Mataayo 2:7 - Imuuma Eehya

⁷ Mbe, hano Herode yaaighuurë amangʼana ghayö, akabherekera abhamanyi abha sinyota bhayö, okore aghi nabho righara bhamötëëbhi enkaagha eno bhaasimiri okomaaha inyota iyö.

Mataayo 2:7 ပူးပေါင်းရင်းမြစ်များ

Mataayo 2:1

Yëësu yaaibhörëëywë mu-mughi ghono ghwaabherekerwanga igha Bhëtërëhëëmu, mo-mokowa ughwa Yudea, enkaagha eno omokama Herode yaatonganga. Tamaaha mbe, enkaagha iyö, yo abhamanyi abha sinyota bhaarwërëëyë röghörö, bhakahika Yërusarëëmu. Bhakabhöörya abhantö igha,

Mataayo 2:16

Hano omokama Herode yaangʼurrë igha abhamanyi abha sinyota bhayö mbaamongʼainirë, akarerra bhököngʼu. Ku bhuyö akatoma abhasirikare abhaaye Bhëtërëhëëmu na mu-bhishishi bheno bhyaahegheraini na Bhëtërëhëëmu igha bhaite abhaana abha ikishaasha bhonswe igho abha imyoka ëbhërë, na bhano bhaatunanga ukuhikya imyoka ëbhërë. Yaakörrë igho, okorengʼaana na enkaagha eera yaatëëbhiibhwi na abhamanyi abha sinyota.

Mataayo 2:8

Ho yaamarrë akabhatoma Bhëtërëhëëmu, akabhatëëbhya igha, “Moghende möbhöörërri bhuuya amangʼana agha omoona uyö, na hano moraamomaahe, mondeetere amangʼana, okore öni wonswe ngende komosaasaama.”

Amangʼana agha Abhatomwa 24:22

Ko bhoora Fëriki yaamanyirë bhuuya amangʼana agha abhasoorani abha Yëësu, akakubhya ikiina kiyö, akabhatëëbhya igha, “Hano omonene uwa abhasirikare Risia arengʼaaraara ukuusha hano, hayö ho ndebhotora ikiina ikyënyu.”

Okohonyora 12:15

Mbe, ughushoka ghuyö, ghokaruusya amanshë amaaru kya omoghera mu-munywa ughwaryo, okore omokari uyö, ahete na engera.