Mataayo 23:8 - Imuuma Eehya

⁸ “Kasi bhëënyu motakaikërrya abhantö bhabhabherekere igha, ‘Raabhi.’ Ko bhoora Umwëghya uwëënyu nö-ömwë, na bhëënyu bhonswe igho m-bamwë mörë.

Mataayo 23:8 ပူးပေါင်းရင်းမြစ်များ

Mataayo 10:25

Bhëënyu abheegha abhaane ni-igha mobhe kya öni. Mwitengʼere igha abhantö mbarebhakorra obhoghogho kya bhono bhakonkorra obhoghogho. Öni m-motangati uwëënyu ndë, hano okomaaha bharamberekera igha n-Gosambwa ndë, na bhëënyu bhonswe mbarebharoka amariina amaghogho bhököngʼu.”

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 23:10

Motakaikërrya abhantö bhabhabherekere igha, ‘Umwëghya’ ko bhoora umwëghya uwëënyu nö-ömwë umwene igho, Kiristo.

Mataayo 23:7

Ghwiki nkutuna bharë bhököngʼu bhasookwenga na abhantö ko okobhakëërya mo-meteera, na ökötöönibhwa igha ‘Raabhi.’

Mataayo 26:25

Mbe, Yuuda oora yaanyëërëëyë Yëësu inikö wonswe akaghamba igha, “M-maheene Raabhi igha nö-öni?” Yëësu akamohonshora igha, “Oghamarrë.”

Mataayo 26:49

Hake igho, Yuuda akaghya ku-Yëësu akamobherekera igha, “Raabhi!” Akamwibhaara.

Maariko 10:51

Yëësu akamöbhöörya igha, “N-kë ukutuna nkokorre?” Umuhukuru uyö akamohonshora igha, “Umwëghya, nkutuna ndë igha maahe.”

Maariko 11:21

Peetero akahiita amangʼana ghano Yëësu yaaghambirë, akamötëëbhya igha, “Raabhi, tamaaha! Umutiini ghono waaihiimirë, ghwömirë!”

Maariko 14:45

Mbe, Yuuda akaghya ku-Yëësu, akamobherekera igha, “Raabhi!” Akamwibhaara.

Maariko 9:5

Peetero akatëëbhya Yëësu igha, “Raabhi, m-buuya bhëëtö tobhe hano. Tohaghaashe ibhighutu bhitatö. Ëkëmwë ikyaho, ikyëndë ikya Mosa, na ikyëndë ikya Ëriya.”

Ruuka 22:32

Kasi nkosabhëëyë ku-Waryobha, okore umukumo ughwaho ghotakasuuha. Na hano urinkyorra, oseghe bharikyaho.”

Yohana 1:38

Mbe, Yëësu akaisyörya, akamaaha abheegha bhayö bharamosoorana. Akabhabhöörya igha, “N-kë mukutuna?” Bho bhakamohonshora igha, “Raabhi, kana hai ömënyirë?” Ensonga iya engʼana iyö “Raabhi,” ni-igha, umwëghya.

Yohana 1:49

Natanaëri akamohonshora igha, “Raabhi, uwe m-Moona uwa Waryobha örë! Nu-uwe Omokama uwa Isiraëri!”

Yohana 11:8

Abheegha abhaaye bhakamohonshora igha, “Raabhi, m-böngö hano Abhayahudi bhaatunanga okokotema na amaghena, ghwiki oratuna igha ukyore-yo?”

Yohana 20:16

Yëësu akamobherekera iriina iryaye igha, “Uwe Maryamu!” Maryamu akaisyörya, akamaaha Yëësu, akaghamba ku-Kiëbhuraania igha, “Rabhöni!” Ensonga iyaamo ni-igha, umwëghya.

Yohana 3:2

Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Yohana 3:26

Ku bhuyö bhakaghya ku-Yohana, bhakamötëëbhya igha, “Raabhi, ömöntö ono yaarë na uwe humbu iya omooro ughwa Yorodani, ono waatötëëbhëri amangʼana aghaaye, nkobhatiisya arë abhantö. Abhantö bhonswe igho, bharahwera ku-uyö.”

Yohana 4:31

Nyuma eno, abheegha abhaaye bhakamosaasaama igha, “Raabhi, otarya ibhyakorya.”

Yohana 6:25

Hano abhantö bhayö bhaahikirë humbu iya inyansha, bhakanyoora-yo Yëësu, bhakamöbhöörya igha, “Raabhi, n-dööhë waasha eno?”

Yohana 9:2

Abheegha abhaaye bhakamöbhöörya igha, “Raabhi, ömöntö ono yaaibhööywë igho umuhukuru ko okoghera iya ëbhëbhë ibhya wë? Ibhya ömöntö ono, kasi ni-ibhya abhaibhöri abhaaye?”

2 Abhakörintö 1:24

Ti-igha nkobhaaha törë umukumo ughwënyu, kasi bhëëtö na-bhaköri abha emeremo hamwë na bhëënyu, ko okoghera iya ukushomerwa ukwënyu, ko bhoora umukumo ughwënyu ghwanagha.

2 Abhakörintö 4:5

Bhëëtö ta-mangʼana aghëëtö tokoraareka hë, kasi na-agha Yëësu Kiristo igha m-Monene, na bhëëtö na-bhaköri abha emeremo abhëënyu törë, ko okoghera iya Yëësu Kiristo.

Abhaëfësö 3:15

Uyö we esemoko iya ëbhëntö bhyonswe igho, ibhya mu-ryobha na ibhya ko-kebhara kono.

Firimoni 1:16

Ukurwa bhoono igho, tarëngë kya omoghorwa ku-uwe hë. Kasi nakërrë omoghorwa. Uyö m-mura uwëënyu omoghonshe. Öni nemohanshirë bhököngʼu, kasi uwe, noraamohanshe bhököngʼu konkera. Noraamohanshe igha m-moghorwa uwaaho, na ko bhoora igha m-Mukiristo murikyaho.

Yaakobho 3:1

Bhëënyu abhakumya bharikyane, abhëëghya abha engʼana iya Waryobha bhatakaaruha mö-bhëënyu. Ko bhoora momanyirë igha, bhëëtö abhëëghya abha engʼana iya Waryobha nturiitaahwa bhököngʼu na Waryobha okokera abhandë bhonswe igho.

1 Peetero 5:3

Motakaabha abhakaraabhërri abharörö ko bhano mokotangata, kasi öbhömënyi ubhwënyu, bhobhe ëkërëngyö ikiiya ko-bhantö.

Okohonyora 1:9

Öni nö-öni Yohana umukumya murikyënyu. Nkötöörrania ndë hamwë na bhëënyu ököghömërrya inyanko ko okoghera iya Yëësu na Obhokama ubhwaye. Öni naarëbhërrëëywë kwi-ghinga reno rekobherekerwa igha Paatimo. Naarëbhërrëëywë iyö, okore igha, ntakaaraareka engʼana iya Waryobha na ntakaimererra amangʼana agha Yëësu.

Okohonyora 19:10

Mbe, ho naaghööyë hansë bhubhuumaayë ko-maghörö agha maraika uyö, okore mmosaasaame. Kasi akantëëbhya igha, “Tigha otakaakora igho! Öni wonswe murikyaho ndë, ömököri uwa emeremo hamwë na abhakumya bharikyaho, bhano bhakwimererra amangʼana agha Yëësu. Sengerra Waryobha! Ko bhoora ukwimererra amangʼana agha Yëësu kuyö nkwo esemoka iya öbhörööti.”

Okohonyora 22:9

Kasi we akantëëbhya igha, “Tigha, otakaakora igho! Öni wonswe m-mököri uwa emeremo murikyaho ndë. N-kya abhakumya bharikyaho abharööti ndë, na abhandë bhonswe igho bhano bhakoghoota engʼana iya eketabho keno. Ku bhuyö sengerra Waryobha umwene igho!”