Mataayo 20:7 - Imuuma Eehya

⁷ “Bho bhakamohonshora igha, ‘Taaho ömöntö ono atohaayë omoremo tokore.’ “Akabhatëëbhya igha, ‘Na bhëënyu bhonswe, moghende mokore emeremo kö-möghöndö ughwane ughwa emezabhibhu.’

Mataayo 20:7 ပူးပေါင်းရင်းမြစ်များ

Mataayo 20:1

Yëësu yaarëngëri ëkërëngyö keno igha, “Obhokama ubhwa Waryobha, mbonga kya ömöntö ono yaarë na ömöghöndö, akamuta nyinkyo shiri, ukughya kutuna abhantö abha okomokorra emeremo kö-möghöndö ughwaye ughwa emezabhibhu.

Mataayo 20:6

Hano yaahikirë seesa ikömi na ëmwë, akaghya ghwiki mo-moteera, akamaaha abhantö abhandë bhaimërëëyë mo-moteera hayö. Akabhabhöörya igha, ‘N-kwakë mwimërëëyë hano ukurwa nyinkyo, temoona omoremo ughwa okokora hë?’

Mataayo 20:8

“Mbe, hano iryobha ryaaghööyë, mwene möghöndö uyö, akabherekera umwimërërri uwa emeremo ighyaye, akamötëëbhya igha, ‘Bherekera abhaköri abha emeremo bhonswe igho, obhahake ehoorohooro iyaabho. Usimiri ko bhano ndëëtirë bhöngö hano, omarërri ko bhaara bhaasimiri emeremo ukurwa nyinkyo.’

Yohana 9:4

Ni-igha tokore emeremo ighya Waryobha ono yaantoma, enkaagha eno iryobha rekeeho. Ko bhoora ubhutikö nkuusha bhörë, hano totaretora okokora emeremo gheno.

Amangʼana agha Abhatomwa 4:16

Bhakabhoorania igha, “Iyakë tokaakora abhantö bhano? Abhamënyi bhonswe igho abha Yërusarëëmu hano, mbamanyirë igha, bhakörrë ekemanyërryö ekenene ikya rikono, keno totaatore ukukikaana.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

Abhaëfësö 6:8

Momanye igha, Omonene narituha abhantö bhonswe igho, ko amangʼana amaiya ghonswe igho ghano abhatöönööni handë abhaghorwa bhaakora.

Abhakorosaai 1:26

Engʼana iyö iya ikibhisirë, yaabhisirwë ukurwa kare, amakora ghonswe igho. Kasi bhoono yatoorwa harabhurabhu igho ko-bhantö abha Waryobha.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.