani abhëënyu. Mbareghera abhandë mwitwe.

2 Timoteo 1:15

Uwe nomanyirë igha, abhantö bhonswe igho abha mo-mokowa ughwa Asia Enke bhantigha. Mo-bhayö, bhaamo bhaabho Fughero na Herimoghene.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

2 Timoteo 4:16

Hano naaimërëëyë urwa mbere ukwikoorerra öni umwene mo-bharasa haara, tiyaare-ho ömöntö kora ömwë, ono yaarë orobhareka urwane, bhonswe igho mbaantighirë. Ndasabha Waryobha atakaabhagherra obhosarya ko engʼana iyö.