Mataayo 22:11 - Imuuma Eehya

¹¹ “Ekahika-ho enkaagha omokama akasoha mu-nyumba moora, amaahe abhaghëni abhaaye bhano bhaarenga ko-meeza haara. Akamaaha-mo ömöntö ömwë ono ataarenga ibhöhirë ingibho iya bhwenga.

Mataayo 22:11 ပူးပေါင်းရင်းမြစ်များ

Mataayo 13:30

Kasi mutighe bhikiine bhyonswe igho, okohekera enkaagha iya okoghesa. Hayö ho ndëtëëbhya abhaghësi bhatangate kwiha ëntöki, bhaghebhohe amaghanda, okore bhaghesambe. Ho bhoono bhaghese engano na okoghetoora mo-ketara.’”

Mataayo 22:10

Mbe, abhaghorwa bhayö, bhakaghya ko-senshera isya imyahokano, bhakakomania abhantö bhonswe igho bhano bhaasikaini nabho haara, mbakaabha abhaghogho handë abha heene, bhakaasha nabho mu-bhwenga. Abhaghëni bhakeeshora mu-righari irya ubhwenga, ko-meeza haara.

Mataayo 3:12

Uyö, naana orohongo mo-kobhoko ukwaye, urwa ukwerorra. Hano aremara, narekomania engano aghetoore mo-ketara, kasi umwiruro, nareghosamba mo-morro ghono ghotakurima.”

Abharuumi 13:14

Kasi bhoono igho kö-bhömënyi ubhwënyu bhwonswe igho, motangatwenga na Omonene Yëësu Kiristo, motakaikërrya kora hake, okobha na esemoko iya öbhököri ubhwa ëbhëbhë, handë oronamba urwënyu oroghogho.

Abharuumi 3:22

Enshera iyö, ne-eera iya ukukumya Yëësu Kiristo. Abhantö bhonswe igho bhano bhakukumya Yëësu Kiristo, Waryobha nkobhabhara arë igha, m-ba heene. Taana ekeroterro kö-möntö wowonswe oora hë.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

2 Abhakörintö 5:3

Hano turibhohibhwa ëmëbhërë emehya ghiyö, tetorebha kengʼaabhi hë.

Abhagharatia 3:27

Bhëënyu bhonswe igho bhano mwaabhatiisibhwa, mwaghootana na Kiristo, mwabha kya bhano mötöörrë Kiristo.

Abhaëfësö 4:24

Ghwiki igha, mobhe na eteemo eehya iya ituubho iya Waryobha ko bhoheene ubhwa heene na öbhöhörëëru.

Okohonyora 16:15

Omonene Yëësu araghamba igha, “Momaahe! Nindiisha kya bhoora umwibhi akuusha igho atarëkëëyë amangʼana. Yaamara okongʼoorwa ömöntö ono akwiraarerra eno aibhöhirë singibho isyaye bhuuya, okore atakaasha okoghenda kengʼaabhi na ökösöökërribhwa mo-bhantö.”

Okohonyora 19:8

Umwenga uyö ahaaywë singibho sinshiiya isya öbhöghöri seno sekomekameka.” Singibho sinshiiya siyö ensonga yaamo, na-mangʼana amaiya ghano abhantö abha Waryobha bhakokora.

Okohonyora 2:23

Ghwiki obhoheene ni-igha, nendaaite abhasoorani abhaaye. Hayö ho abhantö abha ekanisa bhareemanya igha, öni nkwitaaha ndë enkoro na amaitegherro agha ömöntö. Nendehaka kera ömöntö mö-bhëënyu, ko okorengʼaana na ghano yaakora.

Okohonyora 3:18

Ku bhuyö nkobharaghërrya ndë igha, moghore ku-öni esahaabhu eno yaghuutwa mo-morro, okore mwamehe. Ghwiki moghore singibho sendabhu, okore mubhisi ekengʼaabhi ikyënyu motakaashe mosooke. Moghore iryogho irya okohaka mo-maiso, okore momaahe.