Mataayo 20:8 - Imuuma Eehya

⁸ “Mbe, hano iryobha ryaaghööyë, mwene möghöndö uyö, akabherekera umwimërërri uwa emeremo ighyaye, akamötëëbhya igha, ‘Bherekera abhaköri abha emeremo bhonswe igho, obhahake ehoorohooro iyaabho. Usimiri ko bhano ndëëtirë bhöngö hano, omarërri ko bhaara bhaasimiri emeremo ukurwa nyinkyo.’

Mataayo 20:8 ပူးပေါင်းရင်းမြစ်များ

Mataayo 20:7

“Bho bhakamohonshora igha, ‘Taaho ömöntö ono atohaayë omoremo tokore.’ “Akabhatëëbhya igha, ‘Na bhëënyu bhonswe, moghende mokore emeremo kö-möghöndö ughwane ughwa emezabhibhu.’

Mataayo 20:9

“Mbe, ho abhaköri abha emeremo bhano bhaaishirë saa ikömi na ëmwë, bhakaasha, bhakahaanwa ehoorohooro iyaabho iya urusikö urughima, idinaari ëmwë.

Mataayo 25:19

“Hano ribhagha ritambë ryaahëtirë, omonene uwaabho oora akakyora. Mbe, akabherekera abhaghorwa abhaaye, okore bhamötëëbhi kya igho bhaimërërra ëbhëntö ibhyaye bheera.

Mataayo 25:31

Ghwiki Yëësu akaghëndërrya ukushumaasha na abheegha abhaaye, akabhatëëbhya igha, “Hano ndiisha öni Omoona uwa Ömöntö neena ubhuhika ubhwane, hamwë na abhamaraika bhonswe igho, hayö bhoono ho ndikara ku-kitumbë ikya ekekama.

Ruuka 10:7

Motakangʼaanya ngʼaanyanga, mwikarenga mu-nyumba iyö mösöhirë-mo, ibhyakorya bhyobhyonswe bheno möhëëriibhwi, bhëënyu moraaghere. Ko bhoora ömököri uwa emeremo, naingʼarëëyi okohaanwa ehoorohooro iyaaye.

Ruuka 12:42

Omonene akamohonshora igha, “Umwimërërri uwa heene na omongʼaini nö-öhë? Nö-mököri uwa emeremo ono omonene uwaaye araakumi, amotoore ku-bhwimërërri ubhwa bharikyaye, abhahaanenga ibhyakorya ko-nkaagha yaako.

Ruuka 8:3

Yoana mokaa Kuza wonswe ho yaarë. Kuza uyö, we yaarë umwimërërri uwa ëbhëntö ibhya omokama Herode Antipa. Yaare-ho Susana, na abhakari abhandë abhaaru. Abhakari bhayö, mbaasororanga ëbhëntö ibhyabho, kö ökötöörya Yëësu na abheegha abhaaye.

2 Abhakörintö 5:10

Ko bhoora bhëëtö bhonswe igho, nturimerra mbere iya ikitumbë ikya Yëësu Kiristo ikya okobhotorra ibhiina, okore kera ömöntö, ahakwe ko okorengʼaana na amangʼana ghano yaakora, ko-kebhara kono, nyoore m-maiya handë igha m-maghogho.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

1 Peetero 4:10

Kera ömöntö naana ituho iyaaye eno yaahaanwa na Waryobha. Bhoono ni-igha aghekorre emeremo bhuuya ko ökötöörrya bharikyaye. Akorenga igho kya umwimërërri umuuya uwa örööbhö urwa Waryobha urwa seteemo nsharu.