Mataayo 22:23 - Imuuma Eehya

²³ Abhasadukaayo nyabhorebhe bhakaghya ku-Yëësu urusikö rooraroora. Abhasadukaayo tebhakwikërrya igha ukuryoka kooho hë. Ku bhuyö abhandë bhakabhöörya Yëësu igha,

Mataayo 22:23 ပူးပေါင်းရင်းမြစ်များ

Mataayo 16:6

Yëësu akabhatëëbhya igha, “Mwiyangarre na ehamiira iya Abhafarisaayo na Abhasadukaayo.”

Mataayo 3:7

Kasi hano Yohana yaarööshë Abhafarisaayo na Abhasadukaayo abhaaru, bharaasha ko-we, okore bhabhatiisibhwi, akabhatëëbhya igha, “Bhëënyu urwebhoro urwa inshoka! Kana nawë uyö abharömirë ökötwë, igha mongʼose okorerra ukwa Waryobha kono kuriisha?

Amangʼana agha Abhatomwa 4:1

Hano Peetero na Yohana bhaarenga bhakiishumaasha na abhantö bhayö, abhasëngëri, Abhasadukaayo, na omonene uwa abharëndi abha risengerro irya Waryobha, bhakatora.

Amangʼana agha Abhatomwa 5:17

Mbe, omonene uwa abhasëngëri na bharikyaye bhonswe igho abha rikomo irya Abhasadukaayo, bhakakorra orongʼeera abhatomwa abha Yëësu.

2 Timoteo 2:18

Abhantö bhayö, bhaasira bhököngʼu. Bhaatigha obhoheene, ko bhoora bhakoghamba igha, ukuryoka ukwa abhaku kwamara okobha-ho kare. Amangʼana ghayö bhakoghamba, nkusirya bharë umukumo ughwa abhantö abhandë.